Турнирдің төрешісі, садақ атудан ел чемпионы Айым Тілепберген аталған спорт түрінің соңғы екі-үш жылда серпінді түрде дамып келе жатқанын айтады.
– Бұл турнирге қатысушылар санының көп болғаны бізді қатты қуантты. Жалпы, балалар спорттың бұл түріне зор қызығушылық танытып жүр. Садақ атуға деген құлшыныстары керемет. Ал жарыс болса, жеті жастан 18 жасқа дейінгі спортшылар арасында төрт топ бойынша ұйымдастырылды. Турнирде тартысты бәсекелер 10-12 жас санатындағы жасөспірімдер арасында өтті, – дейді А.Тілепберген.
Қыздар және ұлдар арасындағы республикалық біріншіліктің қорытындысы бойынша Алматы, елорда және Маңғыстау облыстарының жас садақшылары тәуір нәтижелерге қол жеткізді. Ал Қарағанды облысының балғын мергендері болса, намысты қолдан бермей, екі алтын, бір күміс және төрт қола жүлдені жеңіп алды.
ҚАРАҒАНДЫ
