Қоғам • 18 Мамыр, 2022

Орнын толтыратын олқылықтар бар

22 рет көрсетілді

Бұл айтайық дегеніміздің негізгі сарыны, айтар ойы айтылған. Осы бас газеттің 16 наурыз күнгі №51 санында «Қаламгер көмекке мұқтаж» деген атпен өзіндік мәселе көтерген шағын мақалам жарық көрген. Ол зиялы қауым арасында қызу талқыға түсті.

Жалпы қолдау тапты. Зейнет жасына жеткен ақын-жазушыларға ай сайын алатын азғантай зейнетақысына қоса, ай сайын белгілі мөлшерде көмек ақша берілгені дұрыс деген қоғамдық пікір қалыптасты. Қолдаушы жеткілікті, осы тілек аз ғана уақыт ішінде іске асады деп үміттеніп жүргендер қарасы тіптен көп. Бұрынғы кемшіліктің бәрі түзеліп, дүние өз орнына келіп жатқан бүгінгі шақта, Жаңа Қазақстан құрамыз деп талпынып жатқан қазіргі кезде бұл игі тілек те жүзеге асады деген ойдамыз.

Бүгінгі негізгі айтпағымыз мынау еді. Ақын-жазушылардың соңғы кезден тартып, осыған дейін баспа бетін көрген түрлі жазба дүниелеріне, әңгімелеріне, өлең-дастандарына, басқадай ғылыми мақалаларына қаламақы төленбейді. Бұл олқылықтың орын алғанына да талай жыл болды. Енді қашанға дейін жалғаса бермек.

Екінші айтарымыз, мемлекеттік органдар жыл сайын үздік әдеби-ғылыми кітаптарға бәйге жариялайды. Кітаптар өз аталымы бойынша жүлдеге қол жеткізеді. Бірақ сол алған ақшасы мүлдем мардымсыз. Әншейін көңіл алдаған бір аз нәпақа.

Үшіншіден, биыл Президенттің шешімімен «Балалар жылы» болып белгіленді. Ендеше, балалар әдебиетіне де көңіл бөлген жөн. Балаларға арналған кітаптардың да таралымын көбейту қажет. Ол ең кемінде 10-15 мыңнан кем болмауға тиіс. Сонымен қатар балаларға арнап жазылған кітаптардың ақшасын да екі-үш есе көтеру керек. Сонда ғана тұрақты балалар ақын-жазушылары қалыптасады.

 

Дәнеш АХМЕТҰЛЫ,

жазушы

АЛМАТЫ

Соңғы жаңалықтар

Шымкентте Қонаев даңғылы ашылды

Аймақтар • Бүгін, 17:58

Алматы маңында жер сілкінді

Аймақтар • Бүгін, 16:42

Алматыда үшінші вокзал салынады

Аймақтар • Бүгін, 14:59

Доллар арзандады

Экономика • Бүгін, 14:08

Ұқсас жаңалықтар