Аймақтар • 29 Маусым, 2022

Семей қаласының гербі бекітілді

46 рет көрсетілді

Семей қаласы мәслихатының кезекті 25-ші сессиясы өтіп, онда депутаттар қаланың гербі мен оның толық сипаттамасын бекітті. Сондай-ақ, жиын барысында жергілікті атқарушы органға гербті пайдалану тәртібін анықтау ұсынылды.

Семей қаласының жаңа гер­бінде қаланың рухани, тарихи, табиғи және заманауи келбеті көрініс тапқан. Елтаңбаның авторы – қалалық мәдениет са­­райының қоюшы суретшісі Ерлан Әмірбек.

Автордың айтуынша, гербтің шеңбер түрінде болуы мәң­гі­лік­тің символын айшық­тай­ды. Мә­селен, жасыл түс – та­биғаттың, үйле­сім­ділік пен тепе-теңдіктің символын біл­діреді. Геральдика заңдары бойынша күн өмір жолын сипаттайтын бұл түс аймақтың қайта жаңғыруымен де байланысты.

Гербтің ішінде бақыт символы ою-өрнекпен көмкерілген шаңырақ бейнесімен беріл­ген. Айқас төрт бөліктің (күл­діреуіштер) арасында кітап, қарағай, түйе және көпірдің сұл­басы бейнеленген. Бұл барлық төрт бөліктің теңдігінің дәлелін түсіндіреді. Кітап Семей қаласын еліміздің рухани-мәдени орта­лығы, Абай, Шәкәрім, көрнекті жазушы М.Әуезов сынды ұлы ойшылдардың Отаны ретінде бейнелесе, шаңырақтың сол жақ бөлігінде орналасқан қа­ра­ғай суреті өңірдің табиғи бейнесінің ажырамас бөлігін ай­шықтайды. Ал түйелер – ға­сырлар жүгін арқалаған дала кемесіндей ескі гербтің тарихи құндылығын бейнелейді. Ре­волюцияға дейін Семей қала­сы Ресей мен Батыс Қытай қала­ларының сауда ор­талығы болғаны және Жібек жо­лының бөлігі саналғаны тарихтан белгілі. Ал жаңа көпір – заманауи жетістіктердің көрсеткіші және Семей қаласының көрікті жері саналады.

Гербте «Семей» атауы сим­волдың төменгі жағында орна­ласқан және алтын әріп­термен жазылған. Алтын түс – әл-ауқат пен өркендеудің символы. Сары және көк түстің араласуы жасыл түске айналып, жомарттықтың, жанданудың және жақсы істің бастамасының символын біл­діреді.

«Бейбітшілік» аралының «Түйе­мойнақ» стелласындағы жеті қарлығаштың бейнесі – қы­рық жылғы атом сынақтарын жең­генінің айқын көрінісі саналады. Қазақ халқы үшін жеті саны қасиетті, «Жеті ұрпақ», «Жеті қара» секілді көптеген ұғым осы санмен байланысты. Ал қар­лығаштардың шаңырақты ай­нала ұшуы шексіздікті, қалаға мәңгілік бейбітшілік пен келісім тілейді. Өйткені киелі саналатын қарлығаш құстың өз ұясын бейбітшілік пен тыныштық ор­наған шаңыраққа ғана салатыны баршаға белгілі.

Соңғы жаңалықтар

Қазақстанда ұн қымбаттады

Қоғам • Бүгін, 10:53

Алтын белбеу үшін таласады

Спорт • Бүгін, 08:40

Жарысты жеңіспен бастады

Спорт • Бүгін, 08:38

Көнеден жеткен көрік

Таным • Бүгін, 08:30

Салым мен алым деңгейі

Қаржы • Бүгін, 08:25

Дипломаттар марапатталды

Саясат • Бүгін, 08:20

Каспий мәселесі талқыланды

Саясат • Бүгін, 08:18

Ұқсас жаңалықтар