Қазіргі таңда әлемнің түкпіріндегі және Таяу Шығыс пен Ауғанстан аймағындағы діни ахуалдың күрделенуіне байланысты азаматтарымызды шетелдегі теологиялық оқу орындарына барып білім алулары белгілі бір дәрежеде қауіпті болуы мүмкін.
Еліміздегі теологиялық білім алудың субъектісі ретінде Нұр-Мүбарак университетінде «Исламтану», «Теология» мамандықтары бойынша бакалавр, магистратура, докторантура санаттарымен оқу бағдарламасы бар. Нұр-Мүбарак университеті 2001 жылы Қазақстан мен Мысыр мемлекеттері арасындағы ресми келісім арқылы ашылған Орталық Азиядағы ең үлкен жоғары оқу орны болып саналады. Университеттің академиялық жұмысында Мысырдағы әйгілі Әл-Азһар университетінің профессорлық-оқытушылық құрамындағы мамандар дәрістер жүргізеді, осындай басымдықтар арқылы ислам дінінің білім, ғылым әлеуетін отандық және шетелдік мамандардан алуға болатын мүмкіндіктері тиімді ұйымдастырылған.
Сонымен қатар білімді зайырлы ұстанымдармен ұштасқан білім беру бағдарламасы Әл-Фараби атындағы Қазақ ұлттық университетінің философия және саясаттану факультетінде дінтану және мәдениеттану кафедрасында «Исламтану» мамандығы бакалавр, магистратура, докторантура санаттары бойынша мамандарды даярлайды. Әл-Фараби бабамыздың танымы үлкен мұрасы арқылы қалыптасқан діни білім қайнарын отандық жоғары оқу орындарынан қарастыру – қазіргі мектеп түлектеріне бағдар.
Алмасбек ШАҒЫРБАЙ,
Философия, саясаттану және дінтану институты дінтану орталығының директоры
