Қоғам • 12 Шілде, 2023

Ақтөбеде 70 мұғалім заңсыз үстемеақы алып отырған

353 рет
көрсетілді
1 мин
оқу үшін

Ақтөбеде 70 мұғалім жасанды құжат арқылы 2-3 жыл бойы заңсыз үстемеақы алып отырған,  деп хабарлайды Egemen.kz  qazaqstan.tv арнасына сілтеме жасап.

Ақтөбеде 70 мұғалім заңсыз үстемеақы алып отырған

Бұл туралы Сыбайлас жемқорлыққа қарсы агенттік пен білім беру саласында сапаны қамтамасыз ету департаменті жүргізген тексеріс нәтижесінде белгілі болды. Тағы 53 мұғалімге арнайы тестілеуден өте алмаса да өтті деген жалған анықтама берілген. 

Заңсыз әрекетке барған педагогтар мемлекетке 100 миллион теңгеден аса қаржыны қайтаруы тиіс. Оларға жасанды құжат берген мекемелер де тексеріледі.

«Қағаз түрінде алып келген сертификаттары мен базадағы балл сәйкес келмейтіні анықталып отыр. Олардың айырмашылығы тіпті оннан 35 баллға дейін барып отыр. Олар заңбұзушылыққа барып отыр ғой, бұл ретте олардың санаты педагогқа дейін түседі және бес жылға дейін аттестаттаудан өте алмайды», деді облыстық Білім беру саласында сапаны қамтамасыз ету департаментінің басшысы Гүлнара Сәрсенғалиева.