Фото: Облыс әкімдігі. Телеграм
Көру қабілеті нашар адамдардың күнделікті қауіпсіз қозғалысын және өзіне деген сенімділігін қамтамасыз ететін құрылғы әртүрлі жарақаттардың алдын алады. Пайдаланушының жолындағы кедергілерді таяқтағы датчик алдын ала анықтайды, солайша соқтығысуды болдырмайды. Заманауи таяқтың тағы бір артықшылығы: орнатылған арнайы зуммер датчигі дыбыстық нұсқаулар береді және пайдаланушыға қажетті орынды табуға көмектесетін мобильді қолданбалары бар.
Бұдан бөлек, қоршаған ортадағы әртүрлі нысандарды және басқа да маңызды бөлшектерді анықтауға көмектесетін компьютерлік көру технологиясы да қарастырылған. Сондай-ақ қосымша мүмкіндіктерді қамтамасыз ету үшін смартфондар сияқты басқа құрылғыларға қосылуға және өзара әрекеттестіруге болады.
Жоба авторлары: информатика пәні мұғалімдері Алтынай Ибраева, Арайлым Искакова, орыс тілі пәні мұғалімі Айжан Куандекова, математика пәні мұғалімі Данияр Надырбаев.
