Маңғыстауда Иса-Досан көтерілісінің 140 жылдығына арналған мерекелік шаралар ел мерейін көтерді
Батырлар рухына бағышталған мерекелік шаралар Ақтау қаласында ел Тәуелсіздігінің 20 жылдығы мен Иса-Досан көтерілісінің 140 жылдығына арналған республикалық ғылыми-теориялық конференциямен басталды. “Қазақ халқының ұлт-азаттық күресіндегі Иса-Досан көтерілісінің тарихи маңызы” деп аталған конференцияда Ш.Уәлиханов атындағы Тарих және этнология институтының директоры, тарих ғылымдарының докторы С.Мәжитов “Маңғыстаудағы Иса-Досан көтерілісі қазақ халқының азаттық күресі аясында: теориялық талдау”, Л.Гумилев атындағы Еуразия ұлттық университетінің проректоры, филология ғылымдарының докторы Д.Қамзабеков “Алаш зиялыларының еңбектеріндегі ұлт тарихының зерделенуі”, филология ғылымдарының докторы Ж.Тілепов “ХХІ ғасырдың екінші жартысындағы Қазақстан және 1870 жылғы маңғыстаулықтар көтерілісі”, облыс әкімі жанындағы ардагерлер кеңесінің мүшесі Д.Әріпов “Тарихқа жаңаша көзқарас” деген тақырыпта баяндама жасап, тарих тереңіне ой салынды.
Конференция аясында тарих ғылымдарының докторы, академик Ө.Озғанбаевтың “Адай көтерілісі” және тарих ғылымдарының кандидаты Ж.Нұрмаханованың “Көтеріліс күнделігі” атты кітаптарының тұсаукесері өтті.
Сол күні түс қайта мерекелік шаралар қазыналы түбектің қарашаңырағы Түпқараған ауданында жалғасты. Мұнда халықтың қаһарман ұлдары Иса Тіленбаев пен Досан Тәжиевтің еңселі ескерткішінің ашылу салтанаты болды.
Онда облыс әкімі Қ.Көшербаев Тәуелсіздігіміз бен жарқын болашағымыз үшін күрескендер есімін елге үлгі ете, ардақ тұта сөйледі. Ал әсем ескерткіштің авторы, аймақта біраз тарихи тұлғалардың бейнесін сомдаған белгілі мүсінші Көшер Байғазиевтің еңбегін жерлестері жоғары бағаласа, белгілі ақын Сабыр Адай:
Ер Досан – атқан оқ қой жалындаған!
Сыйлаған бейбіт күннің таңын маған.
Иса тұр, кескек – қылыш, кемел ақыл,
Қамалы парасаттың алынбаған...
Қашаннан әділеттің жыр безбені,
Қаншама бұл даланы сыр кезбеді.
Ей Алаш! Қос қаршығаң құтты болсын,
Қолыңнан ұшып кеткен бір кездері... – деп жырдан шашу шашты.
Батырлар рухына бағышталған мерекелік шаралар аясында Форт-Шевченко қаласында жыршы-термешілердің республикалық байқауы, ат бәйгесі, ұлттық спорт жарыстары да өтті.
Жоламан БОШАЛАҚ, Маңғыстау облысы.
Суреттерді түсірген Серік Майемеров.
Батырлар рухына бағышталған мерекелік шаралар Ақтау қаласында ел Тәуелсіздігінің 20 жылдығы мен Иса-Досан көтерілісінің 140 жылдығына арналған республикалық ғылыми-теориялық конференциямен басталды. “Қазақ халқының ұлт-азаттық күресіндегі Иса-Досан көтерілісінің тарихи маңызы” деп аталған конференцияда Ш.Уәлиханов атындағы Тарих және этнология институтының директоры, тарих ғылымдарының докторы С.Мәжитов “Маңғыстаудағы Иса-Досан көтерілісі қазақ халқының азаттық күресі аясында: теориялық талдау”, Л.Гумилев атындағы Еуразия ұлттық университетінің проректоры, филология ғылымдарының докторы Д.Қамзабеков “Алаш зиялыларының еңбектеріндегі ұлт тарихының зерделенуі”, филология ғылымдарының докторы Ж.Тілепов “ХХІ ғасырдың екінші жартысындағы Қазақстан және 1870 жылғы маңғыстаулықтар көтерілісі”, облыс әкімі жанындағы ардагерлер кеңесінің мүшесі Д.Әріпов “Тарихқа жаңаша көзқарас” деген тақырыпта баяндама жасап, тарих тереңіне ой салынды.
Конференция аясында тарих ғылымдарының докторы, академик Ө.Озғанбаевтың “Адай көтерілісі” және тарих ғылымдарының кандидаты Ж.Нұрмаханованың “Көтеріліс күнделігі” атты кітаптарының тұсаукесері өтті.
Сол күні түс қайта мерекелік шаралар қазыналы түбектің қарашаңырағы Түпқараған ауданында жалғасты. Мұнда халықтың қаһарман ұлдары Иса Тіленбаев пен Досан Тәжиевтің еңселі ескерткішінің ашылу салтанаты болды.
Онда облыс әкімі Қ.Көшербаев Тәуелсіздігіміз бен жарқын болашағымыз үшін күрескендер есімін елге үлгі ете, ардақ тұта сөйледі. Ал әсем ескерткіштің авторы, аймақта біраз тарихи тұлғалардың бейнесін сомдаған белгілі мүсінші Көшер Байғазиевтің еңбегін жерлестері жоғары бағаласа, белгілі ақын Сабыр Адай:
Ер Досан – атқан оқ қой жалындаған!
Сыйлаған бейбіт күннің таңын маған.
Иса тұр, кескек – қылыш, кемел ақыл,
Қамалы парасаттың алынбаған...
Қашаннан әділеттің жыр безбені,
Қаншама бұл даланы сыр кезбеді.
Ей Алаш! Қос қаршығаң құтты болсын,
Қолыңнан ұшып кеткен бір кездері... – деп жырдан шашу шашты.
Батырлар рухына бағышталған мерекелік шаралар аясында Форт-Шевченко қаласында жыршы-термешілердің республикалық байқауы, ат бәйгесі, ұлттық спорт жарыстары да өтті.
Жоламан БОШАЛАҚ, Маңғыстау облысы.
Суреттерді түсірген Серік Майемеров.
