20 Қазан, 2010

Ұрпақтары ұлықтады

402 рет көрсетілді
Іле өзенінің бойында Қаблиса жырауға арналған кесене-күмбез­дің ашылуына ұрпақтары жина­лып, баба рухын ұлықтады. Жырау мәң­гіге мекендеген жерге өрілген ке­се­не- күмбездің биіктігі 15 метр бол­­­са, күмбезді айнала тіре­ген 12 ба­­ған­ның да өзіндік мән-мағынасы бар. Мерейлі сәттің шымылдығы жы­рау шығармашылығы негі­зін­дегі театрландырылған қойылым­мен ашылса, бұдан соң Д.Қонаев ат­ындағы университет ректоры Өмір­әлі Қопабаев баяндама жасап, жыраудың тарихтағы өзіндік орны мен соңына қалдырған бай рухани мұрасына байланысты ұтымды пікірді ортаға салды. Халқының өткені мен бүгінгі тарихын зерделеп, ұрпаққа жет­кізіп, өнеге-үлгі етуді мұрат еткен Серік Үмбетов жер жәннаты Же­ті­суды мекендеген, еліне қысыл­ғанда қорған болған батырлары мен ақ­ын-шешендерінің қатары көп еке­ніне тоқтала келіп, Алаш үшін өзін­дік орны бар Қаблиса жырау Асанұлының есіміне қа­тысты дерек пен дәйекті зерделеді. Жыраудың рухани мұрасы саналы ұрпаққа үл­гі-өнеге, ынтымақ пен бірлікке жол сілтейтін бүгінгі шара осының жал­ғасы екендігіне көпшілікті ұйытты. Бұдан соң Қазақстан Жазу­шы­лар одағы басқармасының төра­ға­сы Нұрлан Оразалин бүгінгі тұр­ғы­зылған ақ кесене өлең-сөзге жа­салған құрмет екенін айтса, ар­хи­тектор Шота Уәлиханов, академик Еділ Ерғожин тәрізді азаматтар да ұрпағына ғибрат болатын баба жайлы ойларын тұжырымдады. Сар даланың төсіндегі сахнада өнер қайраткері Нұрғали Нүсіп­жанов “Саржайлауды” шалқыта шырқаса, Ағайша Исағұлова “Ата­ларым” әнін асқақтатты. Дүбірлі тойда түйе балуандар белдесті. Осылайша мерекеде Қаблиса жыраудың есімі одан әрі жаң­ғы­рып, ұрпақ жүрегіне ұялауымен есте қалды. Күмісжан БАЙЖАН, Алматы облысы. Суреттерде: Қаблиса жырауға арналған кесене-күмбездің ашылу салтанатынан.
Соңғы жаңалықтар

Ұқсас жаңалықтар