Білім • 17 Қыркүйек, 2024
Қазақстандағы эндаумент: Жоғары білім беру саласындағы баламалы жолдар
Қазақстанның білім беру жүйесі көп уақыттан бері даму үстінде. Бұл салада инновациялардың бір бөлігі жүзеге асқанымен кейбірі сәтсіз эксперименттерге айналды. Бұл даму мен өзін-өзі басқаруда толық апатияға алып келді, нәтижесінде – отандық оқу орындарының бәсекеге қабілетсіздігіне әкелді.
Мәдениет • 17 Қыркүйек, 2024
Семейдегі мәдени мерекелерде қала гербі неге қолданылмайды
Президент Қасым-Жомарт Тоқаев қазіргі таңда өңір таңбаларына ерекше мән беріп отыр. Сөзімізді дәйектей кетсек, Мемлекет басшысы биылғы Атырауда өткен Ұлттық құрылтайда: «Мен былтыр аймақтардың нышанын, яғни символикасын жүйелеп, бірыңғай стандартқа келтіру қажеттігін айттым. Нышандардан сол өңірдің ерекшелігімен қатар, еліміздің болмыс-бітімі де байқалуға тиіс», - деді.
Тұлға • 17 Қыркүйек, 2024
Жүзге дейін жүрегі жыр деп соққан
Жүзге дейін жүрегі жыр деп соққан... «Арыстанның артында терісі қалады, ақынның артында асыл сөзі қалады» демей ме дана халқымыз? Жетісудан шыққан атақты әнші, композитор, ақын Кенен Әзірбаев кезінде белгілі жыршы да болғаны мәлім. Кененнің жыршылық репертуарында Орта Азия халықтарына ежелден әйгілі болған «Ер Төстік», қырғыздың атақты эпосы «Манас» («Көкетайдың асы») жырлары ерекше орын алып келді, оларды асқан шабытпен жырлады. Біздің дәуірімізге ақын идеялық-көркемдік мәні күшті «Қырғызбай», «Әли батыр», «Кенебай – Кербез», «Жамбыл – жыр» жырларын жеткізді. Өзге жыршылар секілді Кенен де бұрынғы эпостың ең тартымды, асыл нұсқаларын халыққа тарату жолында аса пайдалы еңбек етті. Қазақтың «Ұлы жүз жайында аңыз», «Жалғыз қаз», «Қырғызбай», «Әли батыр», «Кенебай – Кербез», «Жамбыл – жыр» секілді ондаған эпикалық жырын Кенен жыршы насихаттап отырды. Ал тамаша қаһармандық жыр – «Бұрынғы өткен батырлар» («Көкетайдың асы») атты қырғыздың атақты эпосы «Манастың» бір бөлімі, біздің дәуірімізге жетуі жыршылық дәстүрдің баға жетпес қызметін сипаттай алады.
Білім • 17 Қыркүйек, 2024
Мемлекет басшысы Қасым-Жомарт Тоқаев Қазақстан халқына Жолдауында білім беру нәтижелерін еліміздің экономикалық қажеттіліктеріне сәйкестендіру, білім сапасын халықаралық стандарттарға сәйкес дамыту және академия мен өнеркәсіп арасындағы байланысты нығайту сияқты бірқатар маңызды бағытты атап өтті. Бұл басымдықтар білімді жұмыс күшінің жылдам өзгеріп жатқан жаһандық ортада экономикалық өсім мен инновацияны қолдау үшін маңызды екенін көрсетеді.
Пікір • 17 Қыркүйек, 2024
Атом энергетикасының алғышарты
Мемлекет басшысы халыққа Жолдауында энергия тапшылығы бізде ғана емес, әлемде күшейіп бара жатқанын айтып, елімізге сенімді және экологиялық таза қуат көздері аса қажет деді. Сонымен қатар АЭС құрылысы мәселесі жалпыхалықтық референдум арқылы шешілетінін жеткізді. Таңдаудың бұл түрі елімізде дамыған демократиялық қоғамның орныққанын көрсетеді.
Ғылым • 14 Қыркүйек, 2024
Ғылыми әлеуетті арттыра түседі
Президент биылғы Жолдауында еліміздегі жоғары білім беруді интернационалдандырудың маңызын атап өтті. Бұл қадам еліміздің білім жүйесін дамыту мен оның халықаралық қоғамдастыққа кіруі үшін аса маңызды екені сөзсіз.
Білім • 14 Қыркүйек, 2024
Парасат биігіндегі өнегелі жол
Азамат ісімен, әрекетімен көрікті. Сондай абзал тұлғаның бірі – ұлағатты ұстаз, абыройлы ғалым, көркем мінез иесі Сәрсенғали Әбдіғалиұлы Әбдіманапов.
Қоғам • 13 Қыркүйек, 2024
Тіл – халықтың ең маңызды қазыналарының бірі. Жұртты жақындастыратын байланыс құралы, достық дәнекері. «Өзге тілдің бәрін біл, өз тіліңді құрметте» деп ақын Қадыр Мырза-Әлі айтқандай, қанша тіл білсең де артық етпейді. Ең бастысы, мемлекеттік тіліңді меңгеру – құрметтің биігі.
Пікір • 13 Қыркүйек, 2024
Мемлекет басшысы жаңа экономикалық саясатты іске асыруға басымдық берген кезекті Жолдауын жариялап, Үкімет пен қоғам алдында тұрған негізгі міндеттерді тағы бір мәрте қаперге салды. Кейбір маңызды тұстарын егжей-тегжей анықтап та берді. Жолдауда атап өтілгендей, инвестициялық ахуалды және бизнес жүргізуге қажетті жағдайды жақсарту жолында үздіксіз жұмыс істеу айрықша маңызды.
Пікір • 13 Қыркүйек, 2024
Техникалық мамандықтың болашағы зор
Қыркүйек айы жақындаған уақытта Мемлекет басшысының дәстүрлі Жолдауын тағатсыздана күткеніміз рас. Себебі Президент Жолдауы маңызды құжатқа айналып, алдағы бір жылда атқарылуға тиіс ауқымды шаруалардың жоспары түзілетінін аңғарып жүрміз. Әсіресе мемлекеттік органдардың өкілдері жұмысын бір пысықтап алатыны анық. Кейін ел тұрғындарының әл-ауқатын арттыруға бағытталған мемлекеттік бағдарламалар жүзеге асатыны қуантады-ақ. «Халық үніне құлақ асатын мемлекет» тұжырымдамасының көздегені де осы емес пе?
