Аймақтар • 30 Тамыз, 2022
Өңірдегі өзекті мәселелермен танысты
Солтүстік Қазақстанға сапары барысында Төтенше жағдайлар министрі Юрий Ильин Оқушылар сарайының мәжіліс залында облыс тұрғындарымен кездесті. Кездесу кезінде ТЖ туындаған кезде халықты хабардар етуге, су тасқыны кезеңінде суда және тұрғын үйлерді су басудың алдын алуы бойынша жүргізіліп жатқан жұмыстарға, көп қабатты тұрғын үйлердегі өрт қауіпсіздігіне қатысты халық қойған өзекті сұрақтарға жауап берді.
Білім • 27 Тамыз, 2022
Жаңа оқу жылында Солтүстік Қазақстан облысында 472 мектеп білім береді. Бұл – шамамен мың адамға бір мектеп деген сөз. Оқушылардың саны – 74 мың. Былтырғы оқу жылында бұдан сәл артық болған, бірақ биыл азайып қалды деп байбалам салуға болмайды. Биылғы мектеп бітіргендерден бірінші сыныпқа келушілердің саны әзірге аздау, алайда оқу жылы басталғанша мектеп табалдырығын аттаушылар саны көбейе түсуі мүмкін. Әрине, мектепке алу жөніндегі өтініштерді қабылдау 1 тамызда аяқталған, бірақ көші-қон мәселесімен жүрген ата-аналардың мәселесі түсіністікпен қаралады. Сонда былтырғы оқушылар мен биылғылардың саны шамамен бірдей болады. Әзірге, біріншіге баратын балдырғандар саны – 7 418.
Аймақтар • 26 Тамыз, 2022
Қоныстанушылардың жағдайымен танысты
Премьер-Министрдің орынбасары Ералы Тоғжанов Солтүстік Қазақстан облысындағы бірқатар өндірістік және әлеуметтік жобалармен танысты.
Қазақстан • 26 Тамыз, 2022
Ата Заңға енгізілген өзгерістердің тиімділігіне тоқталды
Биылғы 5 маусымда референдум арқылы Конституцияға енгізілген өзгерістер 33-бапқа қатысты болып, Ата Заңымыздың үштен біріне өзгеріс енгізілді. Халықтың негізгі бөлігі оған үлкен үміт артып, қолдағанына куә болдық. Өйткені өзгерістердің негізгі өзегі Президент Қасым-Жомарт Тоқаев айтқандай, елді «суперпрезиденттік басқару формасынан ықпалды Парламенті мен есеп беретін Үкіметі бар президенттік республикаға» айналдыру болатын.
Қоғам • 26 Тамыз, 2022
Сол күні солтүстікқазақстандық кәсіпкер Жоламан Ахметов (аты-жөні өзгертілген) банктегі депозиттік шотында жатқан 15 млн теңгесінен бір-ақ сәтте айырылып қалармын деп ойламаған еді. Тірнектеп жинаған ақшасын ол өндіріске салмай, баласына астанадан пәтер сатып әпермек болған. Биыл астық жақсы шықты, шашпай-төкпей жинап алсам, депозиттегі ақшамды еселеп, біріншіге баратын үлкен немереме арнадым деп астанадан бір көрікті үйге қол жеткізбек еді...
Аймақтар • 25 Тамыз, 2022
Бүгінгі таңда Солтүстікте жалдамалы жұмыскерлердің саны 9,5 мың адамға, ал өзін-өзі жұмыспен қамтығандардың саны 5,2 мың адамға азайған. Жастар арасындағы жұмыссыздық деңгейі 2,9-дан 3,9 пайызға дейін өскен.
Экономика • 23 Тамыз, 2022
Сыртқы сауда айналымы өсіп келеді
Қазақстан, Беларусь, Ресей арасында 2010 жылы құрылған Кеден одағы экономиканың, оның ішінде сауданың дамуына қомақты үлес қосып келді. Еуроодақ елдерінің үлгісімен құрылған бұл интеграциялық ұйым 2015 жылы Еуразиялық экономикалық одақтың (ЕАЭО) құрылуына ұласты. Енді Кеден одағы ЕАЭО-ның негізгі құрамдас бөлігіне айналды. Сол 2015 жылы оның құрамына Армения мен Қырғыз Республикасы қосылды.
Аймақтар • 18 Тамыз, 2022
Егістікке есі кеткендер шабындық пен жайылымдарға қол салып жатыр
Солтүстік Қазақстан облысында халықтың өзіндік қосалқы шаруашылықтағы малдарын бағуы үшін 547,1 мың гектар жайылым жетіспейтіндігі анықталған. Кезінде жайылымдарды шетсіз-шексіз жалға алып, иеленіп алған көптеген ауыл шаруашылығы құрылымдары соңғы жылдары астық дақылдарын өткізу проблемаларының жеңілдеуімен және сатып алу бағасының шарықтауымен қаншама жерді қосымша жыртып, егістікке айналдырып жіберген.
Аймақтар • 16 Тамыз, 2022
Жұлынқұрт лабораториясы әшкереленді
Петропавлда синтетикалық есірткі жасау лабораториясы әшкереленді. Оның иесі 20 жастағы тұрғын болып шықты. Бірақ оның артында химиялық біліктілігі жоғары бір адамдардың тұруы мүмкін. Тергеу-тексеру барысында олар анықталар деген үміт бар.
Қоғам • 15 Тамыз, 2022
Кадрларды қаншалықты бағалап жүрміз?
Қай жүйеде болсын өзектілігін жоймай келе жатқан ұранның бірі – «Бәрін де кадр шешеді» деген сөз. Әсіресе, мемлекеттік қызмет саласында бұл ұранның өзектілігі орасан. Мемлекет басшысы елдің экономикалық жағдайын, әлеуметтік ахуалын, қорғаныс қуатын жақсарту туралы қандай да бір жақсы шешімдер қабылдаса да оны іске асыратын кадрлар табылмаса бәрі де аяқсыз қала береді.
