Аймақтар • 21 Қыркүйек, 2022
Айтыс ақыны Әзімбек Жанқұлиевтің сахнадағы өнері халықтың жүрегінде сақталған. Қамшының сабындай қысқа ғұмыр кешкен тұлғаның әуені мен тапқырлығы жұрт жадынан ешқашан өшпек емес.
Қоғам • 20 Қыркүйек, 2022
Қару тапсырғандар қомақты қаржы алды
Еліміз бойынша тіркелмеген қару-жарақ пен оқ-дәрілерді сатып алу акциясы Жамбыл облысында да қарқынды түрде жүргізіліп, бірер күн бұрын іс-шара толық аяқталды. Акцияның басты мақсаты – атыс қаруын қолданумен жасалатын құқық бұзушылықтардың алдын алу. Осы мақсатта Жамбыл өңірі үшін республикалық бюджеттен 10 млн 404 мың теңге бөлінген.
Аймақтар • 20 Қыркүйек, 2022
Жамбылдық жұрт жарық үшін қырғыздардың қабағын бағып, арқасынан қағып отыр. Қарапайым халық тұтынған электр қуаты үшін әрі кетсе 3-5 мың теңге төлесе, Меркі ауданына қарасты Жауғаш батыр ауылының тұрғындары 15-20 мың теңгенің аралығында ақы төлеуге мәжбүр. Осылайша, қазақ ауылының тұрғындары электр қуатын Қырғыз Республикасынан алуға мәжбүр.
Таным • 20 Қыркүйек, 2022
Күреңбелде сақталған насыбайкелі
Облыстық тарихи-өлкетану музейінде ғасырлар арасын жалғап тұрған көне жәдігерлер көп. Олардың біразы көне шаһарда әр жылдары жүргізілген қазба жұмыстары кезінде табылған болса, бірқатары кездейсоқ жағдайда қолға түскен. Солардың бірі – насыбайкелі.
Қоғам • 18 Қыркүйек, 2022
Қазақ халқының дарабоз перзенті, көрнекті мемлекет және қоғам қайраткері Асанбай Асқаровтың 100 жылдық мерейтойы Меркі жерінде сән-салтанатымен аталып өтті. Елдік деңгейде ұйымдастырылған іс-шараға Мемлекет басшысының кеңесшісі, қаламгер Мәлік Отарбаев арнайы қатысып, Президенттің құттықтауын жеткізді.
Бокс • 17 Қыркүйек, 2022
Кәсіпқой бокс әлемінде трилогия түгілі, төрт мәрте шаршы алаңда өзара кім мықтыны анықтаған былғары қолғап шеберлері бар. Мәселен, сегіз салмақта топ жарған филиппиндік Мэнни Пакьяо мен Хуан Мануэль Маркес арасындағы төрт шайқастың екеуінде Мэнни басым түссе, бір кездесуде Маркестің мерейі үстем болған. Ал тағы бір жекпе-жекте тең нәтиже тіркелген еді...
Руханият • 15 Қыркүйек, 2022
Тағдырының талқаны ерте таусылған таланттар аз емес. Кісі сөзінде кие бар екендігіне де талас жоқ. Кейде сандардан сыр іздеу қажет пе деп те ойлайсың. Николай Гумилев түсін жорығанда неге өліммен сабақтастырды екен? Ол түсінде 3 және 5 сандарын көрді. Онысын әйгілі ақын, жары Анна Ахматоваға былай деп әңгімелейді: «3 және 5 сандары тағдырыммен байланысты. Мен не 35 не 53 жасымда дүниеден көшетін шығармын». Ол расында да 35 жасында бақилық болды.
Қоғам • 12 Қыркүйек, 2022
Өткен жылдың желтоқсан айында «Жануарларға жауапкершілікпен қарау туралы» заң шықты. Аталған заң осы жылдың 2 наурызында толыққанды күшіне енді. Жаңа заң қараусыз қалған иттерге жауапкершілікпен қарауды талап етеді. Иесі табылғанша төрт аяқтыны өлтіруге тыйым салынады. Тіпті екі айға дейін оны уақытша ұстап, бағып-қағу қажеттігі де ескерілген. Алайда ересектер түгілі балаларды талап жатқан қаңғыбас иттер туралы қоғамда жиі айтылып жүр. Ит иелерінің жауапкершіліктен жалтаруы да талай рет талқыланды.
Руханият • 12 Қыркүйек, 2022
Ес білгелі ел ішінде жүріп, бірде Қордай, бірде Таразда тұрып, қазақ әдебиетінде өшпес образдар қалдырған жазушы Несіпбек Дәутайұлының ортамыздан кеткеніне, бақиға көшкеніне де жыл толды. Шерхан Мұртазаның өзі «Қордайдың қоңыр құлжасы» деп атаған қаламгер рухына арналған дөңгелек үстел отырысы Нескеңнің туған жерінде өтті.
Аймақтар • 12 Қыркүйек, 2022
Расында да, табиғаттың тамашасына тамсанудан жалықпайсың. Меркі ауданындағы Қарақыстақ жайлауында тұрған Көккөлдің құпиясы таңдай қақтырмай қоймайды. Жергілікті жұрт «Әулиекөл» атап кеткен Көккөлде айдаһар бар деген аңызды да жиі естиміз. Өзге елден келген туристер де Көккөлді көруге құлшынып тұрады.
