Қоғам • 31 Наурыз, 2021
Олжас Жақыпбаев қылшылдап тұрған жас күнінде әскери қызметте жүріп жарылыстан жараланды. Соның себебінен орда бұзар жасқа жетпей зейнетке шығып қалды. Алайда ол қарап отыра алмады. ІІ топтағы мүгедек екеніне қарамастан, ауылда жаттығу залын ашты, қазір онда жастар мен жасөспірімдер тегін жаттығып жүр. Оған осы бастамасын іске асыруға Zhasproject жобасы септігін тигізді.
Қоғам • 19 Наурыз, 2021
Мектеп кітапханашыларының жалақысы артады
Былтырдан бастап педагогтердің, мәдениет қызметкерлері ретінде облыстық, қалалық кітапханалар кітапханашыларының жалақысы көбейді. Осыдан кейін екі санатқа да жатқызылмай, әлеуметтік мәртебесі анықталмай келген мектеп кітапханашылары жайнайқайын жеткізді. Олардың үні тиісті орындарға жеткен сыңайлы. Себебі биыл мектеп кітапханашыларының жалақысын арттыру мәселесі шешімін таппақ. Бұл туралы Білім және ғылым министрі Асхат Аймағамбетов жақында өткен министрліктің кеңейтілген алқа отырысында айтты.
Білім • 16 Наурыз, 2021
Білім мен ғылымның алдында жаңа міндеттер тұр
Бұдан былай мұғалімдер жұмысқа конкурс арқылы қабылданады. Педагогтерге және педагогикалық мамандықтарда оқитын студенттерге қашықтан білім берудің әдіс-тәсілдері оқытылады. Жоғары оқу орындары оқытушыларының жалақысын арттыру жұмыстары жалғасады. Президенттің тапсырмасы бойынша жыл сайын 500 жас ғалым шетелдердегі үздік ғылыми мекемелерде тағылымдамадан өтуге жіберіледі. Білім мен ғылым саласындағы осы және өзге де өзгерістер, атқарылған істер, алдағы міндеттер жөнінде жауапты министрліктің алқа отырысында айтылды.
Білім • 15 Наурыз, 2021
Жоғары оқу орындары неліктен жабылады?
Мемлекет басшысы Қасым-Жомарт Тоқаевтың тапсырмасымен сапасыз білім беріп жатқан жоғары оқу орындары жабылып жатыр. Бірақ соңғы уақытта аталған мәселеге қатысты қоғамда даулы пікірлер көбейіп кетті. Осыдан келіп көкейге күмән ұялатқан сұрақтар туады. Қысқартудың кесірін көріп қалмаймыз ба? Жалпы, университеттерді жабу қалай жүргізіліп жатыр? Нақты қандай критерийлер ықпал етеді?
Руханият • 05 Наурыз, 2021
Ғылым жолы – ауыр жол. Себебі бұл асқан ыждағатты, зор ықыласты, сарқылмайтын күш-жігер мен мықты миссияны қажет етеді. Ал осындай жауапты жолды таңдау әйел қауымына жауапкершілік жүгін екі есе ауырлатқанмен бірдей. Содан да болар әлемнің бірқатар мемлекетінде ғылымдағы әйелдер саны аз. АҚШ, Еуропа және Аустралияның 38 еліндегі 541 университет пен ғылыми-зерттеу мекемелерінен алынған мәліметтер негізінде зерттеу жүргізілді. Cell Stem Cell ғылыми журналында жарияланған зерттеу қорытындысына қарағанда, доценттердің 42 пайызы, толық деңгейлі профессорлардың 23 пайызы ғана – әйелдер. Бірақ Қазақстанда соңғы уақытта ғалым әйелдердің қатары көбейіп келеді.
Білім • 23 Ақпан, 2021
Білімге мұқтаж ерекше балаларға карантиннің кесірі тиіп отыр
Жаһандық білім сарапшылары пандемия жайлағалы білімдегі дағдарыстың басталғанын айтып, дабыл қағып жатыр. Жақында жарияланған PISA – Білім алушылардың жетістігін халықаралық бағалау бағдарламасының көрсеткіштері қашықтан оқытудың 3 айдағы нәтижесі бойынша дамыған елдердің өзінде білім сапасының айтарлықтай нашарлап кеткенін көрсетті. Мәселен, әлемде білім беру сапасы жөнінен алдыңғы қатардан түспейтін Аустралия оқушыларының математикалық сауаттылығы 16,7%, ал оқу сауаттылығы 11,5%-ға төмендепті. Алпауыт АҚШ-та 2019-2020 жылдар бойынша білім алушылардың көрсеткіші математикадан 30%, оқу сауаттылығынан тіпті 50%-ға нашарлап кеткен.
Технология • 17 Ақпан, 2021
Зымыран апаттарының зардабын зерттеді
Ғалымдар «Байқоңыр» ғарыш айлағынан ұшырылған зымырандар апатының экологиялық зардабын зерттеді. Зерттеуге 1999-2018 жылдар аралығындағы 6 апат арқау болған. Зерттеудің қорытынды мәліметтері Environmental Pollution ғылыми журналына жарияланды.
Білім • 02 Ақпан, 2021
Бала шақтан болашақты барласақ
Ұрпағымен мыңжасайтынын ұғынған адамзат қай заманда да болашағы болатұғын балалардың қамын ойлап күн кешкен. Осы идеология әр мемлекеттің саясатында көрініс табады. Соның бір айғағы, қазірде дамыған елдер мектепке дейінгі тәрбие мен оқытуға ерекше көңіл бөледі. Өйткені барлық білім беру жүйесінің іргетасы, бұлақтың бастауы – балабақшада.
Руханият • 01 Ақпан, 2021
Әлі тәуелсіздік алмай тұрғанда шыққан «Егеменді Қазақстанның» 20 мыңыншы нөмірін қолға алдық. Назарымыз бірден үлкен жазумен жазылған газет атауының төбесіндегі «Азаттық. Теңдік. Туыстық!» деген ұранға түсті. Ал осы ұран азаттық аңсаған елдің асқақ үні емей немене?!
Ғылым • 29 Қаңтар, 2021
Отандық вакцина оң көрсеткіштерге ие
Мемлекет басшысы Қасым-Жомарт Тоқаев жақында өткен Үкіметтің кеңейтілген отырысында отандық вакцинаны салдыратынын мәлімдеді. Бұл – отандық ғалымдардың еңбегіне деген сенімділік. Десек те қоғам арасындағы өз өнімімізге қатысты кейбір пікірлерге қарап үміттен гөрі күдік басым екенін көреміз. Ғылым мен әлеуеті шетелдіктермен теңдей ғалымдарымыздың насихаты жетпей жүрген шағында олардың тәжірибесіне деген сенімсіздіктің тууына түсіністік танытқан да жөн шығар. Ал осындай олқылықтың орнын толтыру көкейдегі көп сауалға жауап іздеуден басталады. Сондықтан біз клиникалық зерттеудің соңғы сатысында сынақтан өткізіліп жатқан QazCOVID-in вакцинасын әзірлеуші топтың жетекшісі, Биологиялық қауіпсіздік проблемалары ғылыми-зерттеу институтының басқарма төрағасы Күнсұлу Закарьяны аз-кем сөзге тарттық.