Аймақтар • 31 Қазан, 2019
Түркістан: Түлкібаста ғалымға баспана тарту етілді
Түлкібас ауданының Майтөбе ауылында профессор, филология ғылымдарының докторы, абайтанушы, бауыржантанушы ғалым Мекемтас Мырзахметұлына жерлестері үй сыйлады. Бар өмірін ғылымға сарп етіп, көз майын тауысып жүрген ғалымға тарту етілген баспананың салынуына аудан әкімі бастамашыл болған.
Қазақстан • 29 Қазан, 2019
Шымкенттен Түркістанға барар жолда немесе батыстан оңтүстікке келер бетте алыстан менмұндалап тұратын төбеге Елбасы Нұрсұлтан Назарбаев «Ордабасы – ел жүрегі, жер кіндігі» деген анықтама берсе, халық жазушысы Әбіш Кекілбаев «қазақ рухының қағбасына» теңеген болатын. Елбасы Н.Назарбаев «Болашаққа бағдар: рухани жаңғыру» бағдарламалық мақаласында Ұлы даланың көз жеткізгісіз кең-байтақ аумағы тарихта түрлі рөл атқарғанын атап өтті.
Аймақтар • 28 Қазан, 2019
Әлеуметтік мәселелерге назар аударылды
Премьер-Министрдің орынбасары Бердібек Сапарбаев бастаған үкіметтік жұмыс тобы Түркістан облысында болды. Мемлекет басшысының «Сындарлы қоғамдық диалог – Қазақстанның тұрақтылығы мен өркендеуінің негізі» атты Жолдауының орындалуын насихаттау мақсатында келген жұмыс тобы тарихи Отырар ауданын аралады.
Руханият • 22 Қазан, 2019
Түркістанда «Сыйға берілген жәдігерлер» атты көрме ашылды
Түркістандағы «Әзірет Сұлтан» мемлекеттік тарихи-мәдени қорық-музейінде «Сыйға берілген жәдігерлер» атты көрме ашылды. Көрмеге «Музейге сый» акциясы аясында жинақталған, экспозицияға шығарыла бермейтін 75 жәдігер қойылған.
Руханият • 22 Қазан, 2019
Иә, сирек кездесетін 7 түрлі металл қоспасынан құйылған бұл Тайқазанға биыл – 620, ал оның Түркістанға әкелінгеніне 30 жыл толып отыр.
Аймақтар • 19 Қазан, 2019
Түркістан облысында 1304,9 млн көшет отырғызылады
Түркістан қаласы бойынша жоспарланған 197 мың көшеттің бүгінгі күнге дейін 49мыңы отырғызылған. Көгалдандыру мақсатында қала 16 секторға бөлінген болатын. Бүгінде әр секторға жауапты аудан, қала өз аумағында ағаш отырғызу және абаттандыру жұмыстарын қарқынды жүргізуде.
Аймақтар • 18 Қазан, 2019
«Самұрық-Қазына» өңірде жаңа жобаларға қолдау көрсетеді
Түркістан облысы Арыс қаласында орын алған төтенше жағдай кезінде алғашқы болып көмек қолын созғандардың бірі – «Самұрық-Қазына» ҰӘҚ» АҚ 7 млрд теңге қаржы бөліп, 68 нысанды қалпына келтірді. Оның ішінде 16 мектеп, 8 аурухана, 36 балабақша, 4 спорт нысаны, колледж, темір жол вокзалы, Даңқ аллеясы және Орталық алаң бар.
Аймақтар • 17 Қазан, 2019
Арыс қаласының даму қарқыны бәсеңдемейді
Арыс қаласын қалпына келтіру бойынша шілденің ыстығында басталған ауқымды жұмыстар нәтижесінде зақымданған 7160 үй жөндеуден өткізілді. Яғни 36 мың тұрғыны бар жаңа қала пайда болды деген сөз. Сүріліп, қайта салынып жатқан 474 үйдің негізгі құрылыс жұмыстары аяқталған, толық пайдалануға берілер күн де алыс емес, яғни 3 мыңдай тұрғыны бар жаңа ауылдық округ бой көтерді десек те болады. Оның ішінде көпқабатты 3 үй бар. Барыс шағын ауданында әрқайсысы 2 пәтерлі 50 үй салынуда. Толықтай жаңартылған 67 әлеуметтік нысанның 54-і білім саласында, 8-і денсаулық сақтау мекемелері, оның екеуі және 4 спорттық нысанның 2-уі жаңадан тұрғызылуда.
Спорт • 16 Қазан, 2019
Түркістан: Әлем чемпионатының жүлдегерлеріне құрмет көрсетілді
Жуырда Уланд-Удэ қаласында өткен әйелдер арасындағы бокстан Әлем чемпионатында Түркістандық Дина Исламбекова қола жүлдеге ие болды.Сондай-ақ Алматы қаласында ұйымдастырылған дзюдодан жасөспірімдер арасындағы Әлем чемпионатында Айдар Арапов қола жүлдені жеңіп алды. Ташкент қаласында 11-14 қазан күндері самбодан сынға түсіп, сәтті өнер көрсеткен Түркістан облысының спортшылары 1 күміс және 2 қола медальді жеңіп алды.
Аймақтар • 15 Қазан, 2019
Арыс: Қос мегаполис кестедегі мерзімнен кешігуде
Түркістан облысы Арыс қаласында атқарылып жатқан құрылыс және жөндеу жұмыстары аяқталу сатысында тұр. Дегенмен, құрылыс нысандары ауқымды Нұр – Сұлтан және Шымкент қалалары кестеде белгіленген мерзімнен кешігіп келеді. Елордалық құрылысшылар мойнына алған 1167 пәтерге күрделі жөндеу жүргізілсе, үш көпқабатты үйдегі 287 пәтер жаңадан салынуда. Бұл аймақтарға қарайтын үйлердің құрылысы мен ішкі және сыртқы әрлеу жұмыстары жалғасуда.
