Қоғам • 23 Шілде, 2023
«Қабыл алмау әдебі» қалай қалыптасады?
Қонаев қаласында жоспарланған Григорий Лепстің концертіне байланысты туындаған қоғам қарсылығы қазақ елінде енді қылаң беріп келе жатқан «қабыл алмау әдебі» деп аталатын жаңа құбылысты қалыптастыра бастағанын байқатты. Адамзатты бейбітшілік пен бірлікке алдымен үндеуге тиіс өнер өкілдері десек, Ресей әншісінің Украинаға қатысты астамшылықпен айтқан бір ауыз сөзі басына таяқ болып тиіп, әлеуметтік желінің бетін жайпап өткен қоғамдық пікірдің жойқын күші ақыры оны қазақ сахнасында ән айту құқынан айырып, ел шетіне аяғын бастырмай, қуып тастады. Жүрген жері лаң Лепс ендігіде абайлап сөйлеп, аяқты аңдап басу керегін көкейіне түйіп кеткен болар.
Көрме • 17 Шілде, 2023
Азаттық мұратына адал коллекционерлер
Алматыдағы Әбілхан Қастеев атындағы Мемлекеттік өнер музейі мен Астананың «Экзотика» арт-галереясы бірлесе отырып, Клара және Дана Исабаевалардың жеке коллекциясынан алынған «Тәуелсіздік бейнелері» атты көрмесін ұсынды. Көрмеге қойылған топтама ХХ ғасырдың 90-жылдары және 2000 жылдардың басында жаңа идеямен жазылған бірегей туындыларды қамтиды.
Кино • 16 Шілде, 2023
«Қыз Жібек» қайта түсіріле ме?
«Қыз Жібек» қайта түсірілетін болыпты. Қазақ кинематографиясының классикасы саналатын санаға сіңген тарихи туындыға жаңа уақыт талабына лайықтап жасау үрдісі қазақ қоғамын енді дүрліктіріп жатқаны болмаса, бұл бұрыннан бар әлемдік тәжірибе. Кинода мұның мың мысалы болмаса да, миллиондарды тәнті еткен танымал фильмдердің жүздеген нұсқасы қайта түсірілген. Халықтың жаппай махаббатына бөленген сүйікті фильмін жаңалап түсіру жобасын «ремейк» деп атап, режиссерлер бұл үрдісті көштен қалдырмай, жаңғыртып келеді.
Театр • 11 Шілде, 2023
Дара бишілеріміз – Үлкен театрда
Ресейдің Үлкен театрының тарихи сахнасында «Benois de la Danse» халықаралық балет фестивалі аяқталды. Халықаралық маңызы бар мәдени шарада Абай атындағы ұлттық опера және балет театрының жетекші балет солистері Малика Елшібаева мен Богдан Вербовой айтулы балет фестивалі сыйлығының дипломанттары атанды.
Театр • 03 Шілде, 2023
Адольф Аданның «Жизель» балеті – әлем сахнасының жауһарына айналған ең көп орындалатын туындының бірі. Романтизм дәуіріндегі балет шығармашылығының шыңы. Екі жүз жылға жуық театрлардың репертуарын безендірген әлемдік хореографияның інжу-маржаны. «Жизель» балетінің сахналануына Генрих Гейне қағазға түсірген көне вилисалар туралы аңыз-әңгіме арқау болды.
Өнер • 27 Маусым, 2023
Қазақтың аспаптық музыка өнері тарихындағы теңдесі жоқ, қайталанбас өз қолтаңбасы бар Құрманғазы атындағы Қазақ ұлттық халық аспаптар оркестрі Италия жерін күймен тербеді. Еуразия даласында ғасырлар бойы салтанат құрып, салиқалы ғұмыр кешкен, теңдесі жоқ төлтума туындылармен тарихын жазған халқымыздың күй өнерін көкке көтеріп келе жатқан ата оркестр 90 маусымының аясында Рим қаласындағы әйгілі Санта-Чичилия Мемлекеттік музыкалық консерваториясында алғашқы концертін өткізді.
Экономика • 20 Маусым, 2023
Agile – тиімді және жылдам қызмет драйвері
Цифрландыру – бірнеше жылдан бері күн тәртібінен түспей келе жатқан даму үрдісі. Ал пандемия кезеңі көптеген компанияның заманауи технологиялық шешім қабылдауын еселеп жылдамдатып, дербес IT-инфрақұрылымын дамытуды қолға алуға мәжбүр етті. Еліміздегі ең ірі микроқаржы ұйымы – KMF те осы жолмен жүруді ұйғарды. Компанияның Agile тәсілін қалай енгізгені, іскер мамандар тобы оны қалай қабылдағаны және осы жаңашылдықтың тұтынушыларға әсері туралы KMF Agile директоры Александра Ковалева айтып берді.
Сұхбат • 14 Маусым, 2023
Baiqonyr жас режиссерлердің бағын жандырады
2016 жылы Қазақстанның кинематографиялық картасында жаңа кинобәйге – Baiqonyr пайда болды. Бұл атау кездейсоқ таңдалмаған. Байқоңыр ғарыш айлағымен аттас кинофестиваль тұсауы кесілген алғашқы жылы-ақ арынды екпінмен дүбірлеп келіп, жаңа орбитаға шығу мүмкіндігі бар жас кинематографистер үшін ұшу алаңы ретінде қарастырылды. Фестивальдің авторлығы мен жетекшілігі Әнуар Кенжебаевқа тиесілі. Биыл өткен Қазақстан киносыншылары қауымдастығы ұлттық сыйлығының жеңімпаздарын марапаттау рәсімінде ол «Фестиваль қозғалысына қосқан үлесі үшін» арнайы сыйлығымен марапатталды. Baiqonyr президенті биыл 6-10 қыркүйек аралығында Алматы қаласында өтетін кинофестивальдің басты жаңалықтары туралы айтып, іс-шара тарихындағы қызықты деректерді еске алды.
Тұлға • 05 Маусым, 2023
Шәкен Айманов атындағы «Қазақфильм» киностудиясының «Қазақанимация» шығармашылық бірлестігінде Әмен Қайдардың 100 жылдығына орай Жұлдыздар аллеясындағы ескерткіш мемориалына салтанатты гүл шоқтары қойылды.
Қоғам • 31 Мамыр, 2023
Фотошежіре – баға жетпес ақпарат
Алматыдағы Орталық мемлекеттік кино-фотоқұжаттар архивінің құрылғанына биыл 80 жыл толып отыр. Мұрағат жұмысының маңызын түсінгендіктен ел басына күн туып, қан майданның қызып жатқан кезінде қабылданған шешімге сәйкес құрылған мұрағат ғасырға қадам басқан ғұмырында мемлекет дамуының шежіресін жазумен келеді. Атаулы күнге орай, Орталық мемлекеттік кино-фотоқұжаттар мен дыбыс жазбалар архивінде «Қазақ әдебиеті: фотошежіре 1920-1970 жылдар» атты фотоальбомның тұсаукесері өтті.
