Аймақтар • 08 Сәуір, 2024
Сыр өңірінде жарияланған «Руханият жылы» аясында облыстық филармония жанынан «Жыраулар үйі» ашылды. Бағзы өнердің байрағын биіктеткен өңірдегі шараға бабадан қалған жәдігер жырды құрмет тұтатын қауым қатысты.
Өндіріс • 05 Сәуір, 2024
Қызылордадағы «NP-Consulting» компаниясы шығаратын қорғаныш каскаларын еліміздің әр түкпіріндегі мұнай, құрылыс, байланыс саласындағы кәсіпорындар пайдаланып отыр. Жергілікті кәсіпкер Ғалым Прекешов басқаратын серіктестік кейінгі жылдары 19 литрлік су бөтелкесіне арналған қақпақ өндіруді де қолға алып, өңірдегі жеңіл өнеркәсіп аясын кеңейте түсті.
Тағзым • 04 Сәуір, 2024
Қазақтың талай қабырғалы азаматы туып-өскен Сырдың бойында осы күнге дейін нағыз бағасын алып болмаған қайраткерлер аз емес. Солардың алғашқысы ретінде Лапиндер әулетін айтқан болар едік. Қызылорда қаласына жақын Қоғалыкөл өңірін мекен еткен Лапы баласы Мұңайтпастан тараған 19 ұл-қыздың дені қазаққа қалтқысыз қызмет етті. Ұлт өнері мен мәдениетінде өшпейтін із қалдырды. Кеңтүп болысын басқарып, балаларын шетелде оқытқан, осы өңірде 1903 жылы еуропалық мектеп ашқан Мұңайтпас ішкенге мәз, жегенге тоқ байлардың қатарынан емес еді. Өресі көз алдындағы малының өрісінен ұзай қоймаған кей қатарлары оның сыртынан «Мұңайтпастың иті де орысша үреді», деп күңкілдесетін көрінеді.
Аймақтар • 04 Сәуір, 2024
Биыл қаңтардың ішіндегі аяз болмаса жалпы қыс Сыр бойында жылы болды. Осыдан да облыс эпидемиологтері ерте оянған түрлі жәндіктердің, әсіресе кенеден келер қауіптің алдын алуға қам жасап, жоспарлы жұмысқа кірісті. Жалпы өңір Конго-Қырым геморрагиялық қызбасының табиғи ошағында орналасқан.
Аймақтар • 02 Сәуір, 2024
Бұл күндері республикалық «Қызылорда-Жезқазған» автожолының облыс аумағындағы бөлігінде жаңғырту жұмыстары қайта жанданды. Елдің оңтүстігін орталықпен байланыстыратын күре жолдың 83 шақырымына асфальт жабындысы төселді. Облыс ауқымындағы ұзындығы 216 шақырым болатын автожол құрылысы 6 учаскеге бөлініп, мердігер мекемелер жоспарға сай жұмыс жүргізіп жатыр.
Аймақтар • 02 Сәуір, 2024
Су басқан өңірлерге көмекке аттанды
Қапыда қарғын судың астында қалған ағайынның жағдайына қызылордалықтар да алаңдаулы. Апат хабары естілгеннен-ақ Қызылорда облысы ТЖД күш-құралдары авариялық-құтқару жұмыстарын жүргізуге қосалқы күш ретінде Қостанай облысына жіберілді.
Аймақтар • 28 Наурыз, 2024
Қызылордада мазутты заңсыз сатқандар сотталды
Қызылордалық екі кәсіпкер аса ірі мөлшердегі мазутты мұнай өнімдерінің шығарылу заңдылығын растайтын құжатсыз иеленіп, сақтап, өткізіп отырған, деп жазады Egemen.kz.
Тәрбие • 28 Наурыз, 2024
Талай сүлейлер дүниеге келген Сыр топырағында «Қуаңның табанынан жүз жырау шыққан» деген көне сөз бар. Әйтеуір, дүниенің тылсымын қобыз сарынынан іздеген баба Қорқыт, ұлы даланы әуенмен тербеген ұзандар, олардың жолын жалғаған сүлейлер өткен өңірде бүгін де жырдың қоңыраулы көшіне ілескендердің қатары қалың. Осылайша кешегі сарын бүгінге өрнегі бүлінбей жетіп отыр.
Аймақтар • 27 Наурыз, 2024
Теңіз табанында түлеген тіршілік
Әму мен Сырды қатар емген Арал теңізінің тартылуы өткен ғасырдың 60-жылдары-ақ байқала бастаған. Шалқар су жағалауынан шегіне бастағанына он шақты жыл өткенде Қасқақұлан жағы жалаңаштана бастады. Көп ұзамай-ақ бұрын кеме жүзген алып айдын айтақырға айналып шыға келді. Айналасын телегей су қоршаған Барсакелмес құрлыққа қосылды. Қазақстан өз алдына жеке ел болған 90-жылдары ұлтанынан шаң мен тұз ұшқан Арал маңынан ел ауып, жайлы қоныс іздеп, жан-жаққа жылыстай бастаған еді. Қазір құрғаған теңіз ұлтаны 6 млн гектарға жетіп отыр. Оның 2,8 млн гектары – біздің ел аумағында.
Қоғам • 27 Наурыз, 2024
Мемлекеттік қызметтегі маңызды бастама
Мемлекеттік қызмет саласын реформалау – қазіргі күннің басты талабы. Жалпы басқарушылық, құқық қорғаушылық, әлеуметтік-мәдени секілді мемлекеттік міндеттерді атқаратын сала қызметі 2015 жылғы 23 қарашадағы «Қазақстан Республикасының мемлекеттік қызметі туралы» заңмен реттеліп отырады. Салада жүргізіліп жатқан реформаның көздегені – мемлекеттік қызметшінің кәсіби-тұлғалық болмысын жетілдіріп, осы арқылы мемлекеттік басқарудың жаңа мәдениетін қалыптастыру.
