Өндіріс • 11 Наурыз, 2024
«Қазалы» кәмпиті – бәсі жоғары тәтті өнім
Сырдан сыртқа жол тартқан ағайынның елдің дәмі ретінде күріш пен «Қазалы» кәмпитін қолына іле кететіні – бұрыннан бар үрдіс. Осыдан болар, басқа аймақ тұрғындары арасында да осы күні Қазалыдан шығатын тәттіні аңсап отыратындар көбейген. Қызылордадан өзге өңірлерге сапарға шыққандардың да алдына жайылған дастарқандағы тәттілер арасынан «Қазалы» кәмпитін көзі шалса, ескі танысын көргендей елжірей қалатыны тағы рас.
Көрме • 10 Наурыз, 2024
Қызылордадағы С.Айтбаев атындағы көркемсурет галереясында Қазақстан дизайнерлер одағының мүшесі, белгілі фотосуретші Шакимардан Мәжитұлының «Тұран ойпатының өркениеті» атты көрмесі ашылды.
Өнер • 08 Наурыз, 2024
Әсілі, «Әйел қырық шырақты» деген сөз тегі рас. Әйтпесе, бұлардың да жұрт қатарлы бірі күріштіктен, бірі сауын фермасынан келгені жаңа. Келе сала кешкі астың қамына кірісіп, үйдегілердің ас-суын беріп, балалардың ертеңгі сабағын бір пысықтап, клубқа қарай келе жатыр. Тіпті үйде отырғанның өзінде де бітпейтін тірлік пен 10 баланың қамы қалжыратпай қоя ма?!
Тәрбие • 07 Наурыз, 2024
«Тәрбие – тал бесіктен» десек те...
Жыл басынан бері Қызылорда облысында мектеп оқушылары арасындағы төбелестен 2 баланың өмірі қиылды. Әуелгісі қаңтар айында Сырдария ауданындағы Аманкелді ауылында болды. Арада ай өткенде дәл осындай жағдай Қызылорда қаласының іргесіндегі Белкөл кентінде қайталанды. Бұл жолғы құрбан – кенттегі № 189 орта мектептің 9-сынып оқушысы. Он бірінші ақпан күні түс ауа сабақтан шыққан бала үйіне жете алмай қалды. Өзінен бір сынып жоғары оқитын баладан алған соққыдан көпқабатты үй алдында үзілген 16 жасар бозбала өлімінің себебін анықтау үшін сот-медициналық сараптама тағайындалып, 12 ақпанда ҚР ҚК-нің 106-бабы 3-бөлігімен қылмыстық іс тіркеліп, тергеп-тексеру жұмыстары жүргізіліп жатыр. Осыдан кейін айдың-күннің аманында бала өліміне жол берген мектеп басшылары мен олардың тәрбие ісі жөніндегі орынбасарлары қызметінен босатылды.
Аймақтар • 04 Наурыз, 2024
Қызылордада Су ресурстары және ирригация министрі Нұржан Нұржігітов пен облыс әкімі Нұрлыбек Нәлібаев ауыл шаруашылығы құрылымдары өкілдерімен кездесіп, вегетация кезеңіндегі болжамды су көлеміне сәйкес егін егу мәселесін талқылады. Кездесуге су үнемдеу технологияларын қолдануда тәжірибесі бар кәсіпорын өкілдері, жергілікті атқарушы органдардың, су шаруашылығы ұйымдарының, ауыл шаруашылығы құрылымдарының басшылары қатысты.
Форум • 04 Наурыз, 2024
Қызылордада «Анаға тағзым» республикалық Аналар форумы өтті. Халықаралық әйелдер күні мерекесі қарсаңында ұйымдастырылған іс-шараға Мәдениет және ақпарат министрі, Президент жанындағы Әйелдер істері және отбасылық-демографиялық саясат жөніндегі ұлттық комиссия төрағасы Аида Балаева, Парламент Сенатының депутаты Руслан Рүстемов, Мәжіліс депутаты Мархабат Жайымбетов, аталған комиссияның мүшелері, белгілі қоғам қайраткерлері, өңірлерден келген делегациялар, еңбек ардагерлері, мәслихат депутаттары, көпбалалы аналар, ұстаздар, облыстың зиялы қауымы, қоғамдық ұйым өкілдері қатысты.
Өндіріс • 04 Наурыз, 2024
Былтыр жыл соңында Қармақшы ауданында құс фабрикасы іске қосылып, облыста тағы бір өндіріс орны пайда болды. Еліміз бойынша құс еті бағытында отызға жуық фабрика бар екен. Ал аймақтағы осындай алғашқы өндіріс орны өңірдің экономикалық дамуына тың серпін бермек.
Қоғам • 04 Наурыз, 2024
Журналистиканың өзекті тақырыбы
Қызылордадағы «Болашақ» университетінде «Қазақ журналистикасының өзекті мәселелері» атты дөңгелек үстел мәжілісі өтті. Оқу орны мен жергілікті «Сыр медиа» ЖШС бірлесіп ұйымдастырған басқосуды университет құрылтайшысы, академик Бақберген Досманбетов ашып, саланың өткені мен бүгіні және алда тұрған мәселелер турасында әңгіме өрбітті.
Аймақтар • 29 Ақпан, 2024
Қызылордадағы Назарбаев Зияткерлік мектебінің 11-сынып оқушылары Алуа Едігеева мен Азиза Жақыпбек «Naqyl söz» атты қосымша ойлап тапты.
Маман • 29 Ақпан, 2024
Осыдан 20 жыл бұрынғы жағдаймен салыстырғанда қазіргі медицина әлдеқайда алға басты. Осы күні облыс, аудан орталықтарынан бөлек ауылдарда да жаңа емханалар салынып, халықтың саулығын сақтаудың аясы кеңейді. Әрине, бұрынғы мен бүгінгіні салыстырғанда әуелгі әңгіме маманнан басталатыны даусыз.
