Мирас АСАН«Egemen Qazaqstan»
113 материал табылды

Руханият • 26 Қаңтар, 2021

Нарцисс жанарындағы айдын

Өз бейнесіне өзі ғашық сұлу Нарцисс ұзақ күнге айдынға қараумен болушы еді. Ең аяғында сол суға қатты үңіле беріп, батып өледі. Ал жағалауда оның көз жасынан өзі аттас гүл өсіп шығады. Бірақ, Оскар Уайльд бұл әңгімені басқаша баяндайды. Нарцисс қаза тапқанда, орман нимфалары айдыннан: – Сен неге жылайсың? – деп сұрайды. – Мен Нарцисті жоқтап отырмын, – дейді айдын. – Оған таң қалуға болмайды, – дейді нимфалар. – Оған ғашық емес жан жоқ, алайда оның сұлулығын ең жақыннан көрген жалғыз сен едің, – дейді. – Ал ол сұлу ма еді? – деп сұрады сонда айдын. – Бұл туралы сенен артық кім баға бере алады? – деп таң қалысады нимфалар. – Сенің жағалауыңда, сенің суыңа таң атып, кеш батқанша қарап отыратын сол емес пе еді? Айдын ұзақ уақыт үндемей, ақыры былай деп жауап береді: – Мен Нарцистің сұлу екендігін ешқашан байқамасам да, оны жоқтап жылаймын. Себебі, ол менің жағалауыма келіп, маған еңкейген сайын оның жанарының түбінен мен өзімнің әсемдігімді көретін едім, – дейді.

Таным • 12 Қаңтар, 2021

Пабло полотносынан қарасақ...

«Шар үстіндегі қыз» – әлемге әйгілі кескіндемеші Пикассоның ең танымал картиналарының бірі. Суретші өзінің осынау шедеврін 1905 жылы жазғанын білеміз. Ерекше айта кететін жайт, «Шар үстіндегі қыз» Пабло шығармашылығындағы жаңа кезеңді белгілейді. Оны зерттеушілер суретші зертханасындағы «қызғылт кезеңнің» өнімі деп атапты. Шынымен де атақты кескіндемешінің бізге белгілі басқа еңбектерінен мұндай ашық және анық контексті бірден аңғару қиын.

Руханият • 24 Желтоқсан, 2020

Шеңбер ішіндегі шарасыздық

Кейде адам сүріп жатқан өмірінің бірқалыпты, баяу, сүреңсіз, мағынасыздығынан шаршай бастайды. Тіпті бір күнің бір күніңнен айнымайтын кездерден қалай қашып құтыларыңды білмей дал боласың, жаныңды қоярға жер таба алмай түңіліп кетесің. Бір сөзбен айтқанда уақыттың тұзағына түсіп қалған бейшара қалпың шеңбер ішінен шиырлай береді, шиырлай береді...

Руханият • 21 Желтоқсан, 2020

Жас дарынға – жаңа клип

Жуырда «ХабарShow» Youtube каналында және «Хабар» телеарнасының эфирінде жас дарын, еліміздің мақ­танышы Ержан Максимнің жаңа әніне таспаланған «Қазақтың ұлдары» атты бейнебаянның тұсаукесері өтті.

Руханият • 26 Қараша, 2020

Қапастағы қарсылық

Тарихтың жадындағы жазуларды ешқандай тоталитарлық жүйе жойып жібере алмайтынын уақыт үнемі дәлелдеп келеді. Сол сияқты адам жанындағы жазуларды да өшіруге кез келген өкіметтің қауқары жеткен емес. Әрине, бұл жерде болмысы бүтін, санасы сау, бодандықтың қара қамыты миына емес, тек қыл мойнына ғана түскен жандар туралы айтып отырмыз. Әйтпесе, тәуелсіз елде өмір сүріп отырып-ақ өз ойын ашық айта алмай, біреудің қас-қабағын бағып қана қой торы күн кешіп жатқандар аз емес.

Таным • 24 Қараша, 2020

Джокердің күлкісі

Жақыным деп тұрған адамыңыз сізді жұдырығымен бір қойса, көгерген көзіңізге мұз басқаннан басқа не істей аласыз? Өз қолыңызды өзіңіз кесесіз бе? Бәлкім тән жарасы жазылады, жақыныңызды жоғалтпаған дұрыс деп бір сәт сабырға келесіз? Қайткенде де өмірдің одан да ауыр соққылары барын ескеріп, ашуды ақылға жеңдіресіз. Ал енді тәніңізге емес, жаныңызға әлгі соққыдан мың есе жойқын жұдырық жұмсалса қайтпек керек?

Руханият • 20 Қараша, 2020

Абыздан шыққан Гудини

Америкалық әйгілі иллюзионист, актер Гарри Гудиниді білмейтін адам кемде-кем. Сиқыршылықтың сырын жетік білетін оның өнеріне бүкіл әлем әлі күнге дейін таңдай қағады. Тарихқа терең үңілсек, 1903 жылы жазда Мәскеуде Эрмитаж жазғы бағының ашық сахнасында Гудини тұтқындардың арбасына әдейі қамалып, одан көпшілік алдында адам сенбес әрекеттермен ешкім аша алмайтын құлыпқа кілт тауып, босап шығыпты.

Елорда • 18 Қараша, 2020

Ертеректегі елорда

Біраздан бері Ұлттық музейіміздегі құнды жәдігерлерімізді көзіқарақты оқырманға аталған мұражайдың «Бір туынды тарихы» жобасы аясында таныстырып келеміз. Бүгінгі таңдап алынған туынды сонау кеңестік кезеңдегі елорда келбетінен сыр шертеді. Кескіндеменің авторы – қазақстандық суретші Виктор Федорович Холуев.

Руханият • 16 Қараша, 2020

Жауапсыз махаббат

Кейде аса танымал болу да өте қауіпті. Ең қиыны, сіздің ол талантыңыз не өзіңізді, не айналаңызды білдірмей жұтып, үнсіз үгітіп жатқанын ешқашан сезбеуіңіз мүмкін. Әрине, бұған сізді ешкім кінәлай алмайды. Шынымен де, өміріңізде сіз білмейтін, ешқашан танымаған адамдардың қатысты болуы, жай ғана қатысы болып қана қоймай, қасірет шегуі сізге ешқандай жауапкершілік жүктемейді. Жалпы, күніне көшеден қаншама адамды кезіктіресіз. Алайда оның барлығы сіздің тағдырыңызға қатысты адамдар деп ешкім ойламайды. Сіз де ол адамдарға ешқашан мән бермейтініңіз анық. Әрине, ар азабының алдында нағыз ақиқатпен бетпе-бет келгендегі жағдай бізге белгісіз, дегенмен сіздің өміріңізге тікелей қатысы бар адамдарды түгел тізімдеп шығу өте қиын.

Руханият • 12 Қараша, 2020

Қара құрдым

Қара құрдым – ғылым­да болсын, әдебиетте бол­сын, кино өндірісінде де­йік пе, өте көп ай­тылған, жан-жақты қам­тылған, ауқымы аса кең терең та­қырып. Жал­пы, бұл тыл­­сым түсі­нікке шығар­ма­­шыл адам ретінде қы­­­зық­пау тіпті мүмкін емес. Ең қызығы, аты айтып тұрғандай, құрдым құ­бы­лысы әуелден жой­қын тартылыс күші бол­ған­дықтан ба, ерекше ата­уының өзі адамды біртүрлі тұңғиыққа тартып тұрады.