Аймақтар • 18 Ақпан, 2024
Кептелек Ақтөбеден Қарабұтаққа дейін созылды
Самара – Шымкент автожолының бойында, Ақтөбе қаласы мен Қарабұтақ елді мекені арасында 2500 жүк көлігінің қаңтарылып тұрғанына бірнеше күн болды. Жүргізушілер бір аптадан бері қардан аршылмаған жол бойында тұрғандарын, тайғаққа қарсы құм не басқа қоспалар себілмегеніне наразы.
Қоғам • 14 Ақпан, 2024
Абат-Байтақ эпиграфиялық ескерткіштері
Қазақ мәдениетінің әлемдік өркениетке қосқан зор үлесі – араб жазуындағы эпиграфиялық ескерткіштері немесе тастан қашалған құлпытастар. Бабалар қолының табы қалған тас қашау өнерінің артында ізі жоғалған медреселер жүйесі, ұсталық дәстүр және халықтық сәулет мектебі тұр. Алайда көп жұртта кездесе бермейтін құнды жәдігерлер табиғат құбылысы әсерінен жойылып, өрістегі мал тұяғының астында тапталып барады. Осы мәселелер Ақтөбе облыстық тарихи-өлкетану музейінде өткен «Абат-Байтақ» қорымының арабжазулы эпиграфиялық ескерткіштері» кітап-альбомының тұсаукесерінде талқыланды. Кітап-альбом авторлары – тарих ғылымдарының докторы, профессор Әшірбек Мүминов пен PhD Бағдат Дүйсенов. Араб жазуындағы мәтіндерді аудару жұмыстарына әріптесіміз Қазбек Құттымұратұлы да қатысты.
Айбын • 06 Ақпан, 2024
Әскери ұшқыштардың жоғары мектебі
Ақтөбедегі Талғат Бигелдинов атындағы Әуе қорғанысы күштері әскери институты еліміздің Қарулы күштеріне білікті әскери ұшқыштар мен инженерлер даярлап келеді. Сондай-ақ іргелі оқу орнының Ұжымдық Қауіпсіздік Шарты Ұйымының мүше мемлекеттерінің авиация мамандарын оқытып келе жатқан Орталық Азиядағы жалғыз оқу орны екенін айта кеткен жөн.
Туризм • 01 Ақпан, 2024
Жақында Ақтөбе облысының делегациясы Оңтүстік Корея мен Қытайға барып екі елдің іскер топтары мен туризм саласындағы бірқатар компания өкілдерімен кездесіп қайтты. Сеул, Пекин мен Шанхай қалаларындағы жүзден аса туристік компания өкілдерімен кездесуде «Visit Aktobe» туристік ақпараттық орталығы Ақтөбе өңірін тартымды туристік бағыт ретінде қалыптастырудың стратегиясын ұсынды. Соның ең бастысы – әнші Димаш Құдайберген атындағы «Dimash tour» жобасы.
Қоғам • 31 Қаңтар, 2024
Ішкі істер министрлігінің кеңейтілген алқа мәжілісінде тұрмыстық зорлық-зомбылыққа қатысты заң талаптарын қатаңдату, қылмыстың алдын алу жұмыстарын тиімді жүргізу, кәмелетке толмағандардың құқығын қорғау жүйесін жаңғырту, осы іске азаматтық қоғам институттары мен сарапшыларды тарту мәселелері өткір көтерілді. Елімізде осы бағытта құқық қорғау органдары көп жұмыс атқарып жатқанына қарамастан, жасөспірімдер қолымен жасалатын және жасөспірімдерге қарсы жасалатын қылмыс түрлері азаймай отыр. Бұл жағынан Ақтөбе облысындағы ахуал қандай?
Аймақтар • 25 Қаңтар, 2024
Ақтөбе мектептеріне шабуыл жасамақ болған жалған «террорист» ұсталды
Ақтөбе қаласының мектептерінде терроризм актісі туралы жалған хабар таратушы анықталды. Ол көршілес мемлекеттің 18 жастағы тұрғыны болып шықты, деп хабарлайды Egemen.kz.
Зерде • 24 Қаңтар, 2024
Қ.Жұбанов атындағы Ақтөбе өңірлік университетінде «Ақтөбе өңіріндегі кеңестік қуғын-сүргін: тың деректер және зерттеу нәтижелері» тақырыбында өткен жиында еліміздің батыс облыстары тарихшылары мен өлкетанушылары зерттеулерімен бөлісті. Ақтөбе облысы бойынша саяси қуғын-сүргін құрбандарын толық ақтау жөніндегі өңірлік комиссия мүшелері халық көтерілістері, күштеп ұжымдастыру және босқындар, 30-жылдардағы аштық, Алаш идеясын жақтаушылар, дін өкілдері, әскери тұтқындар, Қазақстанға күштеп көшірілгендер бойынша зерттеу жүргізді. Ақтөбе облыстық Полиция департаменті арнайы архивінен 617 қылмыстық іс, облыстық архивтен 17 611 іс зерттелді. Нәтижесінде, мемлекеттік комиссия қарауына 3 850 адамды ақтау ұсынылды. Мұнымен бір кезде Ақтөбе өңіріндегі 1916-1930 жылдардағы көтеріліс ошақтары және қаза тапқандар жерленген тоғыз орын, аштықта өлгендер көмілген он төрт орын анықталды. Конференцияда ішкі саясат басқармасының басшысы Ләззат Оразбаева комиссия жұмысы қорытындысы бойынша әзірленген «Ақтөбе өңіріндегі шаруашылық-саяси науқандар», «Ақтөбе өңірінде байлардың, кулактардың, орта шаруалардың қудалануы», «Қасіретті жылдар зобалаңы» архивтік-құжаттар жинақтарын, «Рухани болмысты күйрету және дін өкілдерін қудалау саясаты», «Ақтөбе облысына күштеп жер аударылған ұлт өкілдері: тарихы мен тағдыры» атты монографияларды таныстырды.
Аймақтар • 19 Қаңтар, 2024
Жаңа жылдың қуанышы – Әйтеке би ауданы Құмқұдық ауылына көгілдір отын келді. Ауылға газ құбыры 90 шақырым жердегі аудан орталығы Темірбек Жүргенов ауылынан тартылды.
Аймақтар • 14 Қаңтар, 2024
Үлескерлер үйлерін ала алмай жүр
Тұрғын үй құрылыс компанияларына қаражат салған 540 ақтөбелік үлескер бірнеше жылдан бері пәтерлеріне қол жеткізе алмай келеді. Бұл істе жұрттың 3,5 млрд теңгесін иеленген 11 компанияның кінәсі бар.
Аймақтар • 09 Қаңтар, 2024
Ақтөбе облысының Полиция департаменті Жаңа жылда 32 жаңа автокөлікпен толықты.
