Қоғам • 09 Қаңтар, 2024
Тұтынушылық несие қарызы екі есе өскен
Мәжіліс төрағасының орынбасары Дания Еспаева Ұлттық банктің Ақтөбе бөлімшесіндегі екінші деңгейлі банктер мен микронесие ұйымдарының басшыларымен кездесуінде қарыз алушылардың құқығын қорғайтын жаңа заң жобасы туралы айтты.
Қоғам • 20 Желтоқсан, 2023
Сәбиді сауықтыратын бағдарлама
Ақтөбе облысында аутизм дертіне шалдыққан 600 бала бар. Олардың жас айырмашылықтары да әртүрлі. Осы балалардың ата-анасы біраз жылдан бері арнайы балабақша ашу қажеттігін күн тәртібіне көтеріп келеді. Өйткені сәбидің аутистік спектрі бұзылғаны неғұрлым ертерек анықталса, соғұрлым мамандар көмегімен қалыпты ортаға бейімдеу мүмкіндігі жоғарылайды. Бала қатарынан қалып қоймасын деп шырылдап жүрген ананың да тілегі осы.
Мирас • 11 Желтоқсан, 2023
Ұлттық бұйымдарды жаңғыртқан ұстаз
Әйтеке би ауданы Ақкөл ауылындағы Абай атындағы орта мектептің мұғалімі Темірхан Сағындықов – ағаш пен темірден түрлі ұлттық бұйымдар жасап жүрген нағыз шебер. Ертедегі ауыл ұсталарының кәсібін жаңғыртып қана қоймай, оны қазіргі заманға бейімдеп жүрген еңбекқор жан ауылдастарының үйінде сақталған ескі кебеже, сандықтарды қайта жөндеп шығады. Ол Абай мектебінде 1989 жылдан бері алғашқы әскери даярлық және дене шынықтыру пәндерінен сабақ беріп келеді. Әскери шені – запастағы аға лейтенант. Ескі дүниені жаңартуға әуесқойлықпен барғанын жасырмайды.
Денсаулық • 11 Желтоқсан, 2023
Қазіргі кезде Ақтөбе облысында қызылшамен науқастанған 207 адам ауруханаларға жатқызылды. Облыстық денсаулық сақтау басқармасының соңғы дерегі бойынша жұқпалы дерттің осы түріне шалдыққандардың 36-сы – ересек адамдар, 189-ы – негізінен 3 жасқа дейінгі сәбилер.
Аймақтар • 07 Желтоқсан, 2023
Ақтөбе облысында тіркелген волонтерлік ұйымдардың саны 200-ден көп. Солардың арасындағы ең танымалы – жоғалып кеткен адамдарды іздестіруге көмектесіп жүрген «Зелло» іздеу тобының еріктілері.
Таным • 29 Қараша, 2023
Ақтөбеде ғұн археологиясы мәселелеріне арналған «Халықтардың ұлы қоныс аударуы қарсаңындағы далалық тайпалар» атты халықаралық ғылыми-тәжірибелік конферения өтті. Ә.Марғұлан атындағы Археология институты мен Ақтөбе облысының Мәдениет, архивтер және құжаттама басқармасы, облыстық тарихи-өлкетану музейі бірлесе ұйымдастырған жиында ғұн кезеңі талқыланды. Ғұндар дәуірі – Қазақстан тарихының ақтаңдағы, осы кезге дейін тарихшыларымыз сол заманды халықтардың ұлы қоныс аудару кезеңі деп жеткілікті зерттемей келді. Жыл санауымыздың алғашқы бес ғасырында қазақ даласында сақ-сармат тайпаларымен бірлесе күшті одақ құрып, Қара теңіз, Кавказ, Қырымнан асып, Шығыс Еуропаға дейін империя құрған ғұн тайпаларының ескерткіштері қазақ даласының барлық аймағынан табылып жатыр. Соның алдыңғы қатарында Ақтөбе облысы Ойыл ауданындағы Сорлақмола обасы мен Маңғыстау облысындағы ғұндардың Қарақабақ порты және Алтынқазған қоныстары тұр.
Тағзым • 23 Қараша, 2023
Ақтөбе облыстық тарихи-өлкетану музейінде ақын, әнші Сары Батақұлының 160 жылдығына орай «Баласы мен Батақтың атым Сары» атты тарихи-танымдық кеш өтті. Жиында халық музыкасын зерттеуші Абдулхамит Райымбергенов Батақтың Сарысының жұртқа белгісіз болып келген шығармалары жөнінде әңгімеледі.
Мектеп • 15 Қараша, 2023
Ауылды түлету мектептен басталады
Биылғы оқу жылынан бастап «Қазақстан халқына» және «Білім беру саласын тұрақты дамыту» қорлары «Ақтөбе облысындағы шағын жинақты ауыл мектептерінің әлеуетін цифрлық технологияларды қолдана отырып дамыту» жобасын қолға алды. Қордан бөлінген 5 млрд теңгеге аудан орталықтарындағы 12 тірек мектеп, 134 шағын жинақты мектептің 386 оқу кабинеті қайта жабдықталып, алты мыңнан аса ауыл баласы үздік мұғалімдерден дәріс алуда. Оған қосымша өңірдегі 281 ауыл мектебінің интернет жылдамдығын жақсартуға жергілікті бюджеттен 448 млн теңге бөлінді.
Жастар • 08 Қараша, 2023
Жұмыссыз жастарға – қайтарымсыз грант
Ақтөбе облыстық жастар ресурстық орталығында «Zhas project» жобасының жеңімпаздары анықталды. 1 млн теңгеден қайтарымсыз грант алған ақтөбелік 14 жұмыссыз жас жақын аралықта өз кәсібін ашады. Олардың арасында сабын өндірісі, ұлттық бұйымдар тігу, дизайн студиясы, кондитерлік цех, клинингтік қызмет, балаларға шахмат курсын ұйымдастыру, киім цехы жобалары бар.
Аймақтар • 06 Қараша, 2023
Ырғыз, Қобда, Ойыл аудандарында өткен саяси науқан кезінде сайлаушылар тізіміне 28 897 азамат енгізілген еді. Ал дауыс беруге 17 033 сайлаушы қатысқан. Оның ішінде есептен шығару куәліктері бойынша – 8, дауыс беруге арналған үй-жайлардан тыс 1809 тұрғын қатысты.
