Депозит • 01 Маусым, 2023
Ақшаны депозитте сақтау – ең тиімді жол. Әрі қазір базалық пайыздық мөлшерлеме 16,75 пайыз (яғни қымбат) деңгейінде тұр, демек депозиттің де өсімі тәп-тәуір болады деген сөз. Бір айда отандық екінші деңгейлі банктердегі депозит көлемі 3,1 пайызға, бір жылда 21,9 пайызға өсіп, биыл сәуірдің басында 31,3 трлн теңгеге жеткен.
Шаруашылық • 31 Мамыр, 2023
Отандық фермерлер бүгінгі күнге дейін тыңайтқыштарды субсидиялауға 13 251 өтінім берген. Өңірлердің Ауыл шаруашылығы басқармаларында 9 027 өтінім бар, 2 040 өтініш қабылданбады, ал 7,5 млрд теңге сомасына 2 184 өтінім мақұлданды және тиісті сома төленді.
Банк • 31 Мамыр, 2023
Интернет-банкингті меңгергендер
Ел тұрғындары арасында интернет-банкинг бедел жинап келеді. Жыл сайын пайдаланушылар саны үлкен қарқынмен өсіп жатыр. 2022 жылдың соңында онлайн және мобильді банкингті пайдаланушылар саны 22,9 миллионға жеткен. 2021 жылмен салыстырғанда 20 пайызға артық.
Бизнес • 30 Мамыр, 2023
Шағын бизнестің ІЖӨ-дегі үлесі
Экономикамыздың жақын келешектегі драйвері саналатын шағын және орта бизнес саласы қарқын ала түсті. Қазір бұл салаға барлық қаражат та, қолдау да беріліп жатыр. Әрине, ШОБ-ты қолдауда шикіліктер де жоқ емес. Бірақ жалпы назардың оң екенін айтпасақ тағы болмайды. Қалай болғанда да ШОБ – нарықтық экономиканың даму негізі. Кәсіпорындар жұмыс орнын ашып, бюджетке салық төлеп, халықтың қаражатын айналымға шығарып, монополиямен күресуге көмектеседі.
Экономика • 29 Мамыр, 2023
Қазақстан Қаржыгерлер қауымдастығының дерегінше, елімізде сақтандыру сыйлықақыларының ішкі жалпы өнімге (ІЖӨ) қатынасы орташа әлемдік деңгейден төрт есе төмен. Бірінші тоқсанның қорытындысы бойынша, сақтандыру компанияларының (СК) активтері 6,5%-ға, 2 200,9 млрд-қа дейін өсті. Бұған бағалы қағаздар (+3,0%), ақша мен салымдар (+22,4%) және қайта сақтандыру бойынша активтер (+33,1%) көлемінің ұлғаюы әсер етті.
Саясат • 28 Мамыр, 2023
Геосаяси тәуекелдер Қазақстан мен Еуропалық одақ арасындағы қарым-қатынасты бұрынғыдан да берік нығайтуға негіз болды. Соңғы дерек бойынша, Еуроодақтан ел экономикасына тікелей инвестициялар көлемі шамамен 23%-ға өсіп, 1 12,5 млрд долларды құрады.
Инвестиция • 26 Мамыр, 2023
Экономикамыздағы Қытай инвестициясының үлесі
Ауыл шаруашылығы министрі Ербол Қарашөкеев Қытай Халық Республикасына жасаған сапары аясында Шыңжаңның бірқатар автономиялық аудандарының (Боро-Тала-Моңғол АО, Іле Қазақ АО Алтай қаласы мен Шәуешек қаласы) басшылығымен, сондай-ақ ШҰАА өндірістік-құрылыс корпусының өкілдерімен келіссөздер жүргізген еді. Сапар барысында мәлім болғандай, Қытай тарапынан біздің ет, дәнді және майлы дақылдар, жемшөп импортына қызығушылық жоғары екен. Өз кезегінде министр Қазақстанның сапалы жеміс-көкөніс өнімдерін сатып алуға мүдделі екенін айтты.
Қоғам • 25 Мамыр, 2023
Конструктор-көлік заңдастырылады
2023 жылдың 22 мамырынан бастап елімізде конструктор-автокөліктерді заңдастыру басталды. Бұған дейін Мемлекет басшысының тапсырмасымен 2022 жылдың 1 қыркүйегіне дейін ел аумағына кіргізілген шетелдік тіркеудегі көліктерді заңдастыруға (арзан бағамен) рұқсат етілген еді. Ал бұған дейін елге қосалқы бөлшектер ретінде әкелінген көлік иелері ресми тіркеу құжаттарының жоқтығынан қиындықтарға тап болып келген.
Алматы • 24 Мамыр, 2023
Алматы әуежайында жолаушылар екі есе артады
Қазір Алматы әуежайында жаңа нысанның құрылысы қызу жүріп жатыр. Жаңа терминал тек халықаралық рейстерге қызмет көрсетеді. Соның арқасында әуежайдың өткізу қабілеті 14 миллионға дейін (қазір 7 миллион) артады деп көзделіп отыр. Жақында Еуразиялық даму банкі (ЕАДБ) ұйымдастырған пресс-тур аясында құрылыс жүріп жатқан терминал аумағына барып, әуежай басшыларымен кішігірім сұхбат құрған едік.
Алматы • 23 Мамыр, 2023
Үлкен Алматы автожолы пайдалануға беріледі
Салынуы жайлы 15 жыл бұрын айтылып, биыл ғана аяқталғалы отырған Алматыдағы Үлкен Алматы айналма автомобиль жолы (БАКАД) 2023 жылдың маусым айында пайдалануға берілмек. Бұл туралы «БАКАД инвестиция және операциялар» мекемесінің басшысы Айман Жанұзақова хабарлады. Айтуынша, жобаның жалпы құны – 743 млн доллар. Оның 78 пайызы – займ қаржысы болса, 22 пайызы – жеке қаражат. Жобаны үш қаржы мекемесі – Еуропа қайта құру және даму банкі, Еуразия даму банкі және Ислам даму банкі қаржыландырған. Ал құрылысты түркиялық Alarko Holding және Makyol, кореялық SK ecoplant және Korea Expressway Corporation компанияларынан құралған консорциум жүзеге асырып жатыр. Автожол мемлекет меншігіндегі мүлік болып саналады.
