Білім • 26 Тамыз, 2022
Жаңа оқу жылы қарсаңында өңір педагогтерінің, дәлірек айтқанда жас мамандардың алдынан кесе-көлдеңен кездесіп отырған үлкен бір мәселе бар. Ол – мектепке жұмысқа қабылдау конкурсындағы әділетсіздіктер. Қабылдау процесінде оқуды жаңадан тәмамдаған түлектер «мүйізделіп», тәжірибесі толысқан педагогтерге мән беріледі екен. Тіпті кейбір «сақа» мұғалімдер бірнеше мектепте жеңімпаз атанып, жастарға орын бермей отыр.
Экономика • 25 Тамыз, 2022
Шаруаны техникасынан айырған «ҚазАгроҚаржы»
Фермерлерді ауыл шаруашылығына қажет техникамен қаруландырып, өңірлерді өркендетуге үлес қосады деп сенім артылған «ҚазАгроҚаржы» АҚ соңғы уақытта бағытынан жаңылып жүргендей. Лизингке алған техникасының төлемін кешіктірген немесе қаржылық қиындықтан келісімшарттың кейбір тармақтарын орындай алмай отырған шаруаларды компания қос өкпеден қысып, түрлі бассыздыққа барған. Мұндай шектен тыс шаралар өңірдегі диқандардың ашу-ызасын тудырып отыр.
Аймақтар • 25 Тамыз, 2022
Жылдағыдай жергілікті мешіттер «Мектепке жол» акциясына үн қосып, мектеп жасындағы балаларға қуаныш сыйлауда. Мәшһүр Жүсіп атындағы орталық мешітте қайырымдылық шарасы ұйымдастырылып, 200 оқушы мектеп құралдарымен қамтамасыз етілді.
Білім • 24 Тамыз, 2022
Жаңа оқу жылына орай Павлодар облысында заманауи білім берудің үш негізгі аспектісі белгіленді. Олар – патриотизм, білімге деген ұмтылыс және еңбексүйгіштік. Бұл тұрғыда әр оқу орнында балаларға арналған өзіндік қарым-қатынас және мінез-құлық саясаты болуы керек.
Аймақтар • 23 Тамыз, 2022
Ауылда шағын тракторлар шығарылады
Ауылда бизнес ашылды десе қуанатын болдық. Қазір кәсіптің көзін тапқанға велосипед ойлап табудың қажеті жоқ. Бұл тұрғыда ауыл шаруашылығына арналған техникалық жаңашылдықтарды ебін тауып енгізіп жатқандардың ісі сүйсінтеді. Ерлік Тайшыбаев құрастырған шағын тракторлар келешекте Ресей мен Қытайдан әкелінетін импорт техниканың орнын басып, шаруалардың қолын ұзартуы мүмкін.
Білім • 23 Тамыз, 2022
Шарбақты ауданындағы №1, Ақсу қаласының Сарышығанақ ауылындағы білім беру ұйымдарында, сондай-ақ облыс орталығындағы бірнеше мектепте 1 қыркүйекте алғашқы қоңырау соғылмауы әбден мүмкін. Бұл оқу ошақтарында биыл жазда басталған күрделі жөндеу жұмыстары сылбыр жүріп, марғау мердігерлер жауапсыздық танытып отыр. Жасырып не керегі бар, облыстық білім беру басқармасының басшылығы аталған нысандардың алдағы 10 күн дересінде толық тапсырылатынына 100 пайыз сенімді емес.
Аймақтар • 22 Тамыз, 2022
Қаптаған кеніштерден қайырым бар ма?
Баянауылдық жұрт көмір кеніштерінің қайырымы жоқтығына қапалы. Бұл өлкеде үш бірдей кеніш бола тұра, олардан босатылатын тас көмірдің игілігін жергілікті халық мүлде сезінбейміз дейді. Қоғам белсенділері кәсіпорындар Ресейге өткізетін отынның бағасын 2,5 есеге арзанға сататынын, ал жергілікті тұтынушыларға ешбір жауапкершілік танытпай отырғанын ашына жеткізді. Көршілес кейбір аудандарда отынның құнына қатысты шектеулер енгізіліп, тіпті Май ауданында көмірдің тоннасы биыл мың теңгеге арзандаған. Қазба байлықтың үстінде орналасса да әлгіндей артықшылықты пайдалана алмай отырған Баянауыл басшылығына жұрттың өкпесі қара қазандай.
Аймақтар • 22 Тамыз, 2022
Дәмі тіл үйіретін Аққулының қарбызы десе, елең етпейтін жан жоқ. Бұрын егіс танаптарында теңкиген теңбіл қарбыздар ғана допша үрленіп жататын болса, соңғы уақытта шаруалар түрлі түсті сорттарды кеңінен өсіре бастаған. Жасыл, сары, қара, тіпті қызғылт-сары түсті дақылдар – даланың сәні. Жергілікті бағбандар бүгінде дала төсін дүбірге толтырып, бақша өнімдерін жинау науқаны қызып берді.
Аймақтар • 21 Тамыз, 2022
Павлодардың даму мүмкіндіктері мол
Премьер-Министр Әлихан Смайылов жұмыс сапарымен Павлодар облысында болып, өнеркәсіп пен ауыл шаруашылығының даму қарқынымен, әлеуметтік инфрақұрылымды жаңғырту барысымен танысты, сондай-ақ облысты кешенді дамыту мәселелері жөнінде кеңес өткізді.
Аймақтар • 19 Тамыз, 2022
Ашық аспан астындағы музей ашылады
Келешекте Баянауылдағы Мәшһүр Жүсіп кесенесі маңында ашық аспан астындағы музей ашылып, Ескелді шатқалына келушілер Пушкин мен Толстойдың мұражай-үйлері тәріздес ерекше мәдениет үлгісін тамашалауы мүмкін. Ғұлама атындағы қордың мүшелері Екібастұз қаласының жұртшылығымен кездесу өткізген Мәдениет және спорт министрі Дәурен Абаевқа осындай ұсыныс жасады.
