Назерке ЖҰМАБАЙ«Egemen Qazaqstan»
263 материал табылды

Руханият • 23 Маусым, 2022

Батырды тұқыртқан тылсым

Қарағанды облысына қарас­ты Қарқаралы ауданында ерекше көл бар. Аты ғана емес, заты да жұмбақ. Шай­танкөл! Табиғаттың бұл тамаша тартуының тылсымына бойлаймыз деп бағзыдан бүгінге дейін талай ғалымдар тер төккен. Алайда әлі күнге дейін өзінің өзгеше күйінен сыр алдырмай келе жатқан су айдынының шынымен де ішіне бүккен құпиясы көп сияқты...

Руханият • 22 Маусым, 2022

Құндылықтарымызға кім қорған болады?

Осыдан бірнеше жыл бұрын Италияның бірқатар ірі мәдени қаласын аралау бақыты бұйырды. Ә дегенде бізді баурап алғаны ондағы атмосфера еді. Бейне бір антика дәуіріне топ ете қалғандай күйді бастан кештік. Ғажап күй, ғаламат сезім! Неге? Себебі онда шынайылық бар еді. Мәдениеті бір басқа, халқының ұлтына деген сүйіспеншілігі еріксіз тебірентті. Тұрғындарының жанарынан өткеніне, тарихи құндылықтарына деген шексіз құрметті көрдік, сездік. Көше бойына сән берген көне ғимараттардың құлаған әр кірпіші мен ажырап түскен әрбір сылағының орнынан өмір үнін іздеген адамдары сонысымен де аяулы көрінді. Ал бізде ше? Бәрі керісінше...

Театр • 21 Маусым, 2022

Бұл – басқа Баян!

Сахнаға тағы бір Баян келді! Қазақтың арына баланған арудың бұл жолы бұрымы өрілмеді, бешпеті төгілмеді, шолпысы сылдырламады, сырғасы сыңғырламады... Қысқасы, бұл Баянда бәрі басқаша.

Театр • 17 Маусым, 2022

Жапонияда жарқыраған Арман

Жақында жапондық танымал Maki Asami Ballet труппасымен бірлесе өнер көрсетіп, қазақстандық балеттің жоғары деңгейін жат елде паш етіп қайтқан «Астана Опера» театрының жетекші солисі Арман Оразовтың таланты күллі Күншығыс елі көрермендерін тәнті етті. Оның орындауындағы Морис Жаррдың музыкасына көрнекті хореограф Ролан Петидің қойған «Париж Құдай анасының соборы» спектакліндегі Фебтің партиясы жапондықтар үшін шын мәнінде өнердің үлкен жаңалығы болды.

Театр • 16 Маусым, 2022

Жаһан жанарын жаулаған

Өнер – ұлттың айнасы. Сол арқылы күллі ұлттың болмыс-бітімін ғана емес, деңгей-дәргейін де тануға һәм танытуға болады. Бас қаланың жас театры, биыл тарихына 15 жыл толып отырған іргелі өнер ордасы – Нұр-Сұлтан қаласы әкімдігінің Жастар театры ұжымы театр мерейтойы аясында Қырғыз Республикасындағы гастрольдік сапарын абыроймен өткізіп, Түркия мемлекетінің Конья қаласында ұйымдастырылған түркітілдес елдердің «Мың тыныс – бір дауыс» халықаралық театр фестивалінен табысты оралды.

Театр • 14 Маусым, 2022

«Зоопарк»: Сұм өмір абақты ғой саналыға...

Қалыпқа түскен тірлік, екі етіл­мейтін бұйрық, өзгер­мейтін өмір салты, күнделікті бірін бірі айна-қатесіз қайталайтын әрекет, көпке ыңғайлыны ғұ­мыр­лық қағида еткен көңіл­шек­тік, өзгенің қалауын жалғанның мәніне айналдырған мінезсіздік, басқаның талабына табынған табансыздық, ең аяғы жан қалауыңды, ішкі ар-ұжданыңды қалың тобырдың көзқарасына матап берген шарасыздық... Таныс тіршілік пе? Иә, иә, қа­телескен жоқсыз, бұл – әрқай­сымызға тиесілі бір-бірінен аумайтын ерекшеліктен ада біздің өмір. Трафаретке түскеніміз, инкубаторлық сипатқа енгеніміз соншалық, адам ретінде дараланудан қалғанымыз қашан? Өйткені, ерекшелену айналаң үшін ыңғайсыз. Қоғам белгілеген шекарадан шықтың ба – шарасыз күйге түстің! Демек өзгелер сызған ережеге бағынуға тиіссің. Басқа таңдау жоқ! Ал енді өміріңізді зообақтағы аңдардан өзгеше деп көріңізші!..

Сұхбат • 09 Маусым, 2022

Тоқтар Әубәкіров: Қазақты сақтап келген де, сақтайтын да – мінезі

Атақ, даңқ әркімге қонады. Бірақ сол беделін, болмысын бұзбай, қарапайым қалпын сақтап, абыройын адамдық биігінде асқақтата алатындары сирек. Тегінде адам баласын бір-бірінен даралайтын басты қасиеті де осы – мінезі болса керек. Қазақтан шыққан тұңғыш ғарышкер Тоқтар Әубәкіровпен жүздесу бізге тағы бір мәрте мінездің қасиет екенін ұғындыра түскендей. Батырлықтың шыңы да қалпынан айнымай адам болып қалу болса керек. Осы үлкен ерліктің азамат бойында сақталғанын көріп сүйсіндік. Қаталдығы мен қарапайымдылығы бір бойында тамаша тоғысқан ғарыш көрген Тоқтардың танымында да, болмысында да, тіпті өмір сүру қалыбында да шегі мен шеті жоқ еркіндік сақталғандай. Әйтпесе, қалалық қауырт өмірдің тәртібіне бағынып, жатбауыр болып кеткен мына қоғамда есік-қақпасын айқара ашып тастап еркін тыныстайтұғын адамды кездестіруіңіздің де сирек құбылысқа айналып кеткені қашан...

Әдебиет • 08 Маусым, 2022

Сұлтанмахмұт сүйген сұлу

Киелі Шыңғыстай же­рінде қаратай халқы ерек­ше әспеттеп, қадір тұ­та­тын мектеп бар. Әбді­керім болыс салдырып, Сұл­тан­махмұт ұстаздық еткен, Оралхан оқыған кие­лі мекен. Кезінде қара­ғайдан қиып салынған екі сыныптық, бүгінде Сұл­танмахмұт Торайғыров атындағы орта мектеп «Қа­раңғы қазақ көгіне, өрме­леп шығып Күн болғысы» келген қазақ ақынының ел ертеңі – жас ұрпақ санасына білім нәрін сепсем деген арманына қанат бай­лап қана қоймай, жас жүрегін селт еткізіп, келте ғұмырына мағы­налы мән сыйлаған ғашығы, өр Алтайдың текті аруы Ба­ғи­­ла сұлумен кездесуіне, ға­жап пен ғазап қатар өріл­ген сезім хи­кая­­сын бас­тан кешуіне себеп болған­дығымен де тарих үшін құнды.

Кино • 02 Маусым, 2022

«Жазғы кино» – жан жадыратар жоба

Балалар жылының балдырғандарға дайындаған сыйы мол. Соның бірі – 1 маусым Балаларды қорғау күніне орай кеше Роза Бағланова атындағы «Қазақконцерт» мемлекеттік концерттік ұйымы ұсынған «Жазғы кино» әлеуметтік жобасының салтанатты ашылуы десек, қателеспейміз. Айтулы жоба аясында елордалық балдырғандар «Қазақстан» орталық концерт залында жаз айларында өткізілетін кино көрсетілімдерін тегін тамашалай алады.

Өнер • 31 Мамыр, 2022

«Қазақ вальсінің» шырайы

Өзі де, өмірі де тұтатсымен биге айналып кеткен әсем әлем иесі Шара Жиенқұлованың туғанына биыл ғасыр толды. Көзі тірісінде-ақ ізінен аңыз ерген ерке қыздың ұлттық кәсіби би өнерінде тұңғыш та дара жолды салып қана қоймай, оның даму жолында да сіңірген еңбегі ерен. Бүгінде Шара десе ойымызға ең бірінші суретші Гүлфайруз Ысмайылова қылқалам тілінде кестелеген әйгілі «Қазақ вальсі» картинасындағы он саусағы майысып жүзінен нұр шаша күлімдеп тұрған көркем бейне орала кетері хақ.