Сұхбат • 30 Қараша, 2023
Дархан Нұрпейісов: Қоғам қарыздан сабақ алғаны абзал
Банк келісімшарттарында түрлі өмірлік жағдайларды ескеріп, қамту мүмкін болмағандықтан, банк пен қарыз алушы арасында келіспеушіліктер туындап жатады. Ипотекалық қарыз шарттары бойынша құқықтардың бұзылуына жұртшылық шағымының көбеюіне байланысты кезінде елімізде Банк омбудсмені институты енгізілді. Білікті кеңесші тараптар арасындағы түсініспеушіліктерді реттеуге, міндеттемелерді орындау талаптарын өзгертуге қалай ықпал етеді? Бұл төңіректегі сауалдарды Қазақстанның Банк омбудсмені Дархан Нұрпейісовке қойған едік.
Шаруашылық • 30 Қараша, 2023
Кейінгі он бір жылдың бедерінде мал азығын дайындаудың қиямет-қайымға айналып, шаруа қожалықтары мен тұрғындардың баяғыдан бері қажетінше шөп шауып алып жүрген шабындықтарының көзден бұл бұл ұшуы асқынған мәселе болып отыр. Осы өзекті мәселе жөнінде туған ауылым Қызбел тұрғындарының қынжылысын, талап-тілегін Үкімет назарына жеткізу мақсатымен қолыма амалсыздан қалам алдым.
Экономика • 30 Қараша, 2023
Түркістан облысының өнеркәсіп әлеуеті
«Ең үлкен облыс Түркістанның әлеуметтік-экономикалық ахуалы бүтін республикаға әсер етер күшке ие. Өйткені Оңтүстік облыс географиялық тұрғыда қолайлы орналасқан, ондағы халық тығыздығының деңгейі жоғарғы және кейінгі жылдары қолға алынған іргелі бастамалар біршама. Өңірдегі аса өзекті мәселелердің көшін инфрақұрылым мен әлеуметтік ахуал бастайды. Бәріне бірдей бюджет қаржысын жеткізу оңай емес, бірақ біз әркез ұтымды шешімдер қабылдауға тырысып келеміз», деді облыс әкімі Дархан Сатыбалды орталық коммуникациялар қызметі алаңындағы арнайы брифингте.
Денсаулық • 30 Қараша, 2023
Қызылшаға қарсы вакцинаны күні бұрын салдырып, аурудың алдын алуды ойлағандардан бөлек, вакцинадан үзілді-кесілді бас тартып отырған тұрғындар да жоқ емес. Соның салдарынан болар, қарашада қызылшаның тіптен асқынғаны байқалып, жұқпалы ауруға қарсы жаппай иммундау басталды. Дәрігерлер қызылшаны өтпелі ауру санап, бейқам жүруге болмайтынын ескертеді. Өйткені ауру асқынып, беті қайтпаса, салдары ес жидырмауы мүмкін. Кейінгі деректерге сүйенсек, елімізде 17 мыңнан аса адамнан қызылша анықталған. Олардың 82 пайызы балалар болса, осы қатардағының көпшілігі – вакцина алмағандар.
Айбын • 30 Қараша, 2023
«Жас бүркіт» мұзбалаққа айналар
Жуырда Ұлттық ұланның 5573 әскери бөлімінде «Жас бүркіт» әскери-патриоттық қозғалысының 20 жылдығына арналған салтанатты іс-шара өтті. Жиынға Ішкі істер министрінің орынбасары-Ұлттық ұланның бас қолбасшысы, генерал-лейтенант Еркін Ботақанов, өзара әрекеттес органның өкілдері арнайы қатысты.
