Қайраткерге ескерткiш орнатылды

Таяуда Шардара қаласының орталығындағы Н.Оңдасынов атындағы көшенiң бойына бел­гiлi мемлекет және қоғам қай­раткерiнiң ескерткiшi орнатыл­ды. Қаланың көрiктi жерiнен бой көтерген еңселi ескерт­кiштiң ашылу салтанатына Астана мен Алматы, Шымкент қалаларынан және облысымыз­дың барлық аудандарынан өкіл­дер, ақын-жазушылар, ел аға­лары, республикалық, облыстық БАҚ өкiлдерi қатысты. Нұртас Дәндiбайұлы Оңда­сынов 1904 жылдың 26 қаза­нында Түркiстан ауданындағы “Үшқайық“ ауылында дүниеге келген. Ата-анадан ерте айы­рылған бала Нұртас екiншi анасы Дәрiгүлдiң қолында тәр­биеленедi. 1920 жылы Ташкент­тегi жетiм балаларға арналған интернатта Ғани Мұратбаевтың қолында оқыды. Бiр жылдан кейiн комсомол қатарына өткен зерек жас 1926 жылы Ком­мунистiк партия қатарына өтедi. Техникум, институт тәмамдады. 1938 жылы Шығыс Қазақстан облыстық Кеңесі атқару коми­тетiн  басқарады. Осы жылы Қа­зақстан КП облыстық комите­тiнiң бюро мүшесi, Қазақ КСР Жоғар­ғы Кеңесi депутаты, Қазақстан КП II съезiне делегат болып сайланды. Осы жылдың шiлде айында Қазақстан КП ОК Бюро мүшелiгiне өтiп, Қазақ КСР Жоғарғы Кеңесiнiң бiрiншi сес­сиясында Қазақ КСР Үкiметiнiң төрағасы болып тағайындалды.  Н.Оңдасынов бұл қызметтi 1951 жылға дейiн атқарды. 1951-1953 жылдары КОКП ОК жа­нындағы Жоғары партия мекте­бiнде оқыды. 1954 жылы Қазақ КСР Жоғарғы Кеңесi Прези­диумының төрағасы болып сайланды. Н.Оңдасынов мұнан соң екi жыл Гурьев облыстық Кеңесі атқару комитетiнiң төрағасы, 5 жыл Қазақстан КП Гурьев об­лыстық комитетiнiң бiрiншi хатшысы қызметтерiн атқарды. Н.Оңдасынов зейнеткерлiкке шыққаннан соң өмiрiнiң соңына дейiн ғылыми жұмыстармен шұғылданды. Осы мезгiлдерде III томдық “Арабша-қазақша“, III томдық “Парсыша-қазақша“ тү­сiн­дiр­ме сөздiктерiн жазды. Ескерткіш орнатуға лайықты тұлға. «Егемен-ақпарат».