Ресейдің Красноярск қаласында өті жатқан қысқы Дүниежүзілік Универсиадада Қазақстанның хоккейшілері Канада құрамасын ұтып, өз тобында бірінші орынды иеленді.
Бірінші кезеңде Антон Некряч пенЕгор Шалапов бір-бір шайбадан салса, үзілістен кейін Еміл Нұрғалиев үшінші голды соқты. Десек те канадалықтар оңайлықпен біріле қоймайтындарын аңғартып, екі мәрте нысананы дәл көздеді. Үшінші кезеңде қос команда бір-бір реттен мергендік танытты. Қазақстан құрамасы сапында тағы да Антон Некряч нәтижелі ойын көрсетті. Есеп – 4:3.
Осы жеңістің арқасында жерлестеріміз өз тобында 15 ұпаймен көш бастады. Екінші орында – Канада. Олардың еншісінде 12 үпай бар. Ал үшінші орынды Латвия иеленуде. Олар 9 ұпайды қоржынға салды.
Ғалым СҮЛЕЙМЕН,
«Egemen Qazaqstan»