«Азаматтық авиация комитеті Эфиопиялық «Ethiopian Airlines» авиакомпаниясының ұшағымен болған оқиғаға байланысты өз паркінде Б-737 (CLASSIC, NG, Max), Б-757/767 типті әуе кемелері бар Қазақстан Республикасының авиакомпанияларына тренингтер өткізуге, процедуралар әзірлеуге, сондай – ақ тренажерлық дайындық бағдарламасына – ұшу, эшелон мен биіктікті алу сынды жұмыстар жүргізуді қолға алмақ», делінген КГА хабарламасында.
Мемлекет басшысы Нұрсұлтан Назарбаев Қазақстан Республикасы Парламенті Сенатының Төрағасы Қасым-Жомарт Тоқаевты қабылдады. Қазақстан басшысы ұшақтың апатқа ұшырауы салдарынан қаза тапқан адамдарға қатысты көңіл айтты.
Жексенбі күні таңертең Аддис-Абебадан Найробиге бара жатқан «Эфиопия әуе жолдары» әуекомпаниясының Боинг 737 ұшағы Дэбрэ-Зэйт қаласының маңында апатқа ұшырады. Әуе лайнерінің бортында экипаждың сегіз мүшесімен қоса 157 адам болған. Соңғы ақпарат бойынша, ешкім тірі қалмаған.