Швецияның Эстерсунд қаласында өтіп жатқан биатлоннан әлем чемпионатында ерлер арасындағы 20 шақырымдық бәсеке аяқталды. Бұл туралы Ұлттық Олимпиада комитетінің баспасөз қызметі хабарлады.
Бір өкініштісі, қазақстандық биатлоншылар айтарлықтай жоғары нәтиже көрсеткен жоқ. Роман Еремин 54-ші, Тимур Куц 77-ші, Сергей Сирик 89-шы орынға тұрақтады.
Бұл сында германиялық Арнд Пайффер жеңімпаз атанса, болгариялық Владимир Илиев күміс, норвегиялық Тарьей Бе қола медаль иеленді.