Шағын футболдан ел чемпионы анықталды. Бұл атаққа Алматының «Қайраты» мерзімінен бұрын қол жеткізді.
Республика біріншілігінің 24 турында «Қайрат» Рудныйдың «Аятымен» кездесті. Алматыда өткен бәсекеде алаң иелерінің үстемдігі еш күмән туғызған жоқ. Есеп – 5:1. «Қайраттың» сапында Ранжел екі гол соқса, Диего, Хоссейн Тайеби және Бекзат Рақымтаев бір-бір реттен мергендік танытты. Осылайша, басты қарсыласы – «Аяттан» 15 ұпай озған алматылық клуб мерзімінен бұрын ел біріншілігінің бас жүлдесін олжалады.
Ғалым СҮЛЕЙМЕН,
«Egemen Qazaqstan»