Бұл туралы "СК-Фармация" ЖШС басқарма төрағасы Орталық коммуникациялар қызметінде өткен брифингте мәлім етті.
"Үкімет қосымша гуманитарлық көмек шеңберінде алынған 400 мың бір реттік қорғаныс костюмдері көлемінен ЖҚҚ резервін құру мәселесін пысықтады, олар да Бірыңғай дистрибьютордың коронавирустың жаңа толқыны жағдайында пайдалану үшін қосымша резерв ретінде 4 хабында сақталатын болады", - деп түсіндірді Есқалиев.
Айта кетейік, гуманитарлық жүктерді үлестіру тәжірибесін енгізудің арқасында жұмыс жедел және кідіріссіз жүргізіледі.
"Елге жіберілетін гуманитарлық жүк бойынша құжаттар алдын ала жіберілген кезде алдын ала ақпараттандыру моделі әзірленіп, енгізілді. Іс жүзінде ұшақ ұшып келген кезде бізде кеден қызметтерімен, Денсаулық сақтау министрлігімен бірлесіп әзірленген құжаттар пакеті дайын және бөлу туралы тапсырыстар болады. Осыған байланысты кеденде, әуежайларда, әкімдіктерде гуманитарлық көмек мәселелеріне жетекшілік ететін барлық құрылымдарда жауапты тұлғалар бекітілді. Сондай-ақ, қоғам мен сыбайлас жемқорлыққа қарсы қызмет өкілдерінің қатысуымен дәрі-дәрмекті бөлудің ашық мониторингі қамтамасыз етілді", - деп атап өтті.