Кеше Мәдениет министрлігінің қолдауымен “Құқықты дамыту орталығы” қоғамдық қоры “Адамдық өлшем саласындағы құқықтық мәдениетті арттырудың халықаралық және отандық тәжірибесі” тақырыбында дөңгелек үстел өткізді. Оның жұмысына Парламент депутаттары, Бас прокуратура, Жоғарғы Сот, Әділет, Ішкі істер, Мәдениет, Білім және ғылым министрліктерінің, сондай-ақ халықаралық және үкіметтік емес ұйымдардың өкілдері, сарапшылар, ғалымдар және т.б. басқалар қатысты.
Аталған шараның негізгі мақсаты халықаралық және отандық тәжірибені зерттеп, халықтың адамдық (адамгершілік) өлшем саласындағы құқықтық мәдениетін арттыру болып табылады. Соған орай дөңгелек үстел отырысына қатысушылар гендерлік тепе-теңдік, көші-қон саясаты, адам саудасы, толеранттылық, кемсітпеушілік, заң үстемдігі, сот билігінің тәуелсіздігі, әділ талдау құқығы, дін, сөз және бейбіт жиналыс бостандығы, қозғалу бостандығы, өлім жазасы және оны жою, ұлттық азшылық, жек көру негізінде жасалатын қылмыс, адам құқығы саласындағы білім беру және тағы басқа да мәселелерді талқыға салды.
Осыған орай құқық қорғау жүйесін реформалау, ішкі істер органдары жүйесіндегі коррупциямен күрес, адам құқын қорғаудағы соттардың рөлі, сондай-ақ адам құқы саласынадғы БҰҰ қалыптары мен халықаралық тәжірибе, тұтынушылардың құқын қорғаудағы ҮЕҰ рөлі, гендерлік саясат, гендерлік тепе-теңдік, көші-қон саясатының негізгі қырлары және олардың құқын қорғаудағы халықаралық талаптар, адам саудасынан зардап шеккендерді анықтаудың тауқыметтері және тағы басқа да мәселелерге байланысты ойлар айтылды.
Александр ТАСБОЛАТОВ.