Кеше Қазақстан Республикасының Мемлекеттік хатшысы – Сыртқы істер министрі Қ.Саудабаев Иран Ислам Республикасы Сыртқы істер министрінің экономикалық мәселелер бойынша орынбасары Амир Мансур Боргаимен кездесті, деп хабарлады ҚР СІМ-інің баспасөз қызметі.
Тараптар екіжақты сауда-экономикалық ынтымақтастықты дамыту, атап айтқанда, көлік және ауылшаруашылық салаларындағы перспективалық бірлескен жобаларды жүзеге асыру мәселелерін талқылады.
Сондай-ақ, халықаралық және аймақтық қауіпсіздіктің көкейкесті проблемалары туралы пікір алмасылды. Ирандық дипломат Елбасының сыртқы саяси бастамаларына, соның ішінде Қазақстанның ЕҚЫҰ лауазымындағы төрағалығы және біздің еліміздің ИКҰ СІМ кеңесіне алдағы төрағалығы шеңберінде іске асырылып жатқан шараларға жоғары баға берді.