Жобаның құрылтайшысы – белгілі меценат Төкен Танаұлы. Жобаны іске асырушылардың айтуынша, мұнда бір мезетте 1500-2000 адам демалуға мүмкіндік бар. Аумағы – 5,7 гектар. Жобаның жалпы құны 1 млрд 250 млн теңге деп бағаланып отыр. Бадам су қоймасы маңынан орын тепкен бұл аймақта барлық жағдай қарастырылған. Рекреациялық аймақ жыл бойы үздіксіз жұмыс істейді. Алда демалыс аймағының жанынан тағы да бірқатар жоба қолға алынбақ.
Жаңа нысанның салтанатты ашылу рәсімінде Данат Есболұлы қала әкімінің құттықтауын жеткізді. Демалыс аймағы қаланың туризм саласының дамуына үлес қосып, бәсекелестік орта қалыптастыратынына сенім білдірді. Қазақ елінің тұңғыш ғарышкері Тоқтар Әубәкiров те демалыс аймағының ел игілігіне жұмыс істей беруіне тілектестігін білдірді.
Нұршат Төкен
ШЫМКЕНТ
