Экономика • 28 Сәуір, 2020

Алтын «сенімді валютаға» айнала бастады

101 реткөрсетілді

Қазір АҚШ-тың сауда қатынастарынан зәрезап болған инвесторлар алтын, мемлекеттік облигация сияқты активтерді молырақ сатып алуда.

Сақтықта қорлық жоқ деген олар, Америка экономикасының әлеуетіне сенбейді. Мамандардың айтуынша, проценттік мөлшерлеменің жаһандық төмендеуі, Европадағы брекзитке қатысты жағдай, АҚШ пен Қытай арасындағы сауда соғысы сияқты бірқатар себептері бар. Саяси тұрақсыздық пен әлемдегі рецессия төңірегіндегі қауіп инвесторларды алтынға иек артуға мәжбүрлеген. Сарапшылардың пікірінше, бұл жағдай келесі жылы да жалғасады. 2020 жылға қарай алтын 15-20 процентке қымбаттауы мүмкін. 

Өйткені қазірдің өзінде мемлекеттік облигацияларының кірісі 2,34 пайызға дейін құлдырады. «Бұл – рецессия белгілерінің бірі» деген болатын сарапшылар сол кезде. Алтынның банкаралық фиксингі әр сауда күні Гринвич уақытымен 10:30-да және 15:00-де жүзеге асырылады. Фиксингтің нәтижесі бүкіл әлем бойынша алтын фьючерстерінің саудасы кезінде бағдар ретінде пайдаланылады. Бағаны қалыптастыруға өзара алтын жеткізетін 5 қаржы институты қатысады.

Алтынға ақша салу АҚШ қазынашылық міндеттемелеріне қарағанда қаржыны үнемдеудің сенімді құралы болды. Коронавирустық пандемиядан туындаған экономикалық дағдарыс пен қаржы нарықтарындағы белгісіздік жағдайында әлемнің ұлттық банктері алтын құймаларына қаржы салуды жөн көреді.

Әлемдегі алтынға деген сұраныс орталық банктер арасында әлі де жоғары. Бұған дейін активтерді сақтаудың сенімді құралы болған АҚШ-тың қазынашылық міндеттемелері туралы айту мүмкін емес.

Наурызда АҚШ қазынашылық бағалы қағаздарын шетелдік үкіметтер мен орталық жаппай айналымға шығара бастады. 

25 наурыздан үш апта бұрын АҚШ-тың қазынашылық облигацияларын ұстаушылар 100 миллиард доллардан астам құнды қағаздарды құнды қағаздар айналымға шығарды. «АҚШ-тың қазынашылық міндеттемелерін шетелдік орталық банктердің сатуы себептерінің бірі инфляцияның салдарынан алдағы жылдары АҚШ долларының тез құлдыраудан қорқуымен байланысты болуы мүмкін, бұл олардың қазынашылық активтерінің құнын жойып жіберуі мүмкін», деп хабарлайды The Gold Telegraph.

Сонымен бірге орталық банктер тапқан ақшаларын алтын құймаларына салуды жөн көреді. Ақпанның өзінде олар 36 тонна қымбат металды сатып алды, бұл алдыңғы аймен салыстырғанда 33% -ға көп. Жалпы, жыл басынан бері орталық банктер 64,5 тонна алтын сатып алды. Ақпан айында ең көп сатып алушы Түркия - 24,8 тонна, Ресей - 10,9, Қазақстан - 1,8 және Катар - 1,6 болды.

Сонымен қатар, әлемдегі алтынның ең үлкен тұтынушысы болып табылатын Үндістан үкіметі жыл сайын 800 тоннадан 900 тоннаға дейін қымбат метал импортымен, ағымдағы жылдың сәуір-қыркүйек айларында сегіз жылдық жарамдылық мерзімі бар егемен алтын облигацияларын шығаруды жоспарлап отыр. Бағалы қағаздар резидент жеке тұлғаларға, қорларға, тресттерге, университеттер мен қайырымдылық ұйымдарына сатылу үшін шектеулі болады.

«Минималды рұқсат етілетін инвестициялар 1 грамм алтынды құрайды, ал максималды шек: жеке тұлғалар үшін - 4 кг, тресттер мен басқа да осындай ұйымдар үшін - 20 кг. Бұл алтынның ақша-несие саясатына біртіндеп еніп келе жатқандығы туралы нарыққа тікелей белгі болып табылады және Үндістан бірінші болып тәуелсіз алтын облигациясын жариялады», деп жазады The Gold Telegraph.

2019 жылы әлемнің орталық банктері 650,3 тонна алтын сатып алды, бұл соңғы 50 жылдағы екінші ірі жылдық сатып алу. 2018 жылы - 656,2 тонна  алтын сатып алған.

«Бүгінде алтынның бағасы бір унцияға 1725 долларды құрайды. Өткен аптада Нью-Йорктегі COMEX тауар биржасында маусым айындағы алтын жеткізілімдері бір унция үшін 1745,65 доллар деңгейінде қалды. «Алайда, апта ішінде оның бағасы сәрсенбіде 1700 долларға жеткеннен кейін 2,3% -ға өсті», деп хабарлады Investing.com.

Сонымен бірге, құйманың тікелей сауда бағамын қадағалайтын спот-алтын соңғы рет 1728,86 долларға сатылып, 2,28 долларға немесе 0,1% төмендеді.

Қазақстан Ұлттық банкінің мәліметінше, ағымдағы жылдың наурыз айында республикадағы алтындағы халықаралық резервтер 19,7 млрд.

Бұған дейін Ұлттық банк алтын-валюта активтерін сыртқы басқаруға беру ережесін өзгерткені туралы хабарланған болатын.

Енді  АХҚО –да  жұмыс істейтін компанияларға артықшылық беріледі.

Соңғы жаңалықтар

Елдік нышандар тарихы

Қазақстан • Бүгін, 18:14

Атырау: Үй қамаққа қамалған қыз

Аймақтар • Бүгін, 18:00

Биыл ауылға табиғи газ жетеді

Аймақтар • Бүгін, 14:29

Ұқсас жаңалықтар