«Халық үніне құлақ асатын мемлекет» тұжырымдамасының басты құралдарының бірі болып саналатын жаңа кодекс мемлекеттік, әкімшілік органдармен қарым-қатынастарда азаматтардың жаңа құқықтық кепілдіктерін және олардың құқықтары мен заңды мүдделерін,
оның ішінде сот ісін жүргізудің жаңа нысаны арқылы қорғаудың неғұрлым жоғары деңгейін белгіледі.
Мемлекеттік басқарудың тиімділігі едәуір жақсарған дамыған елдер өздерінің жетістіктерін осы әкімшілік әділетпен байланыстырады. Сондықтан Мемлекет басшысы Қасым-Жомарт Тоқаев 2019 жылы Қазақстан халқына Жолдауында оны іс жүзіне асыруды тапсырған болатын.
Жаңа МӘС-да республика соттары судьяларының штатын қайта бөлу есебінен барлығы 180-ге жуық судья жұмыс істейді. Олардың құрамын қалыптастыру толықтай аяқталды. Судьялық лауазымдардың 90%-ына жоғары біліктілігін растаған тәжірибелі Фемида қызметкерлері орналасты. Соған қарамастан, барлық тағайындалған судьялар Жоғарғы Сот жанындағы Сот төрелігі академиясында әкімшілік сот ісін жүргізу моделіне көшу шеңберінде қосымша оқытудан өтетін болады.
МӘС-ға әкімшілік мемлекеттік қызметшілер персоналын
(314 мемлекеттік қызметші) жинақтау республика соттарының жұмыс істеп тұрған қызметкерлерінің штатын ұлғайтпай, ішкі резерв есебінен жүзеге асырылды.
Ашық, тез және сапалы қызмет көрсету форматында жұмыс істеу үшін барлық күш-жігерді жұмсауға дайын білікті мамандарға артықшылықтар берілді. МӘС басшылары әріптестерін келушілермен қарым-қатынаста олардың тілектерін тыңдауға және ұсынылатын сот қызметтерінің сапасын арттыру үшін қолдан келгеннің бәрін жасауға шақырды.
Жаңа әкімшілік соттардың ғимараттарында сервистің тиісті деңгейін қамтамасыз ету үшін ағымдағы жөндеу жұмыстары жүргізілді, үй-жайлар қажетті жиһазбен және ІТ-жабдықпен жарақтандырылды, бұл АБТ-мен және т. б. онлайн сот процестерін жүргізуге мүмкіндік береді.
Әрбір тілек білдіруші қажетті мәліметтерді тез және толық алу, құжаттарды жолдау, олардың қозғалысын бақылау, сондай-ақ сот процесі қашан және қайда өтетінін білуі үшін процеске келушілер мен қатысушыларға барынша қолайлы жағдай жасауға ерекше назар аударылды.
Қауіпсіздік нормаларының, сот ісін жүргізудің қазіргі заманғы стандарттарына қойылатын талаптардың сақталуына, халықтың әлжуаз топтары үшін объектінің қолжетімділігін қамтамасыз етуге көңіл бөлінді.
Жоғарғы Сот Төрағасы Жақып Асанов орталық мемлекеттік органдар үшін өткізген семинардың үлгісі бойынша МӘС төрағаларына жергілікті басқармалар мен ведомстволар басшыларына ӘРПК маңыздылығын түсіндіру міндеті қойылды. Олардың назары азаматтардың проблемаларын толық және уақтылы шешудің маңыздылығына аударылуы тиіс.
Наиль АХМЕТЗАКИРОВ,
Жоғарғы сот жанындағы
Соттардың қызметін қамтамасыз ету
департаментінің басшысы