Білім • 02 Қыркүйек, 2021

«Білім туралы» Заңға өзгерістер енгізіледі

466 рет
көрсетілді
1 мин
оқу үшін

Педагогтің кәсіби дамуының жаңа моделі құрылады. Бұл туралы Мемлекет басшысының Жолдауында берілген тапсырмаларды орындауға арналған Үкімет отырысында Білім және ғылым министрі Асхат Аймағамбетов мәлім етті, деп хабарлайды Egemen.kz.

«Білім туралы» Заңға өзгерістер енгізіледі

«Президент Жолдауында айтылғандай, педагогтердің біліктілігін арттыру кезеңін «үш жылда бір рет» өткізу бойынша кәсіби дамудың жаңа моделі құрылады. Сондай-ақ «Білім туралы» Заңға қажетті өзгерістер енгізіледі», деді А. Аймағамбетов.

Оның айтуынша, педагогтер курстармен тегін қамтамасыз етіледі.

«Президентіміз айтып көрсеткендей, педагогтер арнайы біліктілік курстарымен толығымен қамтылмай, өз қаражаты есебінен өтуге мәжбүр болған. Енді Мемлекет басшысының тапсырмасы аясында педагогтер курстармен тегін қамтамасыз етілетін болады», деді министр.