Бұл – Елбасы бастамасымен Қазақстанның алғашқы Азаматтық форумы өткізілген 2003 жылдан бастап орталық мемлекеттік органдардың бірінші басшылары мен азаматтық қоғам қатысушыларының тақырыптық кездесулерінің рекордтық саны.
ҮЕҰ-мен өзара іс-қимыл мемлекеттік органдарға Мемлекет басшысы Қасым-Жомарт Тоқаев бастамашылық еткен «Халық үніне құлақ асатын мемлекет» тұжырымдамасын іске асыруда халықтың өзекті мәселелерін жедел шешуге және әрекет етуге мүмкіндік береді.
Онлайн-кездесулер Ақпарат және қоғамдық даму министрлігінің Facebook әлеуметтік желісіндегі арнайы парақшасында тікелей эфирде көрсетілді. Министрлер, агенттіктер төрағаларының, вице-министрлердің 16 кездесуінің онлайн-форматы Қазақстанның барлық өңірінен 1000-нан астам азаматтық қоғам өкілін (ҮЕҰ, бизнес, БАҚ, квазимемлекеттік сектор) тіркеуге мүмкіндік берді, олар өздерін толғандыратын сұрақтарды тікелей қоюға мүмкіндік алды. Facebook-тегі тікелей эфирлерді қамту шамамен 4000 қаралым болды.
Жалпы, министрліктер мен агенттіктердің бірінші басшыларымен кездесулердің барысында сыбайлас жемқорлыққа қарсы іс-қимыл, денсаулық сақтау, экология, білім беру, азық-түлік қауіпсіздігі, қылмысқа қарсы күрес, цифрлы технологияларды пайдалану және т.б. салаларда мемлекет пен азаматтық қоғамның өзара іс-қимылы бойынша мәселелер талқыланды.
Министрлер, агенттіктердің төрағалары биыл енгізілген заңнамалық түзетулердің арқасында өз өкілеттіктерін кеңейткен қоғамдық кеңестер жұмысының маңыздылығын танитыны маңызды.
Естеріңізге сала кетейік, X Азаматтық форум Нұр-Сұлтанда 22-24 қарашада онлайн форматта басталып, Алматыда 25-26 қарашада офлайн форматта жұмысын жалғастырады.
Форумның іс-шаралары демократиялық процестерді дамыту, Қазақстанда БҰҰ-ның Орнықты даму мақсаттарын іске асыру мәселелеріне, сондай-ақ қоғамның, мемлекет пен бизнестің оларға қол жеткізудегі негізгі міндеттеріне арналады.
