Кездесу барысында «Egemen Qazaqstan» газетінің бас редакторы Ғабит Мүсіреп студенттерге басылымның құрылымы мен өндірістік жұмысын таныстырып өтті. Сонымен қатар Бас директордың орынбасары Қамбар Ахметов пен бас редактордың орынбасарлары өздерінің журналистика саласындағы тәжірибелерімен бөлісіп, ақыл-кеңестерін айтты. Студенттер де журналистика саласына қатысты өз ойларын білдіріп, сұрақтарын қойып, белсенділік танытты.
Студенттердің бірі «Бітіруші түлектерге маман ретінде қандай кеңес бересіздер?» деген сұрақ қойды.
«Нағыз журналистерге ең қажетті дүние бірінші ішкі түйсік, екінші интеллект, үшінші қызығушылық. Жалпы, журналистика өздік біліммен келетін дүние. Журналистер өмір бойы оқып, өз білімдерін тереңдете түсуі қажет», деп жауап берді бас редактордың орынбасары Талғат Батырхан.
Бұдан соң, жауапты хатшының орынбасары Амангелді Қияс студенттерге газеттің өндірісін көрсетіп, таныстырды.
