Фото: Ukimet телеграм арнасы
Соның ішінде министр бір тауарға қолма-қол ақша мен мобильді аударым (карта, QR) кезінде екі түрлі баға ұсынатын кәсіпкерлердің ісін заңсыздық деп атады.
Министр мұндайда бірінші кезекте тұтынушының құқығы бұзылатынын алға тартты. Ол сатып алушы өзіне ыңғайлы тәсілмен төлем жасап, мобильді төлем кезінде артық ақша сұратқан кәсіпкердің үстінен шағымдануға құқылы екенін айтты.
«Қазақстан Республикасында төлемдер мен төлем жүйесі туралы арнайы заң бар. Ол жерде төлемдердің түрлері қолма-қол немесе қолма-қолсыз ақшамен деп көрсетілген. Қолма-қолсыз ақша банктік карталар мен QR арқылы төленеді. Егер кәсіпкерлер тек қана қолма-қол ақша талап етсе, бұл жерде тұтынушылардың құқықтары бұзылады. Сондықтан мұндай талаптар заңсыз деп есептеледі. Қолма-қолсыз төлем жасаған кезде бағаға үстіне қосып сату фактілері тіркелгені анықталып жатыр. Бұл да заңсыз. Себебі тауардың бағасы қолма-қол ақшамен, қолма-қол емес те бір баға болу керек. Мұндай жағдайлар болса арнайы CALL орталық 1414 номеріне хабарласуға болады немесе жергілікті кірістер комитетінің органдарына шағымданса біз ондай фактілерді тексеріп, тиісті шаралар қабылдаймыз», деді Ерұлан Жамаубаев.
