Өзара түсіністік уәжіндегі үнқатысу

Қазақстан Республикасынның Мемлекет­тік хатшысы – Сыртқы істер министрі Қанат Сау­да­баев ислам әлемімен үнқатысу орнату жөнін­дегі АҚШ Президентінің арнайы өкілі –амери­калық “Кордоба Инишиатив” ұйымының төраға­сы имам Файзл Абдула Рауфты қабыл­дады, деп хабарлады ҚР СІМ-інің баспасөз қызметі. Кездесу барысында халық­аралық қауіпсіз­дікті нығайту сала­сындағы рухани көшбас­шылардың рөлі, дінаралық үн­қатысуды дамы­тудың бола­шағы талқы­ланды. Осыған орай, Қазақ­стан Президенті Н.Назар­баевтың Ислам әлемі мен Батыс арасын­дағы сенім мен өзара түсіністікті нығайтуға қосқан қомақты үлесі ерекше аталды. Астанадағы Әлем­дік және дәс­түрлі діндер көшбас­шыларының съезін өткізу жөнін­дегі Қазақ­стан­ның бастамасы дүние жүзін­де дәл осы сарында ұғынылады. Бұл ретте дінаралық негіздегі шиеленістерді төмен­дету, өзге ұлттар­дың мәдениеттері мен дәстүрлеріне деген құрмет пен төзімділікке тәрбиелеу қажет­тігі атап көр­сетілді. Әсіресе, әлем­дегі ислам рөлінің күшеюі тұ­сында, ұлттық және діни ерек­шеліктеріне қарамастан, басты моральдық құндылықтардың барша адамзатқа ортақ екендігі аса маңызды. Қ.Саудабаев: “Біз Ислам әлемі­мен үн­қаты­су орнату жөнін­дегі АҚШ Президентінің арна­йы өкілінің ғаламдық және ұлттық дең­гей­лер­дегі дінаралық және ұлтаралық үнқатысу орна­ту жо­лын­дағы игі ісін, оның Қазақ­стан­ның ИКҰ-ға алдағы төраға­лығы аясын­дағы дінара­лық үн­қатысу мәселелері бағытындағы ынты­мақ­тастығын қолдаймыз”, – деп мәлімдеді.