Ұлылардың туған күні бар, өлген күні жоқ

«Қадірін білмеппіз ғой тірі кезде», Деп жылар қалың қазақ мен өлгенде. Сексен мен жүздігімді ұрпақ атар, Тарихтың түкпірінен сөз келгенде, – деп елуге де келмей тұрғанда әулиелікпен жазып кеткен Бау­ыр­жан Момышұлы кеше, жұма күні 100-ге толды. Батырдың ме­рейтойы жыл бойы той­лан­ды, жыл бойы есімі елдің аузы­нан түскен жоқ. Көзі тірісінде-ақ ту­ған халқының сүйіс­пен­ші­лігіне бө­ленген батырдың туған күні елі­міздің түкпір-түкпірінде түрлі шаралармен аталып жат­ты. Со­ның бірі Семей мемлекеттік пе­да­гогика­лық институ­ты­ның қол­ға алуымен Бауыр­жан Момыш­ұлы­ның «Соғыс психологиясы» атты кітабы қайта жарық көрді. «Ұлылардың туған күндері бар, бірақ өлген күн­дері жоқ» дегенді Әзірбайжан жазушысы Анар Рзаның аузынан естіп едік. Биыл Бауыржан ба­ба­мыз­дың лайықты түрде елі атап өт­кен ға­сыр­лық тойы  осы сөзді жиі еске түсірумен болды. Семей өңірінен арнайы келген азаматтар Астана және Ал­маты зиялыларымен  Орталық мемлекеттік мұражайдың Бау­ыр­жан Момышұлына арналған экспозиция залында қазақ хал­қы­ның ардақты перзенті, қол­бас­шы, көрнекті жазушы­ның ту­ғанына 100 жыл толу құрме­тіне арнайы жаңа нұсқада шы­ға­рылған «Соғыс пси­хо­ло­гия­сы» кітабының тұсаукесерін өт­кізді. Бауыржан Момышұлының артында қалдыр­ған бай мұра­сын, Отанын, ұлтын сүюдегі өнеге­сін еліміздің болашағы – жастарға тағылым жасау мақ­са­тында, оның 1944 жылы КСРО Ғылым академиясының Қазақ­стан­дағы филиалында, сол кездегі рес­пуб­ликаның көрнекті қай­раткерле­рі­нің, жазушы­ла­ры­ның, ғалым­да­ры­ның алдында оқы­­ған, жұрт­шылыққа «Соғыс психологиясы» де­ген жалпы атпен белгілі дәріс­терінен тұра­тын ең­бегінің қайта басылуына Білім және ғылым ми­нистрі Ба­қытжан Жұмағұлов тікелей  ықпал еткен. Осы бір аса құнды еңбек тек таза әскери мәселелерге ғана арналмаған, одан адам бой­­ын­дағы отанды сүю, табан­дылық, адалдық, қиын­нан алып шығар тапқырлық, көкейге қо­ным­ды сөздермен жұртшы­лық­қа әсер ете білу сияқты және т.б. адами қасиеттерді көруге болады. Кітаптың басты ерекшелі­гі­нің бірі, оның екі тілде біртұтас кітап болып шығарылуы. Сол сияқ­­ты, бұл еңбек оқу орын­дары­ның және елі­міздің негізгі кітапханаларының кітап қор­ларын толықтырмақ. Тұсаукесерге еліміздің көр­нек­ті мемлекет қайраткерлері, Ұлы Отан соғысының ардагерлері, жазушылар, ғалымдар, қа­ла жұрт­­шылығы және жастар қатысты. Айнаш ЕСАЛИ. Алматы. ----------------------------------------- Суретті түсірген Берсінбек СӘРСЕНОВ.