Руханият • 28 Маусым, 2019
Белгілі журналист Совет Шиманбай жайлы бір үзік сыр
Алтын бесік Ақтоғайдан шыққан қазақ журналистикасының дарабозы Совет Оспанғалыұлы Шиманбай еді. Өзі өмір бойы қызмет бабымен біреулерге телефон соғып, таныстырғанда: «Шиманбайдың Советі», деп мағмұрланып, марқайып, бүркітше қомданып қалатын. Өзі отыз жыл қызмет еткен бұрынғы «Социалистік Қазақстан», бүгінгі аға газет «Егемен Қазақстандағы» әріптестері де осылай атап кетті.
Руханият • 28 Маусым, 2019
Қазақ хандығының тарихында ел билеген хандар көп болса да есімдері отандық тарихта алтын әріппен жазылуға лайықтылары санаулы ғана. Тарих олардың есімдерін халқына сіңірген еңбектеріне қарай бағалап, бүгінге дейін жеткізіп отыр. Керей мен Жәнібек хандар, Қасым хан, Хақназар хан, Тәуекел хан, Тәуке хан секілді Есім ханның есімі де жазба дерек мәліметтері мен ауыз әдебиетінің материалдары арқылы ел тарихында сақталған. Зерттеушілердің міндеті олардың ел тарихындағы алар орны мен атқарған рөлін анықтап, ел жадында мәңгі қалдыру болып табылады. Осыған орай, біз бұл мақаламызда 1598-1628 жылдары қазақ тағын иеленген Есім ханның тарихи тұлғалық болмысы мен тарихи рөлін қарастырмақшымыз.
Руханият • 28 Маусым, 2019
«Ер қанаты – ат» деген сөз қазақта ежелден бар. Жылқы түлігін қасиетті жеті қазынаның біріне балап, ғасыр қойнауынан жақұт болып жеткен жырларда, дәуір жүгін арқалаған дастандарда азаматы мен қазанаты қоса суреттеліп отырған. Дала данышпаны хакім Абайдың да жылқыға деген көзқарасы ерекше болған. Біз мұны ақынның шығармалары мен замандастарының естеліктері арқылы білеміз. Елбасы Нұрсұлтан Назарбаев өзінің «Ұлы даланың жеті қыры» мақаласында қазақ халқының атқа міну мәдениетін: «Ат үстінде жүрген көшпенділер тақымына басқан сәйгүлігіне неғұрлым еркін мініп жүруі үшін биік ер-тұрман мен үзеңгіні ойлап тапты. Бұл жаңалық салт атты адамның ат үстінде қаққан қазықтай мығым отыруына, сонымен бірге шауып бара жатып қолындағы қаруын еш қиындықсыз және неғұрлым тиімді қолдануына мүмкіндік берді» деп айрықша тоқталғаны белгілі.
Президент • 28 Маусым, 2019
Сайлау өтті... Жұрт көңілін күпті еткен халық таңдауы мәресіне жетті... Жалпыхалықтық сайлауда айқын басымдылықпен ел сеніміне ие болып, аламанның алдында келген Қасым-Жомарт Кемелұлы Тоқаев «ұзын арқау, кең тұсауға салып» ойдан-қырдан, алыс-жақыннан қонақ жиып, дүбірлетіп жатпастан, Ата Заң талаптарына сай, ұлықтау рәсімін өткізді. Ресми өз міндетін атқаруға кірісті.
Руханият • 27 Маусым, 2019
Алдан Смайыл: «Семсер» әдеби конкурсы жаңа заманға сай бәйге
Жуырда «Мәдениет порталында» жарияланған «Семсер» әдеби конкурсы аз уақыт үшінде жас қаламгерлер арасында кеңінен танылып, әдеби ортада үлкен резонанс тудырды. Маусым айының соңына қарай қорытындысы шығып, жеңімпаздары анықталатын конкурстың өту барысы туралы әділ қазылар алқасының төрағассы, ҚР Мемлекеттік сыйлығының иегері, «Семсер» әдеби конкурсы әділқазылар алқасының төрағасы, жазушы Алдан Смайылдан конкурс туралы аз-кем сұхбат алған едік.
Қоғам • 27 Маусым, 2019
Жұмыстан қашпаған адам жерде қалмайды
Мемлекет басшысы Қасым-Жомарт Тоқаев ұлықтау рәсімінде сөйлеген сөзінде халықты жұмыспен қамту, табыс көлемін арттыру мәселелерін басымдық берілетін бағыттардың бірі ретінде айтқан болатын. «Төртінші бағыт. Жаңа жұмыс орындарын ашу және халықты лайықты жалақымен қамту. Ұлттық табысты әділ бөлу мәселесі бұл – стратегиялық маңызды дүние. Мемлекеттік бюджеттің қаражатын, ең алдымен келешегі зор мақсаттарға және жаңа жұмыс орындарын ашуға бөлу қажет», деген болатын Президент.
Аймақтар • 27 Маусым, 2019
«Сойыл күшін басқа түскен біледі» дегендей, Арыстағы ауыртпалықтың ахуалын, әрине арыстықтардан артық ешкім сезінбеген болар. Десе де, күллі ел болып, көмек қолын созып жатқан тұста қамыққанның жұбанатыны, тарыққанның қуанатыны анық. Халқымыз да «Орнында бар оңалар» демей ме?! Сондықтан бұл күнде «Арыс, біз біргеміз» жалпыұлттық акциясы аясында қазақстандықтар аянып қалып жатқан жоқ. Қолдарынан келген көмекті көрсетіп, бірі қаржылай, бірі заттай жылы көңілмен жылуға үлес қосқан ағайынның ауызбірлігіне қарап отырып, қандай қиындыққа да қарсы тұруға болатынын бағамдадық. Ел екенімізді, біріксек бізден қуатты күш, бізден мейірімді қауым болмайтынын байқаттық. Осы орайда тілшілеріміз ел өңірлерінен Арысты бетке алған гуманитарлық керуенге қолдау көрсетушілердің көбейе түскенін хабарлап отыр.
Қоғам • 27 Маусым, 2019
Қуанса, ана қуансын, қуанса, бала қуансын!
«Жақсының өзі де жақсы, сөзі де жақсы» дегендей, Мемлекет басшысы Қасым-Жомарт Тоқаевтың ел азаматтарының борыш жүктемесін азайту туралы Жарлығы барша қазақстандықтарды қуантқан, әсіресе балаларын жеткізу, емдету жолында тұрмыс тауқыметімен басына тартқан көрпесі аяғына жетпей, көз жасын бұлап жүрген ата-аналарға айтарлықтай демеу беріп, көңілдерін жадыратқандай болды. Иә, қуанса, ана қуансын! Қуанса, бала қуансын! Әлбетте, «Құдығына қарай қауғасы, базарына қарай саудасы» болған нарық заманында несиесіз тіршілік ету де оңай емес. Сондықтан Президенттің бұл пәрмені халықтың әлеуметтік тобына қарызды пұлсыз беріп, құнсыз алғандай өте қолайлы тигені жасырын емес. Яғни көп балалы, асыраушысынан айрылу жағдайына байланысты төлем алатын, мүгедек балалары бар және атаулы әлеуметтік көмек алатын отбасылар мен ата-анасынан айрылған және ата-ана қамқорлығынсыз қалған балалардың 300 мың теңгеге дейінгі тұтынушылық берешегі кешірілмек. Бұл – қоғам тарапынан «Әлеуметтік қамқорлық» бағдарламасы аясындағы мемлекеттің қолдауын кешенді ете түсетін ізгі қадам ретінде бағаланып отыр.
Экономика • 27 Маусым, 2019
Кеше Премьер-Министрдің бірінші орынбасары – Қаржы министрі Әлихан Смайылов 2018 жылғы және 2019 жылдың мамырына дейінгі атқарылған жұмыстар туралы халыққа есеп берді.
Қазақстан • 27 Маусым, 2019
Қазақстанның Тұңғыш Президентінің Қазақ елі, мемлекет мүддесі үшін атқарған қызметіне орай Алматыда «Кемеңгерліктің 30 жылдығы» атты халықаралық ғылыми конференция өтті. Ғылыми конференцияның өтуіне ұйытқы болған – Қазақстан Республикасы Тұңғыш Президенті – Елбасы Кеңсесі және Қазақстан Республика-сының Тұңғыш Президенті – Елбасының кітапханасы. Егемендігіміздің әрбір қадамын аңдатар, тәуелсіздігіміздің тұтас тарихындағы ел болып қалыптасудағы батыл қадамдар мен бірегей шешімдердің иесі Елбасының ертеңгі ұрпаққа аманаты мен өсиеті осы конференция барысында айқын көрінді. Тұңғыш Президентіміздің әр сөзіне «Елбасымыз не айтты?» деп ойланып, ғылыми-сараптамалық тұрғыдан жауап іздедік. Ел-басымыздың келешекке арнаған әрбір жетелі сөзіне зер сала отырып, төмендегідей ойымызды түйдік. Өздеріңізбен де бөлісуді жөн көрдік.
