Қазақстан • 02 Ақпан, 2022
Мемлекет мүддесі бәрінен жоғары тұруға тиіс
Қаңтар оқиғалары саяси-экономикалық және әлеуметтік тұрғыдан қаншалықты осал екендігімізді айқын көрсетіп берді. Ендеше, мемлекеттің негізін шайқалтатын, елдің тәуелсіздігіне қауіп төндіретін мұндай жағдайды болдырмау үшін не істеу керектігі бәрімізді толғандыруға тиіс және оған жауап іздеуіміз қажет. Сондықтан қоғамда бұл мәселе кеңінен талқыланып, пікірталастар мен ой-пікірлер ортаға салынып та жатыр.
Тарих • 01 Ақпан, 2022
«...Өзінен халық қамын бұрын жеді»
Бүгін мұсылман дінінің үлкен қайраткері, қасиетті Мекке, Мәдинаға үш рет қажылыққа барып, киелі орынға тәу ету барысында қазақ халқының ардақты ұлдары Құнанбай Өскенбайұлымен, қазақтан шыққан тұңғыш генерал Ғұбайдолла Жәңгірұлы Шыңғысханмен, тағы басқа ел азаматтарымен бірге сапарлас болған Досжан хазірет Қашақұлы туралы толығырақ әңгімелегенді жөн көріп отырмыз. Оның себебі де жоқ емес. Өйткені аталған дін қайраткерінің есімі баспасөзде арагідік айтылғанымен, оның қазақ даласына Ислам дінін таратудағы ағартушылық істерін жұртшылық көп біле бермейді.
Қазақстан • 01 Ақпан, 2022
– Қазіргі байлардың бұрынғы байлардан айырмашылығы неде?– Бұрынғы байлар рулы бір елді асырайтын, бағатын, жыртығы болса – жамайтын. Қазіргі байлар «өзім, өзім» деп тек өз басының байығанын ойлайды, басқаны сезінбейді.(Автобустағы екеудің әңгімесінен)
Қазақстан • 01 Ақпан, 2022
...Ғұлама тарихтың тарам-тарам сүрлеуіне көз жүгіртсеңіз, қазақ деген халықтың сонау көнеден бастау алған өмір соқпағы, басынан өткерген небір «тар жол, тайғақ кешулері», замана сарыны тайға таңба басқандай сайрап жатыр. Талай-талай асулардан көктей өтіп, сан-алуан елдерді жүгіндіріп, әлемнің тең жартысын өзіне қаратқан қаһарман елдің атойлаған іздері жатыр. Ақылмен, көрегендікпен, қайсарлықпен болашаққа жол салып дәуірлеген сол кезеңді көшпенділер дәуірі, көшпенділер өркениеті дейді екен. Оны да еліміз тәуелсіздікке қол жеткізген осы кездері ғана жұтына оқып, санамызға сіңіріп жатырмыз. Тарихшыларымыз, зерттеуші ғалымдарымыз, археологтеріміз талай дүниенің түйінін шешіп, тот басып, көмескіленіп жатқан жәдігер-қазынамызды тауып, шым-шымдап болса да ел ырзығына айналдыруда. Мұның өзі – ғасырлар тұңғиығында қалып, әбден шиеленісіп қалған «орама жіпті» бір-бірлеп тарқатумен бірдей нәрсе.
Руханият • 01 Ақпан, 2022
Көз көргендер мен бастан кешкендер
Кеңестік қуғын-сүргінді біздің әулет те молынан бастан кешірді. Ата-бабамыз бай болғаны үшін ғана бізді қан шеңгел өкімет аяусыз қуғынға ұшыратты. Алдымен қайын жұртым туралы айтатын болсам, атам Оразбайды «бай-құлақ» деп ат қойып, мал-мүлкін тартып алып, өзін Түмен облысына қашуға мәжбүр қылады. Ол жаққа алдымен ағасы Қасым қашып барған екен. Атамыз ит тұмсығы батпайтын Тайганың ішінде күрке жасап күн көріп, жақын маңдағы орыс «селендерінің» малын бағуға жалданып жан сақтап отырған осы ағасын паналайды. Азды-көпті отырған соң ауылда қалған отбасына хабарын жеткізеді. Елде күнкөріс қиындап, «байдың құйыршығы» деген қысым көбейген соң әйелі Дәметкен 5-6 жастағы баласы Сейітті (менің күйеуім – авт.) жетелеп Түмен жаққа жаяу жетеді. Қаншама қиындық көріп, жол бойы азап пен қорлықты бастан кешеді. Жүре алмай қалған баласын жолда ат-арбалылар кездессе салып жіберіп, алдағы жол айрыққа тастап кетіңдер дейді екен. Аштық пен суық бір жағынан қысып, «баламнан айырылып қалдым ба?» деген қауіп екінші жағынан сорлатып, жолайрыққа жеткенде жолдың жиегінде отырған баласын көріп өлгені тірілгендей қуанатын көрінеді.
Тарих • 01 Ақпан, 2022
Стив Гаррисон: Мәншүктің батырлығы америкалықтардың жүрегін тебірентті
Шығыс қыздарының арасында алғаш болып, Кеңес Одағының Батыры атанған қазақ Қызының есімі бұл күнде аңызға айналды. Биыл қаһарман қыздың туғанына 100 жыл толғалы отыр.Мәншүк Мәметова (шын есімі Мәнсия) 1922 жылы 2 қазанда Орал облысы Бөкей Ордасында дүниеге келген. Анасының еркелетіп қойған аты – Моншақ.
Қазақстан • 01 Ақпан, 2022
Субсидия ережелерінің жиі құбылуы отандық шаруалардың діңкесін құртып болды. Құжат жинаумен әлек болып, одан қалды күні-түні ғаламторға байланған фермерлер тиісті қаражатына уақтылы қол жеткізе алмай жүр. Жақында Мемлекет басшысы өз мәлімдемесінде бұл мәселеге ерекше тоқталып, демеуқаржының діттеген жерге жетуін назарда ұстауды тапсырған еді. Әйтпесе, еліміздің кейбір өңірінде әкімдік қызметкерлері сыбайлас жемқорлықтың құрығына ілігіп, мемлекет қаржысын талан-таражға түсіріп келгені әшкере болған-ды.
Білім • 01 Ақпан, 2022
Университеттеріміздің әлемдегі орындары
Ақпарат пен технология үстемдік еткен қазіргі заманда алдыңғы орында ғылым тұратыны түсінікті жағдай. Демек ғылым мемлекетке өз пайдасын тигізу үшін бұл саламен жүйелі түрде айналысуы қажет. Ал осы мәселеде білім беру ошақтары, оның ішінде жоғары оқу орындары басты маңызға ие екені айдан анық. Бұл ретте білім беру жүйесіндегі стандарттардың және Қазақстан ЖОО-ларының әлемдік университеттермен салыстырғандағы деңгейі қандай деген сауал туады.
Қоғам • 01 Ақпан, 2022
Әлеуметтік мәселені шешу – басты бағыт
Жыл басында болған қайғылы оқиғалар елімізге терең, жүйелі және шынайы өзгерістер қажет екенін көрсетіп берді. Мемлекет басшысы Парламент Мәжілісінде жаңа Үкімет пен Қазақстан халқының алда тұрған міндеттері туралы баяндамасында бүгінгі таңда қоғамды алаңдатып отырған, әрбір қазақстандықтың көкейіндегі өзекті мәселелерге тоқталып, оны толық, жан-жақты талдап, алда тұрған міндеттерді анықтап, оның шешу жолдарын айтты.
Тарих • 31 Қаңтар, 2022
Бірімжановтан қалған бір белгі
Кейінгі жылдары Алаш арыстарының мұралары жиі-жиі табылып, ұлттық ғылыми мирасымыз аясының кеңеюіне жол ашып жатқаны бар. Жаңадан табылған шығармалар санатына Алаш қайраткерлерінің түрмеде, айдауда жүрген кезде жазған еңбектері қосылды.
