Қоғам • 19 Сәуір, 2022
Есірткіге қарсы күрес өрістей түсуі керек
Нашақорлық індеттің кеселі де қоғамға өзінің кесірін аз тигізбей тұр. Қазір табиғи есірткіден гөрі мас қылатын жасанды препараттардың айналымы артуда.
Қоғам • 18 Сәуір, 2022
Жылу орталығының жай-күйі қалай болмақ?
Петропавл қаласына Энергетика министрі Болат Ақшолақовтың келуі қала тұрғындарының күпті көңілін тарқатуға біршама себеп болып отыр. Өйткені биыл қызылжарлықтар қыстың көзі қырауда жылусыз, жарықсыз қалып қоямыз ба деп қатты алаңдады. Оның басты себебі, 1961 жылы пайдалануға берілген, қуаты 541 мегаватт электр және 715 Гкал/сағат жылу энергиясын өндіретін Петропавлдың жылу-электр орталығы-2 қыс бойы тұрғындарды алаңдатумен болды. Кәсіпорын мамандарының айтуына қарағанда, қуат өндіретін құрал-жабдықтар 75-80 пайызға тозған. Жасалған ағымдағы жөндеу жұмыстары орталық қызметін толығымен қалпына келтіре алмады.
Аймақтар • 15 Сәуір, 2022
Солтүстік Қазақстанда мал ұрлығы азайып келеді. Оған ұрылардың ұсталып, тиісті жазаларын алуы ғана емес, GPS-трекерлерді пайдаланудың да өзіндік пайдасы тиюде. Мойнына электронды GPS-навигаторы орналастырылған бау тағылған малдың қайда жүргенін иелері үйде жүріп-ақ смартфонмен біліп отырады. Егер байланыс аясынан шығып кетсе, дереу атқа қонып, іздеу сала бастайды. Қолды болған мал осы әдіспен дәл уақытында табылып, ұрының жолы кесіледі.
Аймақтар • 14 Сәуір, 2022
Биылғы көктем солтүстікке кенеттен келді. Наурыздың 30-ынан бастап ауаның температурасы күндіз үнемі нөлден жоғары болды. Басқа жылдарда бұл көрініс 9-10 күннен кейін ғана болатын. Жылы күннің әсерінен қар да тез еріді. Ал соңғы 4-5 күн бойы Петропавлда бір қара дауыл соғады да тұрады. 6 сәуірде түн ортасында себелеп жаңбыр жауған, содан бері құрғақ. Енді екпіндей соғатын мына қара жел бәрін құрғатып, оның үстіне өрт қаупін үдетіп тұр.
Аймақтар • 13 Сәуір, 2022
Жардан құлап, жазым бола жаздады
Есілдің жағасына табиғатты тамашалауға келген қала тұрғыны опырылып кеткен жардан құлап, жарақат алды. Ол шамамен 30 метрдей биіктен құлаған.
Қоғам • 10 Сәуір, 2022
Тұтынушы құқығы қалай қорғалады?
Тұтынушылардың құқықтарын қорғау қоғамымызда әлі де өзекті мәселе. Халықты алдау, сапасыз тауарды өткізіп жіберу немесе сатып алынған заттың кепілдік мерзімі аяқталмай бұзылып қалуы, ал оның ақшасын қайтармай тұтынушыны әуре-сарсаңға салу – Кеңес дәуірінен бері қалмай келе жатқан бір кесіріміз.
Аймақтар • 07 Сәуір, 2022
Солтүстіктің көктемі биыл жайлы болып тұр. «Түске дейін мүйіз, түстен кейін киіз» деген мәтелге сай қар түстен кейін еріп жатты. Тек соңғы күндері күн шақырайып шықпаса да, ауаның тепературасы 17-18 градусқа дейін жылынып, көптеген елді мекендегі қар тез еріді. Гидрометтің хабарлауына қарағанда, даладағы қардың да жартысынан астамы еріп кеткен. Бірақ кейбір түндер ызғырығын көрсетіп, кейде 15-16 градусқа дейін төмендеді.
Қоғам • 06 Сәуір, 2022
Бұрын Петропавл қаласының тұрғыны болған Қазақстан азаматы болып есептелетін Людмила Борщева (есімі өзгертілген) деген 40 жастағы әйел 12 жастағы ұлы мен күйеуін тастап, Ресейге кетіп қалады. Аналық сезімін жоғалтқан «көкек» әйелге шырылдап қалған естияр баласын тастау еш қиындық тудырмаған.
Қазақстан • 01 Сәуір, 2022
Ресей Федерациясы мен Украина арасындағы қарулы қақтығыс жалғасып жатыр. Оның салдары екі елмен де бір тудың астында болған елімізге де оңай тиіп жатқан жоқ.
Қазақстан • 30 Наурыз, 2022
Еңбегімен ел құрметіне бөленген
Ондай адамдар көп қой десек те, Солтүстік Қазақстан облысының бүгінгі абызы Жақсылық Ысқақовтың елге сіңірген еңбегі тіпті айрықша. Президент Қасым-Жомарт Тоқаев Жолдауында: «Адал еңбек, озық білім және үздік тәжірибе әрдайым жоғары бағаланады», деп атап айтты. Осы қасиеттердің бәрі де Жәкеңнің бойынан табылады. Солтүстік Қазақстан облысындағы қазіргі Қызылжар мен Тимирязев аудандарын ашып, өз қолымен қадасын қағып, одан Шал ақынның бір кезде облыстағы ең үздік аудан болуына өлшеусіз үлес қосқан Жәкең 10 жыл бойы облыстық атқару комитеті төрағасының бірінші орынбасары болып, ауыл шаруашылығының өсуі мен өркендеуін жоғары деңгейге көтере білген жан. Кеудесіне Кеңестің Ленин орденінен бастап 5 орденді қадауы сол еңбектерінің өтеуі.
