Сейфолла ШАЙЫНҒАЗЫ«Egemen Qazaqstan»
40 материал табылды

Қазақстан • 12 Шілде, 2019

Қайғысыз қара суға семірер немесе біз қандай әлемде өмір сүріп жатырмыз?

Халық арасында «тарих қайталанады» деген бір ұлағатты сөз бар. Бұл айтылғанның ақиқаттығына ешкім күмән келтіре қоймаса керек. Өкініштісі, жақсылықтардан гөрі жамандықтар жиірек қайталанатынға ұқсайды.

Руханият • 03 Маусым, 2019

Сарқыт салтымыз ба?

Халық арасына тараған кейбір әңгіме­лерге қарағанда еліміздің бас санитарлық дәрі­гері Ж.Бекшиннің «қонаққа барған жерден сарқыт алмаңыздар, жұқпалы ауру­лар тарауы мүмкін» деген ескертуі біз­­дің біраз ағайынға ұнамай қалғанға ұқ­­сайды. Егер ХХІ ғасырда полиэтилен қал­таға салып бір үйден екінші үйге ет, конфет-печенье тасып жүремін дейтіндер болса өз еріктері, оларға қой дейін деп жат­қан біз жоқ, қой дегенімізбен сөз тың­дайтын тағы олар жоқ. Сондықтан біздің айтпағымыз басқа.

Руханият • 17 Мамыр, 2019

Магомаев феномені

Біздің буын өкілдерінің жастық шағы тамаша бір кезеңге тап келді. Біз таза ауамен тыныстадық, экологиялық тұрғыда таза тамақ іштік, білім мен медицина тегін болды, нағыз ақындар мен жазушылардың шығармаларын оқып, нағыз әншілердің әндерін тыңдадық. Және ол кезде әншілер әнді қазіргідей фонограммамен емес, жанды дауыспен мейлінше табиғи түрде орындайтын.

Руханият • 16 Мамыр, 2019

Уәдені орындау парыз

Байқаймын, бізде қандай да бір нақты іс атқарудан гөрі уәде беру көп. Жоғары лауазымды шенеуніктер халық алдында есеп берсе де, жиналыста сөз сөйлесе де біз ана жұмысты қолға алғалы жатырмыз, мына жұмысты қолға алғалы жатырмыз деп уәдеге қарық қылады. Кейде тіпті ана шаруаны енді екі жылдан кейін, ал мына шаруаны үш жылдан кейін бастайтын боламыз дейтіндер де жоқ емес.

Қоғам • 25 Сәуір, 2019

Kóp til bilý kedergi me?

Sońǵy jyldary orys tilin qoldaı bermeı­tinder qatary kóbeıdi. Biri ana tilimizdiń órisiniń tarylyp qalýyn osydan kórse, endi biri orys tilin mektepterde oqytýdy toqtatý kerek dep jatyr. Halyqaralyq til sanalatyn aǵylshyn tilin múıizdeýshiler de barshylyq.

Руханият • 16 Сәуір, 2019

Димаш бізге несімен құнды?

Әр халықтың өзіне тән ерекшеліктері болады. Ондай ерекшелік бізде де бар. Ол – қазақтың бойына біткен әншілік. Әлде Алланың берген сыйы ма, әлде кең-байтақ далада өмір сүргендіктен ештеңеден қысылып-қымтырылмай дауысын еркін жіберіп дағдыланғанының арқасы ма, әйтеуір біздің ұлтымыздың әндері әуезді, кең тынысты болып келеді. Ондай ғажап әндерді өмірге келтірген адам оларды нақышына келтіріп орындай да білуі тиіс. Сондықтан да қазақ ұлты басқа-басқа, нағыз әншіге ешқашан кенде болған емес.

Қоғам • 15 Сәуір, 2019

Тәртіп тәлтіректемеуі тиіс

Республикалық телеарна­лар­дың бірі таяуда ғана өз жаңа­лық­та­рын­да көрсеткендей, еліміздің оңтүстік өңірінде ұрылар бір күн­де бір үйдің үш бірдей малын сой­ып, ішек-қарнын ауылдың төңі­регіне лақтырыпты да, етті алып кете барыпты. Әй дей­тін әже, қой дейтін қожаның жоқ екенін білгеннен кейін әбден басынғандары бірден байқа­ла­ды. Бала-шағасына нәпақа қылып отырған малдарынан айы­рылып, отбасы қалды зар қағып. Құқық қорғау органда­ры­на арызы­мызды айттық, бірақ одан үміт күтіп отырған жоқ­пыз, өйт­кені бұған дейін де мал ұрла­ғандар таптырмай кеткен, дейді ашынған ауыл тұр­ғын­­дары. Ауылдықтардың негі­зінен малмен күн көріп отыр­ғаны белгілі. Маңдай термен өсірген төрт түлігі қолды бола беретін болса олардың жағдайлары не бол­мақ?

Руханият • 02 Сәуір, 2019

Абырой биігі

Қанапия Мырзағожин­нің есін енді біле бас­таған балалық шағы сұрапыл соғыс жылдарымен тұспа-тұс кел­ді. Ол аздай жасы он­ға толғанда сүзектен әкесі мен шешесі бірдей қайтып тұл жетім атанды. Дегенмен, ол бір «өкімет өлтірмейді» деп халықтың мемлекетке арқа сүйеп дағдылана бастаған уақыты болатын. Ақыры солай болды да. Әке мен шешеден айырылған соң әкесінің туған ағасының кемпірінің қолында тәрбиеленген Қақаң интернатта жатып оқып, 1952 жылы Семиозер (қазіргі Әулиекөл) орта мектебін бітіріп шықты.

27 Наурыз, 2019

Jarnamanyń jaqsysy joq

Jarnama týraly buryndary da bir maqala jazǵan bolatynbyz. Biraq ol joly biz reseılik jáne qazaqstandyq telearnalardyń jarnamany tym uzaq kórsetetinin, onyń kórermender úshin qolaısyzdyq týdyratynyn, osy máselege qatysty Eýropa odaǵynda arnaıy zań bar ekenin, ol boıynsha kórsetilip jatqan habardy jarnama úshin 20-30 sekýndtan artyq ýaqytqa úzýge bolmaıtynyn baıandaǵan edik. Sonda aıtylǵan sózderden belgili bir nátıje shyqqan joq. «Baıaǵy jartas – bir jartas», bári de ózgerissiz sol kúıinde qaldy. Qaıta sońǵy jyldary jarnamanyń ýaqyty burynǵydan da uzara túsken sıaqty.

15 Ақпан, 2019

Elorda: kósheler, avtobýstar, aıaldamalar

Astana jyl sanap ósip keledi. Bir kezderi oblys ortalyǵy bolǵan shaǵyn ǵana qala az ýaqyttyń ishinde elimizdegi iri shaharlardyń qataryna qosyldy. Munyń bári qarqyndy júrgizilgen qurylys jumystarynyń nátıjesinde júzege asyp otyr. Ras, qazir 2000 jyldardyń basyndaǵydaı ekpin joq. Degenmen áli de bolsa jańa ǵımarattar men turǵyn úıler turǵyzý isinde alǵa basý bar. Bas qala, jańadan turǵyzylyp jatqan elorda bolǵandyqtan, qurylys jumystarynyń jalǵasa beretinine kúmán joq.