Әдебиет • 25 Мамыр, 2022
«Сәуірдің түні. Қыздың деміндей жылы ауа...»
Сағидың ғажап өлеңі бар. Ғаламторда жоқ, кітабын бастап не аяқтап та тұрмаған, елеусіз туынды сияқты, бір оқып өтесіз де, кейін іздеп таппай қаласыз. «Жатырмын небір түс көріп» деп басталады. Оқыған болсаңыз жүрегіңіз бүлк еткен де шығар. Себебі жабулы тақырыпты жазады ақын.
Әдебиет • 23 Мамыр, 2022
Кеше Халықаралық Түркі академиясының ұйымдастыруымен Ұлттық академиялық кітапханада белгілі этнограф, суретші Ералы Оспановтың шығармашылығына арналған «Ою-өрнектер әлемі» атты алқалы жиын өтті. Онда суретшінің қазақ өмірі ғана емес, түркі әлемінен сыр шертетін екі бірдей кітабының тұсауы кесілді. Қалың оқырман мен көзі қарақты жұрт жоғалуға айналған жәдігерлер топтастырылған «Қазақ ою-өрнегінің атласы» және «Қошетер» қазақ халқының қолөнері» атты кітаптарымен танысты.
Кино • 23 Мамыр, 2022
...Туа біткен жап-жарық жанар да Жақандікі еді, ол да ағып түсті. Ел ішінен кезіккен Айжамал да жанының жұбанышы еді, оны да біреу қағып түсті. «Неге солай?..». Әнмен сырласуға да, сөйлесуге де болады. Қаласа бірге қайғырып, бірге мұңайып, «іштегі кірді кетіруге» де болады. Бір сөзбен айтқанда әнмен өмір сүреді адам. Бұл сөзге келісуге де, келіспеуге де қақылысыз. Кеше ғана жарыққа шыққан Кенжебай Ахметовтің «Неге солай?» фильмін көрсеңіз амалсыз келісесіз, бірақ.
Қазақстан • 22 Мамыр, 2022
Ел назарында – «Екінші Республика»
Өткен аптаның соңында Еуразия ұлттық университетінің бас ғимаратында «Қазақстан» ұлттық арнасы түсірген «Екінші Республика» атты деректі фильмнің көрсетілімі болды. Фильм экраннан көрсетілмес бұрын тележүргізуші, AMANAT партиясы саяси бюросының мүшесі Мақсат Толықбай мен Ұлттық арнаның Ақпараттық-сараптамалық бағдарламалар дирекциясының директоры Жалғас Сәдібекұлы сөйлеп, түсінік бере кетті. Университет ұстаздары мен ғалымдары, БАҚ өкілдері, студенттер тамашалаған дүние алдағы саяси науқанға халықтың сауатын ашып, санасын дайындауда таптырмас ақпарат көзі дер едік.
Руханият • 18 Мамыр, 2022
Түркологтың телегей еңбегі ескерілді
Бүгін Халықаралық Түркі академиясында көрнекті түрколог, Л.Н.Гумилев атындағы ЕҰУ профессоры, филология ғылымдарының докторы Қаржаубай Сартқожаұлының 75 жасқа толуына арналған алқалы жиын өтті. Онда түркі мәдениеті мен жазуына өлшеусіз үлес қосқан ғалымның еңбегі жоғары бағаланып, ғалым Түркі академиясының Алтын медалімен марапатталды.
Қоғам • 17 Мамыр, 2022
Кей-кейде, қолым қалт еткенде өзіме жұмыс істей бастаймын. Атам «өзіңе құл болғаннан артық не бар?» деп отыратын көрінеді. Қазір ең қиыны да өзіңе уақыт бөлу сияқты сезіледі. Жұмыс, балабақша, мектепке бала тасу, әлеуметтік желі, қаланың қым-қуыт қарбаласы... Тіпті ұмыттырып жібереді кім екеніңді. Орындаушы болып әр іске бір жегілесің де жүресің. Бітіріп жатқаның да шамалы.
Әдебиет • 15 Мамыр, 2022
Биікке көтерілгенде қыбырлаған құрттан жыбырлаған жыланға дейін көретін қыранның көзі шалмайтын нәрсе жоқ деседі. Жоғары көтерілген сайын жіті көреді екен. Аспандаған сайын қыбыр еткенді байқағанымен, ұсақ-түйекті елемейді. Сорғалап бәріне түсе бермейді. Майда-шүйдемен жұмысы жоқ. Ал адам ше? Адам да сондай болса ғой деп ойлайсың. Әдебиеттің көздегені де, көксегені де сол емес пе? Адамды асқақ, терең ойларға жетелеу.
Қазақстан • 06 Мамыр, 2022
Бауырлас әзербайжан халқының даңқты перзенті Ахмед Джавадтың туғанына биыл – 130 жыл. Қазақ даласында мерейтойы ЮНЕСКО көлемінде, мемлекеттік деңгейде аталып өткелі отырған Ахмет Байтұрсынұлы, Мұхтар Әуезов қандай ірі тұлға болса, көрнекті ақын, әзербайжан ұлттық әнұранының авторы, қызыл қырғынның құрбаны Ахмед Жавад та сондай тұлға. Осыны ескерген Халықаралық Түркі академиясы «АЛЖИР» мемориалды-музей кешенінде әзербайжанның ұлттық ақыны Ахмед Жавадты және әзербайжандық саяси репрессия құрбандарын еске алуға арналған іс-шара өткізді.
Қоғам • 29 Сәуір, 2022
Олар – үлкен ортаның, биік мінбердің, мәдениеттің, саясаттың, экономиканың адамы емес шығар, бірақ елдің азаматы. Ең үлкен атау да осы сияқты, тіпті. Үлкен орта, мекеменің басшысы, бәлен-түген дегеннен гөрі ел іргесін, бүтіндігін ұстап тұрған, қажет жерінде қойдан жуас, қажет жерінде ауылдың айбар-сесіне айналатын ауылдың, елдің азаматтарынан артық емес сияқты маған.
Өнер • 20 Сәуір, 2022
«Қарамашы, қадамашы көзіңді» кімнің әні десе, Қасымхан Асанов деуі мүмкін үлкендердің. Жастардың біле қоюы екіталай. Бұл әнді Жүсекең – Жүсіпбек Елебеков, Қайрат Байбосынов, Мақпал Жүнісовадан кейін шырқаған әнші ілуде біреу. Гитараның сүйемелдеуімен Сейіл Аяған орындап жүргенін білеміз бертінде.
