Поэзия • 08 Ақпан, 2023
Көктемнің жазға ұласар шағында қыр алабы көкпеңбек түске боялатын. Тасбақа гүл деп аталар сары гүлдер самсап, шат-шадыман ететін. Махаббат пен жарқын өмір ғана бар еді онда, бауырым. Дүниеде әділетсіздік оты жанады десе сенбес едік. Сөреде тұрған «Аманат» атты күрең түсті кітап қиялымызды қоздатып, мың бір түн аралдарына сүйрей жөнелетін.
Таным • 08 Ақпан, 2023
Әр адамның өмірге келгендегі ең басты міндетінің бірі – өзін тану. Өзін тану арқылы адам қоршаған ортаны, әлемді, Құдайды таниды. Лао-Цзы айтқандай, бір адамды білу арқылы барлық адамды, бір отбасыны білу арқылы барлық отбасының жай-күйін біле аламыз. Бүгінгі әңгімемізге философ Ларошфуко мен психолог Дейл Карнегидің өзін тану жолындағы ізденістері арқау болмақ.
Әдебиет • 06 Ақпан, 2023
Ерте, ерте, ертеде, ескі жылдар қойнауында, Түркістан облысының белгісіз бір ауылында, белгісіз бір үйде қоп-қоңыр қос томдық тұратын. Ішіне үңілсеңіз балалық пәктікпен, аусар адалдық, жылылықпен үйлесетін ақмоншақ жырлар төгіле беретін. Сәби райлы, нәркес жүректі самал елітіп, еліктіре түсетін. Сірә, ақыннан қалары қорғаушысыз, кепілсіз бейкүнә өлеңдер ғана.
Руханият • 05 Ақпан, 2023
Домбырасына бұлбұл ұя салған Қаратау күй мектебінің өкілі, дәулескер күйші Төлеген Момбековтің «Салтанат» күйі ойы сәулелі кісіні тебірінтпеуі мүмкін емес. Мұхиттай тұңғиық адам жанындағы шұңғыма сырлар мен көкөрім мұңды естелік зиратынан тірілтер шығарма күші орасан. Бір адамның тарихы – адамзат тарихының бөлшегі. Күйші өз әлемін тудыру арқылы, бүкіл жұртқа жаңа кеңістік сыйлайды. Ақ жүрек пен таза ақылды серік еткен сырлы кеудеге назды күй сәйкес келсе шығарма жаны табылады.
Әдебиет • 30 Қаңтар, 2023
Қазақ поэзиясында Еуропаға алғаш «жорық» жасаған Абай болса, сол жорықты тереңдеткен, поэзиямызға Еуропалық ырғақ әкелген – Мағжан. «Еуропалық әшекейлері» сылдырлаған өрнекті өлеңдер әдебиетімізге жаңа тыныс қосты.
Әдебиет • 26 Қаңтар, 2023
Қағаз жұтып, сия ішіп жүрген студенттік қызылкүрең мезеттерде «Жас толқын» сериясымен шыққан жинақтар легі қолға түскен. Бүкілге жуығын мүдірмей оқып шыққамыз. Ішіндегі бір кітап үйір ішіндегі аладай оғаш ой сыйлап, тебіреніске түсірген. Есімі – «Жұмбақ кітап».
Әдебиет • 24 Қаңтар, 2023
Поэзия дегенде табиғат пен болмыс ойға оралады. Мәселен, испан ақыны Хуан Рамон Хименесті оқи отырып сол елдің теңбілкөк аспанын, тұтас халықтың сезімтал жүрегі мен әсемдікке құмар болмысын көреміз. Ал Поль Верленді оқи отырып француз жұртының аңғал да саңғал ақжарма, бірде ақыл культын алға шығарып, бірде барлық қағидаттарды шетке ысырып тек жүрек әміріне мойынсұнатын ерке мінезін сезінеміз.
Әдебиет • 22 Қаңтар, 2023
Француз әдебиеті – тоғыз жолдың торабындағы алып шаһар іспетті. Әлемнің қай түкпіріндегі шығармашылық иелері болсын сол қаладан іздегенін табады, сүйгенін алады. Қайбір елдің ұлы ақынының түбін зерделесек, француз мәдениетінің қайнарынан нәр алған болып шығады. Мәселен, Пушкин француз тілін ана тіліндей жетік біліп, бай қазынасымен сусындаса, Латын Америка поэзиясының атасы Рубен Дарио Поль Верленді ұстаз тұтты. Пабло Неруда он жеті жасында-ақ француз тілін үйреніп, «Еуропа дегеніміз Аполлинер мен Петрарка» десе, Иранның жаңа дәуір поэзиясының негізін қалаушы Нима Юшидж Тегерандағы Сен-Луи колледжінде француз тілін меңгеріп, поэзияға өзгеше өрнек салды.
Тарих • 18 Қаңтар, 2023
Күй тарихы – ел мен жер, ұлт жады тарихының бөлігі. Қайбір қордалы шығарма болсын алуан себептен, алабөтен оқиғадан бастау алып, соңына аңыз қалдырып отырған.
Әдебиет • 17 Қаңтар, 2023
Оңтүстікке көктем ерте келер еді. Әлсін-әлсін ауа дірдек қағып, ақшулан белдер масатыдай құлпырып сала беретін. Әсіресе он жеті-он сегіз жастағы біздей студент үшін көктемнің келуі мерекемен бірдей еді. Құйқылжыған нәурізек құс айналаны әсем үніне бөлеп, жан дүниеде ақүлпек үміт пен махаббат иірімдері бірге толқитын.
