Қоғам • 15 Тамыз, 2019
Докторант даярлаудағы дәрменсіздік
Ертең елордада дәстүрлі Тамыз кеңесі өтеді. Биылғы іс-шараның бір ерекшелігі, Білім және ғылым министрлігінің мәлімдеуінше, педагогтар кеңесіне Мемлекет басшысы Қасым-Жомарт Тоқаев қатыспақ. «Keleshekke – kemel bilimmen» тақырыбында болатын конференцияның пленарлық отырысына 2 мыңнан астам делегат шақырылған. Тәрбиені ту етіп, бала бойына ілім нәрін құюды парыз санайтын педагог қауым – бас басылымның басты оқырмандары. Осыған орай ел газеті жауапты саланың салмақты жүгін жұмыла көтеруге атсалысып, білім беру жүйесінің әр сатысындағы түйткілді тақырыптарды ұдайы қаузап келеді. Балабақшадан бастап, жоғары білімге дейін қамтып, жақында қоғам белсенділері мен майталман мамандардың тұщымды ойларына өзек болған магистратура жайындағы мақала жарияланды. Білім беру қызметкерлерінің әр жаңа оқу жылындағы кәсіби «компасындай» болған Тамыз кеңесінің қарсаңында докторантура туралы сараптаманы назарларыңызға ұсынамыз.
Қоғам • 14 Тамыз, 2019
Оқулықтағы олқылық қашан оңалады?
Үш ай үш күндей зымырап, жаңа оқу жылы да жетіп қалды. Осыған орай Білім және ғылым министрлігінің өкілдері оқулықтарды басып шығару жұмыстары аяқталып, оның 40%-ы өңірлерге жеткізілгенін айтты. Сорақысы сол – онда қателер көп. Оқулықтардағы олқылықтар туралы жиі шу көтерілетін біздің қоғамда ең қиыны жауаптылар үшін қате мен қателік сүйекке сіңіп, үйреншікті үрдіске айналып бара жатқандай. Бұл бассыздықтың бітетін күні бола ма?
Аймақтар • 14 Тамыз, 2019
Бүгінде Тамыз кеңесі білім саласы қызметкерлерінің жаңа оқу жылына жаңа леп сыйлауына нақты бағыт беріп, бір-бірімен тәжірибе алмасатын дәстүрлі алаңға айналды. Еліміздің түкпір-түкпірінен келген педагогтар бас қосатын конференцияның форматы соңғы жылдары заман талабына сай түрленіп келеді. Мәселен, кейінгі жылдары ұйымдастырылған шарада үздік педагогтардың ted-x форматында өз білгенімен бөлісіп, жұмыс барысында қолданған әдіс-тәсілдері төңірегіндегі тың ойларын ортаға салғанына куә болып жүрміз. Сонымен қатар Тамыз кеңесінде педагог қауымның еңбегі еленіп, жемісті жұмысы үшін жұрт алдында марапатталуы да мұғалім мәртебесін биіктете түседі.
Қоғам • 07 Тамыз, 2019
Жастарға арналған жобаларда бақ сынаңыз
Президент жанындағы Орталық коммуникациялар қызметінде «Bolashaq» қауымдастығы қолға алған қос бастама таныстырылды. Алаңға жиналған спикерлер «Нетворкинг және жастар ұйымдарының тәжірибе алмасуы» жобасы мен «Jastar Otanga» инновациялық идеялар байқауы туралы баяндама жасады.
Қоғам • 06 Тамыз, 2019
Магистратура: жаңа талап тиімді ме?
Білім және ғылым министрлігі жыл басында магистратураға түсу талаптарының өзгертілгенін хабарлаған-ды. Министрліктің мәлімдеуінше, ондағы өзгерістер жоғары білім сапасы мен университеттердегі бәсекелестікті арттыруға, үнемі қоғам талқысынан түспей келе жатқан гранттардың ашық та әділ бөлінуі төңірегіндегі күдікті ойға нүкте қоймақ. Десе де халықаралық тәжірибе бізге бейімделді ме? Бұл талап расымен де майталман маманды таңдап бере ала ма?
Қоғам • 05 Тамыз, 2019
«Мектепке жол» акциясына атсалысыңыз, ағайын!
Президент Қасым-Жомарт Тоқаевтың тапсырмасына сәйкес «Мектепке жол» акциясы бұрынғыдай 2 ай ғана емес, жыл бойы жүргізілмек. Осыған орай мұқтаж азаматтар мен қайырымды жандардың арасында көпір болуды көздейтін «Менің атамекенім» қоғамдық бірлестігінің порталында «Мектепке жол» жаңа платформасы іске қосылды.
Қоғам • 30 Шілде, 2019
Жақында ғана Шымкентте ескі гараждан үш жарым жасар қыздың денесі табылды. Құзырлы органдар оны құсыққа шашалып қайтыс болды деген қорытындыға келсе, анасы денесінде жарақаттары, көгерген іздері бар екенін алға тартып әрі куәгерлердің айтуынша, киімсіз табылған балауса өлімінің сараптамасына сенбейді. «Бала өмірі – басты назарда» деп аттандасақ та, неге олардың сұмдық жағдайда жәбірленуі жиілеп кетті? Салдарына емес, себебіне үңіліп көрейікші.
Қазақстан • 29 Шілде, 2019
Өткен жұма күні, яғни 25 шілдеде Білім және ғылым министрі Асхат Аймағамбетовтің төрағалығымен білім беру гранттарын тағайындау жөніндегі республикалық комиссия өз жұмысын бастады.
Қоғам • 26 Шілде, 2019
Еріктілерге ерекше көзқарас қажет
Қайырымдылық, қол ұшын созу – кез келгенді құдайы қонақ деп қабылдайтын, асарлатып текемет басатын, үй тұрғызатын қазақтың қанына сіңген қасиеттер. Бұл бүгінде заманның көшіне еріп, талабына сай түрленіп, волонтерлік деген атауға ие болғандай. Ал волонтер сөзі әлемде алғаш рет 1600 жылы қолданылыпты. Соғыс кезінде майданға өз еркімен сұранып барғандарды солай атаған көрінеді. Кейін келе барлық салаға өз бетімен, ешбір қайтарым күтпей жұмыс істеуді қалайтындарға осы теңеу таңылды.
Қазақстан • 22 Шілде, 2019
Дүниежүзілік туризм ұйымының (ДТҰ, World Tourism Organization) жыл басында әзірлеген статистикалық көрсеткіштеріне сүйенсек, әлемдегі саяхаттаған туристердің үлес салмағы өткен жылы 1,4 миллиардты құрап, 6 пайызға өскен. ДТҰ-ның болжамынша, 2020 жылы әлемдегі туристік саяхаттар 1,6 миллиардқа жетеді. Өйткені қазірдің өзінде туризмнен түскен табыс тұрақты түрде мұнай өнімдері мен автомобиль экспортынан кейінгі үшінші орынды басқа салаға бермей келеді. Ал осы қарқынды индустрияның біздегі қауқары қалай?
