Коронавирус • 02 Шілде, 2021
Тез тарайтын штамм Шымкенттен де шықты
Маусымның соңғы күні эпидемиялық ахуалды бағалау матрицасы бойынша «сары аймақта» болған Шымкент шілдені «қызыл» болып бастады. Өткен тәулікте үшінші мегаполисте COVID-19 инфекциясын жұқтырған 143 жағдай тіркелген. Оның ішінде 46 адам инфекциялық стационарға жатқызылып, 97 адам үй бақылауына алынды.
Аймақтар • 30 Маусым, 2021
Мұрат ӘЙТЕНОВ: Тарихи шешім Шымкенттің дамуына тың серпін берді
Осыдан үш жыл бұрын Елбасы Н.Назарбаевтың Жарлығымен Шымкентке республикалық қала мәртебесінің берілуі мегаполистің жаңа тынысын ашты. Үш жылдың ішінде қала бюджеті 3,6 есе өскен. Оның 45%-ы әлеуметтік салаға бағытталған. Үш жыл бюджетінде 3,6 есе өсім бар қаланы дамыту үшін аз уақыт емес. Десек те бар мәселе қаржымен ғана шешілмейтінін, адами болмыс, сана-сезім, қарым-қабілет, түсінік пен талпыныстың да ықпалы мол екенін ескерсек, Алматы және Нұр-Сұлтан қалаларымен теңестірер үлкен өзгерістер үшін үш жыл аз секілді көрінеді. Осы орайда қала әкімі Мұрат Әйтеновпен әңгімелесіп, мегаполистегі өзекті мәселелердің шешілу барысы мен оң көрсеткіштері жөнінде мағлұмат алған едік.
Аймақтар • 22 Маусым, 2021
Денсаулық сақтау министрлігінің 21 маусымдағы ел өңірлеріндегі эпидемиялық ахуалды бағалау матрицасы бойынша Шымкент қаласы «сары аймаққа» өтті. Оған, өкінішке қарай, індетке шалдыққандар санының арта түсуі себеп болып отыр.
Аймақтар • 21 Маусым, 2021
Өркендеуге тың серпін берген кезең
Елбасы Нұрсұлтан Назарбаевтың 2018 жылдың 19 маусымындағы Жарлығына сәйкес Түркістан облысы құрылды. Бұл тарихи шешім өңірге жаңа серпін берді және жан-жақты даму мүмкіндіктеріне жол ашты. Орталық коммуникациялар қызметінің көшпелі брифингінде облыс әкімі Өмірзақ Шөкеев 3 жылда қол жеткізілген көрсеткіштерге тоқталып, қала дамуының негізгі бағыттарын атап өтті.
Аймақтар • 21 Маусым, 2021
Тұңғыш Президент және Түркістан
Осыдан үш жыл бұрын, яғни 2018 жылдың 19 маусымында Елбасы Нұрсұлтан Назарбаевтың Жарлығымен Түркістан облысы құрылып, Түркістан қаласының облыс орталығына айналуы Түркі әлеміндегі тарихи оқиғаға баланғаны мәлім. Ұлы Жібек жолындағы ең көне шаһарлардың бірі Түркістан бүгінде инфрақұрылымы дамыған, мәдени орталықтары көз тартатын жасыл желекті, көрікті қалаға айналды.
Өнер • 20 Маусым, 2021
Түркістан облысы бойынша табылған 9 балбал тастың 7-уі облыстық музейге қойылса, біреуі Созақ аудандық тарихи-өлкетану музейіне тапсырылған. Жуырда 9-шы тас мүсін Шардара ауданының Құйған ауылына қарайтын «Шыңғыс» шаруа қожалығы жерінен табылған болатын. Яғни Шардараның музейі де құнды жәдігермен толығып отыр.
Аймақтар • 17 Маусым, 2021
Жексенбіде ковидстационарға шұғыл жеткен Салтанат Сатыбалдықызы өте ауыр халдегі жүкті әйелді аман алып қалудың барлық жолын қарастырды. Керекті мамандар шақырылды, консилиум өткізілді. Ота жасалып, жеті айлық нәресте жарық дүниеге келді, ана да аман.
Экономика • 17 Маусым, 2021
Жалғыз түйеден басталған кәсіп жалғасып келеді. Отырар ауданының Арыс ауылында тұратын Совет Ержанов кешегі кеңестік кезеңде егіс алқабында тынбай еңбек етіп, уақытында тамақтанбағандықтан асқазанын ауыртып алған. Қымыранның қасиетіне қанық қазақ дәрі-дәрмекке онша сене қоймаса керек, бір түйе сатып алып, соның сүтімен емделуге бекініпті. Асқазандағы аурудан айықтырған ағарғанның пайдасын өзгелердің де көргенін қалап, келесі жылы түйе санын үшеуге жеткізген. Ем іздегендерден бөлек, ұлттық сусынды аңсап келетіндер де көбейген.
Тарих • 17 Маусым, 2021
Құнды жәдігерлер – көне тарихтың куәсі
Ұлы дала тарихын ежелгі дәуірден бастап қазірге дейін зерттеуді одан әрі жалғастыруға ерекше назар аудару қажеттілігі туралы Президент Қ.Тоқаевтың «Тәуелсіздік бәрінен қымбат» бағдарламалық мақаласында баса айтылған болатын.
Аймақтар • 15 Маусым, 2021
Шымкенттегі жұқпалы аурулар орталығына 20 сәуір күні жеткізілген 38 жастағы жүкті әйелдің жағдайы нашарлап, жансақтау бөліміне жатқызылады. Науқастың өкпесі 98 пайызға зақымдануына байланысты республикалық дәрежедегі дәрігерлер консилиум өткізіп, науқасты ЭКМО аппаратына қосқан. Дәрігерлердің айтуынша, бұл аппарат ауыр халдегі науқастарды емдеуде нәтиже болмаған жағдайда қолданылады.
