Қоғам • 07 Қыркүйек, 2024
Әр отбасы – берекелі қоғамның тірегі. Соның айғағы ретінде елімізде жыл сайын «Мерейлі отбасы» ұлттық байқауы ұйымдастырылып келеді. Кеше Астана төрінде Отбасы күні құрметіне дәстүрлі байқаудың жеңімпаздары арнайы марапатталды. Салтанатқа мемлекеттік лауазымды тұлғалар, қоғам қайраткерлері, түрлі ұйымдардың басшылары және елорда жұртшылығы қатысты.
Білім • 06 Қыркүйек, 2024
Биыл оқу жылында 4 миллионға жуық оқушы мектепке барды. Буыны қатайып келе жатқан балалардың күн тәртібі жазғы демалыстан кейін қайта жаңарып, оқушы соған бейімделе бастайды. Дәл осы шақта ата-аналар баланың дұрыс жетілуін ойласа, кейбір артық нәрселерден тыйып, сабаққа зейінін аударғаны абзал.
Спорт • 05 Қыркүйек, 2024
Жарыстар күнделігі: Боксшылар бес медаль жеңіп алды
Сербияның Суботица қаласында бокстан халықаралық турнир аяқталды. Жастар арасындағы жарыста ел намысын қорғаған спортшылар бес медаль жеңіп алды.
Еңбек • 04 Қыркүйек, 2024
Барлық салада жұмыс беруші мен жұмысшы арасындағы еңбек келісімі еңбек шарты негізінде бекітіліп, реттелуге тиіс. Кейбір ұжым басшылары Еңбек кодексін, еңбек шартын жетік білсе де, көзге ілмей жататын кездері болады. Екінші жақ та еңбек құқы бұзылғанын білгенімен, жұмыстан ажырап қалмауды ойлап, келеңсіздікке көз жұма қарайды. Бүгінде жылдап еңбекақысын күтіп шағымданатын ұжымдар азайғанымен, өңірлерде жалақысын өсіруді талап еткен жұмысшылардың шағымы көптің құлағына еміс-еміс жетіп жатады. Егер еңбек дауларына қатысты деректерге үңілсек, жұмыс беруші мен жұмысшы арасында кикілжің ара-тұра емес, жиі туындайтынын аңғарамыз.
Қоғам • 03 Қыркүйек, 2024
Жоғары оқу орнының міндеті – студенттерге сапалы білім беру болған соң, олар жастардың алаңсыз білім алуы үшін жайлы жағдай жасауды ойластырады. Оқу жылының басында Астана медицина университеті де студенттерін жаңа, жайлы жатақханамен қамтыды.
Қоғам • 29 Тамыз, 2024
Заманның ағымына қарай интернет платформалар арқылы жұмыс істеп, тәп-тәуір табыс табатын ел азаматтары көбейіп келеді. Бірі осы шаруасын негізгі кіріс көзі ретінде көрсе, екіншісі қосымша табыс көзі ретінде қарайды. Бастысы, интернет платформаларда жұмыс істейтін жұмысшылар еңбегіне қарай табыс тауып, халықтың да көңілінен шығып отыр.
Медицина • 27 Тамыз, 2024
МӘМС: Цифрландыру тұйықтан шығара ма?
Медициналық көмектің сапасын арттыру үшін МӘМС жүйесі мен медициналық мекемелердегі кемшіліктерді қатар реттеу қажет. Қазір МӘМС жүйесін жетілдіруге, цифрландыруға басымдық бере отырып, кемшіліктерді реттеуге көңіл бөлініп жатқанын байқаймыз. Мысалы, сақтандыру қорында медициналық қызметті цифрландырып, жүйедегі мол деректермен жұмыс істеу үшін ситуациялық-талдамалық орталығы ашылды.
Еңбек • 24 Тамыз, 2024
Көмір қазушылардың еңбегі орасан
«Көмір бар жерде өмір бар» дегендей, тіршілікті қамтамасыз етуде маңызы зор шикізатты жеті қат жер астынан қопарып алып шығып, ел игілігіне ұсынатын шахтерлердің еңбегі орасан. Осы салада табан ақы, маңдай терімен нәпақасын тауып жүрген еңбекторы азаматтарға тамыздың соңғы жексенбісі – Шахтер күнінде ерекше құрмет көрсетіледі.
Медицина • 23 Тамыз, 2024
Алматыдағы балалар кардиохирургиясы және перинатология орталығында құрсақішілік тағы бір операция сәтті жасалды. Күрделі операция баланың туабітті патологиясын түзеуге септігін тигізіп, сәбидің дүниеге дені сау болып келу мүмкіндігін арттырады екен.
Туризм • 09 Тамыз, 2024
Берекелі жерден қонақ арылмайды
Алматы маңындағы туризмге жайлы аудан, ауылдарға саяхаттайтын ел азаматтары, шетелдіктер көп-ақ. Ал Астанаға сапарлаған жұрт Бурабай курорттық аймағынан әрі аса алмай жатады. Елорданың ауа райы оңтүстіктегі өлкелерге қарағанда салқын, жауын-шашынды болғанымен, туристерге көрсететін көрікті жерлер баршылық. Өйткені Ақмола – сыры бүгулі жатқан елді мекендер өңірі. Осыны елеп-ескерген кейбір кәсіпкерлер экотуризм, этнотуризм, агротуризмді дамытуға мән бере бастады.
