Театр • 25 Сәуір, 2023
Мағжан мен Зылиха махаббаты – корей сахнасында
Алашқа адал қызмет еткен арда арыстардың алыста қалған қасіретті тағдырын сахна тілінде суреттеу қадамының қайсысы да көрермен тарапынан ықылассыз қалған емес. Поэзиясында махаббатқа айрықша орын беріп, сезім мен сүйіспеншілікті тамылжыта жырлаудан талмай кеткен Мағжан Жұмабаев пен жан жары Зылиханың махаббатын баяндаған Алматыдағы Мемлекеттік Корей музыкалық драма театрының «Әйел махаббаты» спектаклі жиналған көпұлтты көрерменнің көңілін бір-ақ сәтте баурап алды. «Көзбен көріп, ішпен білетін» махаббаттың тілін түсіну үшін тәржіманың керегі де жоқ. Бастысы, әйелдің мөлдіреген таза сезімі бар, маздаған от, жарға деген адалдық бар.
Театр • 19 Сәуір, 2023
Адамзат ізгілікке ұмтылмаса, ақырзаман басталады
Әйгілі Шыңғыс Айтматовтың «Кассандра таңбасы» романы өз уақытында әдебиетке дүбірлеп келгені, жаңа шығарманың жарыққа шыға сала «Жан пида», «Ғасырдан да ұзақ түн» шығармаларымен қатар атала бастағаны есімізде. Әлемнің өресі биік оқырманы адамзат алдында тұрған экология және рухани апатқа қарсы азаматтық-жазушылық парызбен үн қосқан өзгеше интеллектуалдық-философиялық шығарма екенін танып, өзектілігіне мән берсе, енді бірі діни-мифологиялық маңызына соққы беріп, фантастикалық-мистикалық сарыны төңірегіндегі сыни пікірін жарыса жариялап жатты. Бұл шығармашылығын жеңіл дүниемен шиырламайтын кемел Ш.Айтматовтың «ұлттық» деген деңгейден биіктеп, әлемдік ізгілікті, жалпыадамзаттық құндылықты қаузап жүрген толысқан шағы-тын.
Көрме • 17 Сәуір, 2023
«Періште ізі» – шебер мен шәкірт тартуы
Ата-бабадан мұра болып келген төрт түліктің падишасы жылқы жануарының Ә.Қастеев атындағы өнер музейінің кең залына үйір-үйірімен жосыла келген сәтін алматылықтар алғаш рет көрді. «Ішсе – сусын, жесе – азық, мінсе – көлік» Қамбар ата түлігі қылқалам шеберлерінің суреттеуінде әр қырынан ашылып, бір тақырыпты жырлаудың мұншама мол бай үлгісіне еріксіз тәнті болды. Жағалата ілінген картиналардағы мөлдіреген жылқының жанарына қараған адамның бойына қанат бітіп, жүрегінде рух оянды. Бауыр еті баласына «құлыным» деп еміренген қазақ пен жылқының ортақ қасиетін, жақындығын сезіндірген көрме «Izder Iv/Періште ізі» деп аталады.
Сұхбат • 05 Сәуір, 2023
Есетжан ҚОСЫБАЕВ: Бізге Кинематография комитеті керек
Наурыз айының басында Ұлттық киноны қолдау мемлекеттік орталығы ұлттық фильмдер деп танылуға үмітті киножобаларды іріктеу үшін кезекті, атап айтқанда бесінші рет өтінімдер қабылдауды жариялады. Орталық жұмысындағы жаңалықтарды бөліскен «ҰКҚМО» КеАҚ басқарма төрағасы Есетжан Қосыбаевпен жүргізілген әңгімеде талқыланатын мәселелер ауқымы әлдеқайда кең екені аңғарылды.
Өнер • 30 Наурыз, 2023
Түркітілдес халықтардың мәдениеті мен өнерін дамыту халықаралық ұйымы 2023 жылды «Темірбек Жүргенов жылы» деп жариялағаны белгілі. Осыған сәйкес, есімі мен еңбегі қазақ халқына ғана емес, Орталық Азия халықтарына ортақ бірегей тұлғаны ұлт болып ұлықтау іс-шараларын республикалық, халықаралық деңгейде ұйымдастыру қолға алынып, жыл көлемінде Темірбек Жүргеновтің өмірі мен шығармашылығын кеңінен насихаттаудың жобалары бекітілді.
Театр • 30 Наурыз, 2023
Халықаралық Театр күні мерекесі көктеммен, жақсылықтың жаршысы, жаңа жылдың бастауы Наурызбен бірге келіп жетеді. Асыра айтқандық емес, елдегі ең ескі театрлардың бірі, алдағы жылы торқалы тоқсан жасын қарсы алғалы отырған Алматы Мемлекеттік Қуыршақ театры балаларға арналған барлық өнер мекемелерінің ішіндегі маңдайалдысы. Театрдың киім ілгіштен басталатынын бәрі біледі, бірақ шымылдық сыртындағы сахна өмірі екінің біріне құпиясын аша бермейді. Кішкентай көрерменнің көз алдында әлемді сиқырға айналдырып жіберетін сирек мамандық иелері кәсіби мерекесіне орай кішкентай көрермендері мен баспасөз өкілдерін шақырып, арнайы таныстыру турын жасады. Тілшілерді шақырып, таныстыру мақсаты – жұмбақ әрі тылсымға толы Қуыршақ театры жұмысының көп қырлы екенін көрсету.
Қоғам • 03 Наурыз, 2023
«Корё ильбо» – корей диаспорасының жылнамасы
Аудармасына «Авангард» деген мағынаны айшықтап, «Сенбон» атауымен жарық көрген «Корё ильбо» газеті – бүгінгі ұлттық журналистикадағы байырғы басылымдардың бірі. Корей және орыс тілдерінде жарық көретін басылым жүз жыл бойы Қазақстанды мекендеген корейлердің жылнамасын жазатын жалғыз ақпарат көзі және байланыс құралы болып қызмет етіп келеді. Корей халқының тілін, ұлттық құндылықтарын, жазуын, мәдениетін сақтап қалуда газет маңызды рөлге ие болды.
Өнер • 01 Наурыз, 2023
Өмірде де, өнерде де бір шаңырақ астында
Қоржынында баға жетпес шығармашылық қазына мен халық дәстүрінің игілігі жинақталған, жетпіс жылға жуық тарихы бар мемлекеттік «Салтанат» ән-би ансамблі Алғыс айту күніне орай «Шын жүректен» атты концерт ұйымдастырды. Үлкен сахнадан түрлі ұлт арасындағы достықты, бірлік пен татулықты насихаттайтын ұжым осылайша бірлік үнін жолдады.
Театр • 23 Ақпан, 2023
Татарстан көрерменін тәнті етті
Биыл ақпан айында көрнекті опера әншісі, әлемге әйгілі әртіс, Қазан қаласының тумасы Федор Иванович Шаляпиннің туғанына 150 жыл толып отыр.
Кино • 22 Ақпан, 2023
Қысқаметражды фильм жас режиссерлер шығармашылығының өзегі іспетті. Жарты сағаттың айналасында көрерменнің жүрегіне жол салу әрі алғашқы аяқалысы арқылы өз қолтаңбасынан хабар беру тәжірибесі мол кәсіби шебердің өзіне де оңай емес. Бір сөзбен түйіндегенде, қысқаметражды фильм «мен киноға келдім» деген хабаршы. Бұған дейін «Шу-Чу» атты фильм түсірген әнші, композитор, продюсер, актер Жантемір Баймұхаметов жақында «Егеуқұйрық» атты екінші фильмін көрерменге тарту етті. Өзін режиссер ретінде дәлелдегісі келген өнер адамының салмақты жұмысына назар аудармау мүмкін емес.
